.JPG)
“ရွှေရည်စိမ် လွတ်လပ်ရေး” ပြီးတော့ “ငွေရည်စိမ် ဒီမိုကရေစီ” မဖြစ်စေဖို့ ။
“ရွှေရည်စိမ် လွတ်လပ်ရေး” ပြီးတော့ “ငွေရည်စိမ် ဒီမိုကရေစီ” မဖြစ်စေဖို့ ။
မြန်မာ့လွတ်လပ်ရေးကြိုးပမ်းမှုကာလအတွင်း ၁၉၄၃ ခုနှစ်က ဖက်ဆစ်ဂျပန်က မြန်မာပြည်ကို “ရွှေရည်စိမ် လွတ်လပ်ရေး” ပေးခဲ့တယ်။ ဒီ ရွှေရည်စိမ်လွတ်လပ်ရေးအတုအယောင်ကို ရဟန်းရှင်လူ ပြည်သူလူထုအပေါင်းက ဆန့် ကျင်တော်လှန်ခဲ့ကြလို့  လွတ်လပ်ရေးအစစ်အမှန်ကို ရရှိခဲ့ကြတယ်။
၁၉၄၈ ခုနှစ်မှာ ရရှိခဲ့တဲ့ မြန်မာ့လွတ်လပ်ရေးဟာ ၁၉၆၂ ခုနှစ်ရောက်တော့ စစ်အာဏာရှင်လက်အောက်မှာ ဆုံးရှုံးခဲ့ရပြီး မြန်မာပြည်သူပြည်သားအပေါင်း အာဏာရှင်စနစ်လက်အောက်က လွတ်မြောက်ဖို့ ၊ လူ့ အခွင့်အရေး ရရှိဖို့ နဲ့  ဒီမိုကရေစီစနစ် ပေါ်ပေါက်ထွန်းကားဖို့  ၁၉၈၈ ခုနှစ်မှာ ကျောင်းသားကျောင်းသူ ရဟန်းရှင်လူ ပြည်သူလူထုအပေါင်းတို့ က ရှစ်လေးလုံးပြည်သူ့ အရေးတော်ပုံကြီး ဆင်နွဲခဲ့ကြတာ ယခုဆိုရင် (၂၅) နှစ်ဆိုတဲ့ ငွေရတုအချိန်ကာလကို ရောက်ခဲ့ပြီ၊
ကျွန်တော်တို့ တစ်တွေ “ရွှေရည်စိမ် လွတ်လပ်ရေး” ရရှိခဲ့ဖူးတယ်ဆိုတာ သမိုင်း သင်ခန်းစာ ရှိသလို၊ ယခုလက်ရှိ ပြောဆိုနေကြတဲ့ ဒီမိုကရေစီစနစ်ဆိုတာဟာ “ငွေရည်စိမ် ဒီမိုကရေစီ” ဆိုတဲ့ ဒီမိုကရေစီအတုအယောင် ရရှိတာမျိုး မဖြစ်စေဖို့ တော့ ကျွန်တော်တို့ အားလုံးမှာ တာဝန်ရှိတယ်ဆိုတာ အသိတရား သတိတရားထားကြရပါလိမ့်မယ်။
နစ်နေမန်း။
No comments:
Post a Comment