“ လူရှင်သင်္ချိုင်း”

လေပြင်းမွှေနှောက်
ဘ၀တွေပျေက်ခဲ့ကြတာ ...........

တနှစ်လည်မြေက်
ရောက်ခဲ့ပြီတဲ့လား ..............

ကြွေလွင့်ခဲ့တဲ့အသက်တွေ
ဝေခဲ့ကြတဲ့မျက်ရည်
ပြိုကွဲခဲ့တဲ့ဘ၀တွေ
ဘာတွေနဲ့အစားထိုး
ပြဇာတ်တစ်ခုနိဂုံးလို
ပြည်ဖုံးကားချလို့ရလို့လား ..............

ဟိုး...မှာ........ကြည့်စမ်း ........
အသက်မပါတဲ့မျက်လုံး
အပြုံးတုတွေတပ်
ဘ၀ရဲ့နေ့တွေဖြတ်နေကြသူတွေ ........

တစ်ချို.ကရူးသွပ်
တစ်ချို.ကပေါက်ကွဲ
တစ်ချို.ကငရဲရောက်နေသလို
အသက်ဆက်ဖို့အဓိပယ်မဲ့
မေ့မရတဲ့နေစွဲတစ်ခု (မေလ ၂ ရက် ၂၀၀၈ ခုနှစ်)။
တစ္ဆေလိုခြောက်လှန်.
မြွေမဆိုတဲ့အမည်နာမနဲ့
ဝင်ရောက်ခံဒေသတွေ
အခုထိအလွမ်းတွေ....စွေတုန်း
သေလွန်ခြင်းနောက်
ဘယ်ဆီခရီးပျေက်နေကြမဲ့
မိသားစုတွေမျှော်တုန်း .......

ဧရာဝတီရဲ့ကမ်းနဖူးမှာ
သားသေကိုလွမ်းငိုနေတဲ့
အမေအိုတွေရှိတယ်........

အမေ့စိတ်နဲ့ဖြေသိပ်နေတဲ့
သားတွေရှိတယ် .......

ဘ၀ကြင်ဖော်တွေကို
ရက်စက်စွာဝါးမြိုခဲ့တဲ့
ဧရာဝတီရဲ့ရင်ခွင်ကို
ခါးသီးစွာကြည့်နေတဲ့
ကြင်ဖော်ဝေးတွေရှိတယ် ......

ခိုကိုးရာမဲ့ဘ၀တွေမှာ
လိုနေတာကမေတ္တာ ........
ဖြူစင်တဲ့စေတနာ .........

ရာသီတွေပြောင်းခဲ့ပေမဲ့
မဟောင်းနိင်တဲ့ရင်တွေနဲ့
သူတို့ရှင်သန်ရာဒေသတွေမှာ
သုသာန်တစလို........
ရင်ခွင်တွေတိတ်ဆိတ် ...........

တကယ်တော့လဲ .........
ဒီရင်တွေမငြိမ်းသမျှ
နေထိုင်ရာဒေသတွေဟာ
လူရှင်သင်္ချိုင်းတွေလိုပါပဲ ...........

ဆိုကြစတမ်းဆို .....
ဦးနှောက်ဥာဏ်တွေရှိပေမဲ့
တွေးနိင်သလောက်တွေးခွင့်မရဘူး
မျက်လုံးတွေရှိနေပေမဲ့
မြင်နိင်သလောက်မြင်ခွင့်မရဘူး
နားတွေရှိနေပေမဲ့
ကြားနိင်သလောက်ကြားခွင့်မရဘူး
ပါစပ်တွေရှိပေမဲ့
ပြောနိင်သလောက်ပြောခွင့်မရဘူး
လက်တွေရှိပေမဲ့
လုပ်နိင်သလောက်လုပ်ခွင့်မရဘူး
ခြေတွေရှိပေမဲ့
လျှောက်နိင်သလောက်လျှောက်ခွင့်မရဘူး
ဘယ်သူမှပြန်မပြောပါနဲ့နော် ........

ခပ်တိုးတိုးလေးပြောပြပါ့မယ်
ကျွန်တော်ဟာလဲ ...........
လူရှင်သင်္ချိုင်းက
လူတစ်ယောက်ပါပဲ ........

ကျွန်တော်နေတာလား? .........
ဟုတ်ကဲ့ဖြေပါ့မယ်
ရှူး.......ဘယ်သူမှမပြောနဲ့နော်
ကျွန်တော်နေတာ.........မြန်မာပြည်မှာပါ။

အဲဒါကြောင့်ပြောတာပေါ့ ......
ကျွန်တော်ဟာလဲ
လူရှင်သင်္ချိုင်းကပါလို့  ............

(မေလ၂ရက်နေ့ နာဂစ်တနှစ်ပြည်.အမှတ်တရခံစားရေးဖွဲ့ ပါသည်။)

ဇွဲမာန်။

(ဤကဗျာအား ပေးပို့ လာသော ကဗျာဆရာ ဇွဲမာန် အား အထူးကျေးဇူးတင်ရှိပါသည်)။