ဥပဒေမဲ့ ထင်ရာစိုင်း ရမ်းကားနေသော ဖိုးလပြည့်၏ အပေါင်းအသင်းများ။

ဒီနေ့ ကားတိုက်မှုတစ်ခုဖြစ်ပါတယ်။ တိုက်တာက ရှေ့က ရှေးဟောင်းသုတေသနက အရာရှိမောင်းလာတဲ့ကားကို အနောက်ကနေ ၁၈၊ ၁၉ နှစ်အရွယ်လောက်ရှိတဲ့ ချာတိတ်သုံးယောက် မောင်းလာတဲ့ကားက ၀င်တိုက်တာပါ။

ကားတိုက်တဲ့အသံက အတော်ပြင်းတော့ ကျမတို့ ထွက်ကြည့်ကြတယ်။ အတိုက်ခံရတဲ့ကားကို မောင်းတဲ့ အရာရှိအမက ကျမတို့အသိမို့ အကူအညီပေးရအောင် သွားမေးကြတယ်။

အနောက်ကနေ ၀င်တိုက်တဲ့ကားကို မောင်းလာတဲ့ ချာတိတ်သုံးယောက်မှာ မောင်းလာတာက ကောင်မလေးဖြစ်ပါတယ်။ သူတို့  သုံးယောက်စလုံး ဆေးရွဲနေကြတယ်။ ၀တ်ထားစားထားကြတာလဲ မြင်မကောင်းဘူးပေါ့နော်။

မောင်းလာတဲ့ ချာတိတ်မက ဖုန်းတွေကောက်ဆက်ပြီး english လို broken တွေနဲ့ လှမ်းပြောတယ်။ တိုက်မိသွားတဲ့ကားကို တစ်ချက်တောင် မတောင်းပန်ဘူး။ အတိုက်ခံရတဲ့ကား မောင်းလာတဲ့ အမကြီးက လန့်သွားလို့ ကားပေါ်ကတောင် မဆင်းနိုင်ဘူး။ ကျမတို့ကပဲ ရုံးက လူလွှတ်ပြီး သူ့ရုံးက လူတွေခေါ်ခိုင်းရတယ်။

စိတ်ထဲမှာ ဟိုဖက်ကားက ခလေးတွေ ရိုင်းလိုက်တာလို့တော့ စိတ်ထဲမှာ ဖြစ်တာပေါ့နော်။ ဒါပေမဲ့ ဒီခေတ်ခလေးတွေ ဒီလိုပဲလို့ထင်မိတယ်။

ယာဉ်ထိန်းရဲလာတော့မှ မောင်းတဲ့လူနာမည်မေးတော့ တစ်ယောက်က ပြောတယ်။ ကျနော့်နာမည် ထူးမြတ်။ ကျနော်က ဖိုးလပြည့်ရဲ့ သူငယ်ချင်းပါ။ ဒီကားကို အကောင်းတိုင်း ပြန်ပြင်ပေးဖို့ တာဝန်ယူတယ်။ အမှုတွေ ဘာတွေလည်း လုပ်မနေပါနဲ့တဲ့။ ဆေးက အတော်ရွဲပြီး မျက်စိတောင် ကောင်းကောင်း မဖွင့်နိုင်ဘူး။

အဲဒါနဲ့ ကားထိသွားတဲ့ အရာရှိအမကြီးက စစ်ဒေသမှူးကို ဖုန်းဆက်တယ်။ သူက အမှုတွေ ဘာတွေလုပ်ချင်တယ်တော့ မဟုတ်ပါဘူး။ ဒါပေမဲ့ အဲဒီခလေးတွေ ဆေးမူးပြီး ရမ်းနေလို့ ခဏဆွဲထားရင် ကောင်းမယ်ပေါ့။ စစ်ဒေသကလည်း ခုလိုက်လာမယ်ဆိုပြီးကာမှ ဖိုးလပြည့် သူငယ်ချင်းဆိုတာနဲ့ သူလိုက်မလာတော့ဘူး။ သူ့လူတစ်ယောက်ပဲလွှတ်ပေးမယ်တဲ့။

ခဏလည်းကြာရော ကောင်လေးတွေဖက်က ကားတွေ ၄ စီးလောက် လိုက်လာတယ်။ လာတဲ့ကားတွေက အကောင်းစားတွေတော့ မဟုတ်ဘူး။ ဒါပေမဲ့ အကုန် မှန်အမဲနဲ့ ကားနံပါတ်ကိုလည်း English လိုရေးတဲ့လူကရေး။ ကားနံပါတ် မပါတဲ့ကားက မပါနဲ့ ရှိနေတဲ့ ယာဉ်ထိန်းရဲတွေကို လုံးဝဂရုမစိုက်ဘူး။

ပြီးတော့ ပြောတယ် သူတို့ထဲက တစ်ယောက်က နိုင်ငံခြားရေးဝန်ကြီးရဲ့ သားပါ။ ကားကလည်း ဗိုလ်ချုပ်စိုးဝင်းနာမည်ပေါက်နဲ့ ဒါကြောင့် လူကြီးတွေလည်း အကြောင်းမကြားနဲ့ သူတို့ကားကို အကောင်းအတိုင်း ပြင်ပေးမယ်။ ဘာမှ ထပ်ဇတ်လမ်းမရှည်ချင်ဘူးလို့ပြောတယ်။

ရဲတွေကလည်းလေ အဲဒီလောက် မိုက်ရိုင်းပြီး မူးရူးနေတဲ့ လက်တောက်လောက်လေးတွေကို ဘာမှအရေးမယူရဲဘူး။ သူတို့ကားကို တောင် ၃ပွင့်နဲ့ ငနဲ က ရွှေ့ပေးရသေးတယ်။
ဥပဒေမဲ့လိုက်ကြတာ။

ကျမ မျက်စိရှေ့မှာ ဖြစ်နေတာတွေလေ။ ဒေါသထွက်လွန်းလို့ အသားတွေတောင်တုန်တယ်။ ကျမ ဓါတ်ပုံတွေပါ ပို့ချင်ပေမဲ့ connection ကမကောင်းတော့ ပို့လို့မရဘူး။ တိုက်သွားတဲ့ ထူးမြတ်ရဲ့ ကားနံပါတ်က (သ/2388)။ လိုက်လာတဲ့ထဲက တစ်စီးက ကားနံပါတ်ကို English လို (4A/ 5371) လို့ရေးထားတယ်။

နောက်မှ ရုံးက ကောင်လေးတွေပြောတယ်။ အဲဒီ ထူးမြတ်ဆိုတဲ့ကောင်လေးက နာမည်ကြီး။ ဖိုးလပြည့်ရဲ့ သူငယ်ချင်းဆိုပြီး ရမ်းကားနေတာ။ စိမ်းလန်းစိုပြေ ပန်းခြံထဲမှာ သူတို စတည်း ချတတ်တယ်။ မျက်စိထဲကြည့်မရရင် ပြဿနာရှာပြီးလိုက်ရိုက်လို့ ခံရတဲ့လူတွေလည်း မနည်းဘူးပြောတယ်။ ဥပဒေမဲ့တဲ့ မင်းမဲ့တိုင်းပြည်မှာ ဖြစ်နေတာတွေကို သိအောင်ပြောပြတာပါ။

(တာဝန်သိ ပြည်သူတစ်ဦး)။