မြန်မာ့ ငြိမ်းချမ်းရေးဖခင်ကြီး ဆရာကြီး သခင်ကိုယ်တော်မှိုင်း၏ (၁၃၃) နှစ်မြောက် မွေးနေ့  မတ်လ (၂၃) ရက်နေ့ ။

ယနေ့ ကျရောက်တဲ့ မတ်လ (၂၃) ရက်နေ့ ဟာ မြန်မာ့ ငြိမ်းချမ်းရေးဖခင်ကြီး၊ မြန်မာ့ အမျိုးသားဇာတိမန်ကို နှိုးကြားစေဖို့  စာပေပညာနဲ့  နှိုးဆော်ခဲ့တဲ့ ဆရာကြီး သခင်ကိုယ်တော်မှိုင်း (ခ) ဆရာလွန်းရဲ့  (၁၃၃) နှစ်မြောက် မွေးနေ့  ဖြစ်ပါတယ်။

ဆရာကြီး သခင်ကိုယ်တော်မှိုင်းကို ၁၈၇၆ ခုနှစ်၊ မတ်လ (၂၃) ရက်နေ့ မှာ ဖွားမြင်ပြီး ၁၉၆၄ ခုနှစ်၊ ဇူလိုင်လ (၂၃) ရက်မှာဘဲ ကွယ်လွန်ခဲ့ပါတယ်။

မြန်မာ့လွတ်လပ်ရေးသမိုင်းမှာ အထင်ကရရှိခဲ့ပြီး တော်လှန်ရေးခေါင်းဆောင်ကြီးများ အမျိုးသားခေါင်းဆောင်ကြီးများ ပါဝင်လှုပ်ရှားခဲ့တဲ့ “တို့ ဗမာအစည်းအရုံးကြီး” မှာ ဆရာကြီးသခင်ကိုယ်တော်မှိုင်းဟာ သခင်မြ၊ သခင်အောင်ဆန်း၊ သခင်နု အစရှိတဲ့ သခင်တွေကို ဦးဆောင်ပေးခဲ့သူ ဖြစ်ပါတယ်။

မြန်မာ့သမိုင်းမှာ “မှိုင်းရာပြည့်” ဆိုတဲ့ ၁၉၇၆ ခုနှစ်မှာ ကျောင်းသားပြည်သူ ရဟန်းရှင်
လူအပေါင်း အားလုံးက လေးလေးစားစား ဦးညွှတ်ကြပြီး ဆရာကြီး သခင်ကိုယ်တော်မှိုင်း (ဆရာလွန်း) ရဲ့ အသက်တစ်ရာပြည့် မွေးနေ့ အထိမ်းအမှတ် ကြီးကျယ်ခမ်းနားစွာ ကျင်းပခဲ့ကြပါတယ်။

ယခုအာဏာရှင်များ လက်ထက်မှာတော့ ဆရာကြီးသခင်ကိုယ်တော်မှိုင်းတို့ လို အမျိုးသားရေးဇာတိမာန် နှိုးကြားလာအောင် မြှင့်တင်ကြိုးစား လမ်းပြခဲ့ကြတဲ့ ပုဂ္ဂိုလ်မြတ်ကြီးတွေ ကျေးဇူးကို သတိရဖို့ နေနေသာ ဂုဏ်ပြုဖို့  နေနေသာ၊ အာဏာရှင်သန်းရွှေအပေါင်းအပါတွေဟာ ပါးစပ်ကသာ ဇာတိမာန်တွေ တတွင်တွင်အော်နေပေမယ့် အမျိုးသားအမျိုးသမီးကောင်းတွေရဲ့  ဘ၀တွေ ပျက်ပျက်သုန်း ကြေမွပျက်စီးနေစေတယ်။ အမျိုသားဓလေ့ထုံးတမ်းစဉ်လာနဲ့ အမျိုးသားပိုင် အဆောက်အဦးနေရာဒေသတွေကို ကာကွယ်စောင့်ရှောက်ဖို့ ထက် လူမျိုးခြားတွေလက်တဲကို တွင်တွင်ကြီး ရောင်းချနေပါတော့တယ်။ ဆရာကြီးသခင်ကိုယ်တော်မှိုင်းသာ သက်ရှိထင်ရှားရှိနေသေးရင် ရင်ကျိုးမှာ အမှန်ပါဘဲ။

၁၉၈၈ ခုနှစ် ရှစ်လေးလုံးအရေးတော်ပုံကြီးအတွင်းမှာ အေးချမ်းစွာဆန္ဒပြခဲ့ကြတဲ့ ရဟန်းရှင်လူ ကျောင်းသားပြည်သူတွေကို တစ်ပါတီအာဏာရှင်ဖြစ်တဲ့ နေ၀င်းရဲ့  လက်ပါးစေတွေက ရိုက်နှက်ထုထောင်း ရက်ရက်စက်စက် ပစ်ခတ်သတ်ဖြတ်ခဲ့တဲ့ ၁၉၈၈ ခုနှစ် မတ်လ၊ သြဂုတ်လနဲ့ စက်တင်ဘာလတွေမှာ၊ မြို့ အသီးသီး နယ်အသီးသီးက လမ်းမတွေပေါ်မှာ ကြွေးကြော်ချီတက်ခဲ့ကြရင်း “ကမ္ဘာမကြေဖူး” ထဲက သီချင်းစာသားကို အဆက်မပြတ် သီဆိုကာ ဗိုလ်ချူပ်အောင်ဆန်းနဲ့  ဆရာကြီးသခင်းကိုယ်တော်မှိုးင်းတို့ ကို ဦးတည်တိုင်တန်း တိုင်တည်ခဲ့ကြပါတယ်။ အဘိုး သခင်ကိုယ်တော်မှိုင်းတို့  ရယူပေးတဲ့တဲ့ လွတ်လပ်ရေးနဲ့  ငြိမ်းချမ်းရေး ပျက်သုန်းပျောက်ကွယ်ကာ အာဏာရှင်တို့  ရဲ့  လူသတ်လက်နက်တွေနဲ့  လူသတ်ကောင်တွေအောက်မှာ မြန်မာ့ရာဇ၀င် ရိုင်းသွားရပြီဖြစ်ကြောင်း တိုင်တည်ခဲ့တာ ဖြစ်ပါတယ်။

(ကမ္ဘာမကြေဖူး ….
ငါတို့ တစ်တွေရဲ့ သွေးနဲ့ ရေးတဲ့ မော်ကွန်းတွေ၊
တော်လှန်ရေး …
ဒီမိုကရေစီတိုက်ပွဲအတွင်းမှာ ကျဆုံးသော
အော် .. .သူရဲကောင်းတို့ ရေ …
အာဇာနည်တွေ နေတဲ့ တိုင်းပြည် … )
ရဲရဲတောက် ဒို့  ပြည်သူတွေ …

(သခင်ကိုယ်တော်မှိုင်း … ရာဇ၀င်တွေလည်း ရိုင်းခဲ့ရပြီး အဖိုးရေ …
သခင်အောင်ဆန်း … နိုင်ငံတော်လည်း သွေးစွန်းခဲ့ပြီ အဖရေ …
အော် .. လုပ်ရက်ကြပေ …
ပေတရာပေါ်မှာ ပြည်သူ့ အလောင်းတွေ …. )
အတုံးအရုံး လဲပြိုကာနေ၊

ညီအစ်ကိုတို့  … ပေတရာပေါ်မှာ စီးတဲ့သွေးတွေ မခြောက်သေးဖူး၊
မတွေဝေနဲ့  …. ဒီမိုကရေစီတိုက်ပွဲအတွင်းမှာ ကျဆုံးသော၊
အော် … သူရဲကောင်းတို့ လို ခိုင်မာပီပြင် တော်လှန်ပြုမလေ၊

ညီအစ်ကိုတို့  … ပေတရာပေါ်မှာ ကျတဲ့သွေးတွေ မခြောက်သေးဖူး၊
မတွေဝေနဲ့  …. ဒီမိုကရေစီတိုက်ပွဲအတွင်းမှာ ကျဆုံးသော၊
အော် … သူရဲကောင်းတို့ လို ခိုင်မာပီပြင် တော်လှန်ပြုမလေ၊
အမျိုးချစ်တဲ့ ဒို့ တာဝန်ပေ …
ကမ္ဘမကြေဖူး … ။

(၁၉၈၈ ခုနှစ် ရှစ်လေးလုံးအရေးတော်ပုံကြီးအတွင်း လမ်းမတွေပေါ်မှာ ချီတက်ဆန္ဒပြရင်း သီဆိုခဲ့တဲ့ ဒီသီချင်းကို ပြန်လည်သီဆိုထားတာတွေ့ ရလို့  မျှဝေလိုက်ပါတယ်။ ဒေါင်းလုပ် download ရယူဖို့  - http://sharebee.com/0a2550d6)

ဆရာကြီးသခင်ကိုယ်တော်မှိုင်း ရှေ့ ဆောင်လမ်းပြခဲ့တဲ့ အမျိုးသားရေးဇာတိမာန်တွေ ထပ်မံနိုးကြားကြပြီး တိုင်းပြည်နဲ့ လူမျိုး ငြိမ်းချမ်းဖို့ အတွက် လွတ်လပ်ဖို့ အတွက် အမျိုးသား အမျိုးသမီးထုအပေါင်းအနေနဲ့  မိမိတို့  အမျိုးသားအရေးကို ကာကွယ်စောင့်ရှောက်ကြပါ၊ အမျိုးသားရေး စိတ်ဓါတ်တွေ မွေးကြပြီး အမျိုးသားတစ်ရပ်လုံးရဲ့  ရန်သူဖြစ်တဲ့ အာဏာရှင်များကို တော်လှန်တိုက်ထုတ်ကြပါစို့ လို့  ဆရာကြီးသခင်ကိုယ်တော်မှိုင်း မွေးနေ့ အခါသမယမှာ တိုက်တွန်းနှိုးဆော်လိုက်ရပါတယ်။

(နစ်နေမန်း)။

အောက်ဖေါ်ပြပါ ဆရာကြီးသခင်ကိုယ်တော်မှိုင်း အမှတ်တရဓါတ်ပုံများကို “မှိုင်းရာပြည့်  - ဆရာကြီး သခင်ကိုယ်တော်မှိုင်း အနှစ်တစ်ရာပြည့် အထိမ်းအမှတ်အဖြစ် ၁၉၇၆ ခုနှစ်က ထုတ်ဝေခဲ့တဲ့ စာစောင်မှနေ ပြန်လည် မျှဝေဖေါ်ပြလိုက်ပါတယ်။