.JPG)
မုန်တိုင်းဒဏ်ခံခဲ့ရသူတွေ အခုထိတိုင် ထောင်နဲ့ သောင်းနဲ့ ချီပြီး ဒုက္ခရောက်နေဆဲ။
မုန်တိုင်းဒဏ်ခံခဲ့ရသူတွေ အခုထိတိုင် ထောင်နဲ့ သောင်းနဲ့ ချီပြီး ဒုက္ခရောက်နေဆဲ။
နာဂစ်မုန်တိုင်းဘေးဒဏ်ခံခဲ့ရပြီး (၅) လကြာမြင့်တဲ့နောက် ယခုအချိန်တိုင်အောင် နေရေးထိုင်ရေး ဒုက္ခရောက်နေကြဆဲ မိသားစုအများအပြား ရှိနေကြပါတယ်။
အထူးသဖြင့် ဧရာဝတီမြစ်ဝကျွန်းပေါ်ဒေသမှာ မုန်တိုင်းဒဏ်ခံခဲ့ရသူတွေ အခုထိတိုင် ထောင်နဲ့ သောင်းနဲ့ ချီပြီး ဒုက္ခရောက်နေဆဲဆိုတာ နအဖသတင်းစာတွေမှာ မဖေါ်ပြဘဲ၊ နအဖ၀ါဒဖြန့် ချီရေးအတွက်သာ စီစဉ်ထားတဲ့နေရာအနည်းငယ်နဲ့  လူအနည်းစုကိုသာ ပြသဖေါ်ပြနေတာ ဖြစ်ပါတယ်။
ယခုထိတိုင် ဒုက္ခရောက်နေကြတဲ့သူအများအပြားထဲကနေ ဖျာပုံမြို့ နဲ့  မလှမ်းမကမ်း ဖျာပုံမြစ်ကမ်းခြေတစ်လျှောက် လမ်းဘေးမှာ ပြောင်းရွှေ့ နေထိုင်နေတဲ့သူ ရာချီရှိတဲ့ မိသားစုတွေဟာ ၅ ပေ ၆ ပေခန့် သာရှိတဲ့ တာပေါ်လင်အစလေးကို အမိုးအကာလုပ်ပြီး နေနေရဆဲပါ။ သူတို့ တွေမှာ စားစရာနေစရာအတွက် ၀ယ်ယူနိုင်ဖို့  ငွေကြေးလည်းမရှိ၊ ထွန်ယက်စိုက်ပျိုးဖို့  လယ်မြေတွေလည်း မရှိတော့ပါ။
ဒီလို အမိုးအကာလုပ်ပြီး နေနေရတဲ့ တာပေါ်လင်အစဟာ အချိန်ကြာမြင့်လာတာကြောင့် နောက် ၂ လ ၃ လလောက်ဆိုရင် လုံးဝ စုတ်ပြတ်ပျက်စီးသွားတော့မှာဖြစ်ကြောင်း၊ နေ့ ခင်းနေပုပြင်းမှုကြောင့် တာပေါ်လင်နဲ့ အိုးထားတဲ့ အမိုးအကာအောက်မှာ အပူရှိန်မခံနိုင်တာကြောင့် ကလေးသူငယ်တွေ မနေနိုင်ကြကြောင်း၊ ညဘက်ဆိုရင်လည်း လေဒဏ်မိုးဒဏ်ကို ဒီတာပေါ်လင်လေးနဲ့ မိုးထားတဲ့အောက်မှာ ကြံ့ ကြံ့ ခံရင်း အိပ်ကြနေကြရတာဖြစ်ကြောင်း ပြောဆိုပြပါတယ်။
ဒီ့အပြင် မိုးသည်းကြီးမည်းကြီး ရွာတဲ့အခါမျိုးမှာဆိုရင် မိုးရေတွေဟာ တာပေါ်လင်နဲ့ မိုးထားတဲ့ တဲအောက်ကို စီးဝင်လာပြီး ရွှဲစိုကုန်တဲ့အကြောင်း၊ အိပ်ရာထိုင်ခင်းအနေနဲ့  သုံးနေရတဲ့ ပလတ်စတစ်အစလေးလည်း မိုးစိုလို့  ထိုင်လို့ အိပ်လို့ မရဘဲ ဒီအတိုင်း ဒုက္ခခံပြီး နေနေရတယ်လို့  ပြောပြပါတယ်။
တဲသာသာ မခိုင်မခံနဲ့  နေနေကြရတဲ့ နာဂစ်မုန်တိုင်း ဒုက္ခသည်မိသားစုတွေဟာ မကြာခင်မှာ ရောက်လာတော့မယ့် ဆောင်းရာသီမှာ အအေးဒဏ်ကို ဘယ်လိုရင်ဆိုင်နေထိုင်ကြရမလည်းဆိုတာ တွေးပြီး စိတ်ပူပင်သောကလည်း ရောက်နေကြပါတယ်။
နောက်ဖြစ်ပျက်နေမှုတွေကတော့ -
လယ်ယာမြေအနည်းအကျဉ်းကို ပြန်လည်လုပ်ကိုင်နေကြတဲ့ မုန်တိုင်းဒုက္ခသည်မိသားစုအနည်းစုဟာလည်း အခက်အခဲပေါင်းများစွာနဲ့  ကြုံတွေ့ နေရဆဲ ဖြစ်ပါတယ်။ လယ်မြေတွေမှာ ခရုတွေ၊ ဂဏန်းတွေနဲ့  အခြားသော သီးနှံဖျက်ပိုးကောင်တွေ အမြောက်အများကို လယ်ယာမြေတွေမှာ တွေ့ ရှိရပါတယ်။ လယ်ယာတွေမှာ မျိုးချပျိုးကျဲထားတဲ့ သီးနှံပင်တွေကို ဖျက်စီးနေတဲ့ ပိုးကောင်တွေကို ကာကွယ်ပက်ဖျန်းဖို့  ပိုးသတ်ဆေးတွေ လုံးဝမရှိလို့  မ၀ယ်ယူနိုင်လို့  ဒီအတိုင်းဘဲ လက်နဲ့ ကောက်ယူပြီး ဖယ်ရှားပစ်နေရပါတယ်လို့  ကွမ်းခြံကုန်းမြို့ နယ်က ရွာသူရွာသား လယ်သမားတွေက ပြောပြပါတယ်။
ထို့ အတူ စိုက်ပျိုးထားတဲ့ စပါးသီးနှံတွေအတွက်လည်း မြေသြဇာလိုအပ်မှုတွေကို မဖြည့်ဆီးနိုင်လို့  စိုက်ပျိုးပင်တွေဟာ မအောင်မြင်ဘဲ ရှိနေတယ်လို့ လည်း ပြောပြကြပါတယ်။
ဒီလို နာဂစ်မုန်တိုင်း တိုက်ခတ်ခံရခဲ့မှုရဲ့  နောက်ဆက်တွဲ ဘေးဒုက္ခဒဏ်ခံနေရဆဲ မိသားစုတွေကို ဆက်လက်ကူညီနိုင်ကြဖို့  လိုနေပါတယ်။ လိုအပ်တဲ့ ကူညီမှုတွေလုပ်ဆောင်ပေးနိုင်ရန်အတွက် အကူအညီပစ္စည်းတွေ တိုက်ရိုက်ပေးပို့ နိုင်ဖို့  နဲ့  ကူညီသူတွေ မည်သူမဆို လွတ်လွတ်လပ်လပ် သွားရောက်ကူညီနိုင်ဖို့  လိုအပ်ပါတယ်။
(ယခုပြောဆိုဖေါ်ပြချက်အား IRIN မှ ရရှိပါသည်)။
No comments:
Post a Comment