နအဖရဲ့  မရိုးသား မမှန်ကန်သော ထောင်ခါပွဲကြီး။

နအဖက ထောင်သား စုစုပေါင်း (၉၀၀၂) ယောက်ကို လွှတ်လိုက်ကြောင်း ကြေညာခဲ့ပါတယ်။ လွှတ်တဲ့သူတွေ မနည်းဖူးဆိုတာက ဖမ်းထားတဲ့သူ ဦးရေ ဘယ်လောက်များပြားသလည်းဆိုတာ သက်သေတစ်ခုအနေနဲ့ ပြသနေပါတယ်။ ဒါတောင် လွှတ်တဲ့ ဦးရေက ဖမ်းထားသူတွေရဲ့ ပမာဏအနည်းငယ်သာ ရှိပါသေးတယ်။

အာဏာရှင်များက ယခုလိုမျိုး ထောင်သားဦးရေ အစုလိုက် အပြုံလိုက် လွှတ်ခဲ့ဖူးတဲ့ သာဓကများအရ ပြန်လည်သုံးသပ်ကြည့်တဲ့အခါမှာ - အောက်ဖေါ်ပြပါ အကြောင်းရင်းတွေကြောင့် ထောင်သားတွေ အစုလိုက်အပြုံလိုက် လွှတ်လေ့လွှတ်ထရှိတယ်ဆိုတာ တွေ့ ရှိရပါတယ်။

(၁) ထောင်တွင်း လူဦးရေပြည့်ကျပ်နေမှုအား လျှော့ချရန်နှင့် နိုင်ငံရေးအရ ဖမ်းဆီးမှုများပြုလုပ်လျှင် နေရာလစ်လပ်နေစေရန်အတွက် ထောင်ခါခြင်း။

(၂) မှုခင်းဆိုင်ရာ ရာဇ၀တ်မှုနှင့်ထောင်ကျနေသူ လူဆိုးလူမိုက်များအား ပြည်သူများအား ဖိနှိပ်နှိမ်နင်းရာတွင် အဆိုပါသူများအား ပြန်လည်အသုံးချရန်အတွက် ဆောင်ရွက်ခြင်း။

(၃) ပြည်တွင်းပြည်ပ နိုင်ငံရေးအရ ဖိအားပေးမှုများအား လျော့ကျစေရန် ဆောင်ရွက်ခြင်း။

(၄) ထောင်တွင်း ကျွေးမွေးစရိတ်နှင့် နေထိုင်မှုစရိတ်သက်သာစေရန်အတွက် ဆောင်ရွက်ခြင်း။

(၅) အုပ်ချူပ်သူများ အနေနှင့် ညှာတာသနားသောစိတ်ရှိကြောင်း ဟန်ဆောင် ဖန်တီးပြသလိုခြင်း။

(၆) နိုင်ငံရေးအခြေအနေ အပြောင်းအလဲတစ်ခုလုပ်ဆောင်ရန်အတွက် အာရုံလွှဲချက်တစ်ခုအဖြစ် ဆောင်ရွက်ခြင်း

- အစရှိတဲ့ အကြောင်းရင်းတွေနဲ့  လွှတ်လေ့လွှတ်ထ ရှိပါတယ်။

တကယ်တန်းသာ ကောင်းမွန်သော မှန်ကန်သော ရည်ရွယ်ချက်ဖြင့် လွှတ်လိုတယ်ဆိုရင် နိုင်ငံရေးယုံကြည်ချက်အရ မိမိတို့ ရဲ့ သဘောထားဆန္ဒများကို ငြိမ်းချမ်းစွာ ဖေါ်ထုတ်ပြခဲ့တဲ့၊ လူသားတစ်ဦးအတွက် ရှိသင့်ရှိထိုက်တဲ့ ရသင့်ရထိုက်တဲ့ အခြေခံ လူ့ အခွင့်အရေးကို အေးချမ်းစွာ တောင်းဆိုခဲ့ကြတဲ့သူတွေကို မတရားပုဒ်မတွေတပ်ပြီး ဖမ်းဆီးထောင်ချထားရာကနေ သူတို့ အားလုံးအပါအ၀င် လွှတ်ပေးသင့်တာပါ။

နောက် အခု အမြင်ကောင်းအောင် လွှတ်ပြလိုက် နောက်ပြန်ဖမ်းလိုက်လုပ်နေတဲ့ လွှတ်တမ်းဖမ်းတမ်းနည်းကိုလည်း လုံးဝမလုပ်သင့်တာပါ။ ၁၉၈၈ အရေးတော်ပုံကြီးကာလကနေ အခုအချိန်ကာလထိ ဒီလိုဘဲ အစုလိုက်အပြုံလိုက် လွှတ်ပြလိုက်၊ ပြန်ဖမ်းလိုက် လုပ်နေတာ အကြိမ်ပေါင်း မနည်းတော့ပါဖူး။ ဒီအထဲမှာ နှစ်ထပ်ကွမ်းတွေ သုံးထပ်ကွမ်းတွေတောင်မကတော့ဘဲ ပြန်ဖမ်းဆီးတာ ခံရသူတွေ ရှိပါတယ်။

ဒါကြောင့်မို့  နေအိမ်အကျယ်ချူပ်ထိန်းသိမ်းခံနေရတဲ့ ဒေါ်အောင်ဆန်းစုကြည်၊ ဦးတင်ဦး၊ ထောင်တွင်းမှာ ဖမ်းဆီးထိန်းသိမ်းခံနေရတဲ့ ဦးဝင်းတင်၊ တိုင်းရင်းသားခေါင်းဆောင်တွေ ဖြစ်ကြတဲ့ ဦးခွန်ထွန်းဦးတို့ ၊ ၈၈ မျိုးဆက်ကျောင်းသားများအဖွဲ့ က ကိုမင်းကိုနိုင်တို့  ကျောင်းသားကျောင်းသူတွေ၊ ရွှေဝါရောင်တော်လှန်ရေးမှာ ပါဝင်ခဲ့တဲ့ သံဃာတော်တွေ၊ ကိုထင်ကျော်တို့  မစုစုနွေးတို့ လို ပြည်သူပြည်သားတွေ၊ စာပေပညာရှင်တွေ၊ အနုပညာရှင်တွေ၊ ဘလော့ဂါတွေ၊ မကြာခင်ကမှ ဖမ်းဆီးခံခဲ့ရတဲ့ လူငယ်လူရွယ်တွေ၊ မတရားစွပ်စွဲခံထားရတဲ့ ဦးမြင့်အေးတို့ လို လူ့ အခွင့်အရေးရရှိရေးဆောင်ရွက်သူတွေ - အစရှိတဲ့ နိုင်ငံရေးအကျဉ်းသားတွေ ပြည်သူတွေအားလုံးကို လွှတ်ပေးရမှာပါ။

ဒီလို ဒေါ်အောင်ဆန်းစုကြည်နဲ့  နိုင်ငံရေးအကျဉ်းသားများအားလုံးကိုပါ တစ်ပြိုင်နက်ထဲ လွှတ်တာမျိုးမဟုတ်ရင် နအဖရဲ့  ထောင်လွှတ်ပွဲကြီးဟာ အထက်ဖေါ်ပြပါ ရည်ရွယ်ချက်များနှင့်သာ ပြုလုပ်သော မရိုးသားတဲ့ မမှန်ကန်တဲ့ ထောင်ခါပွဲကြီးသာ ဖြစ်ပါကြောင်း ကောက်ချက်ချပါတယ်။