ဘုရင်ရူးကြီး ရူးနေသူနှင့် အလိုတော်ဖြည့်ကြရသူ နိုင်ငံတော်အနှိပ်သည်အဖွဲ့ ဝင်များ ကျွန်များဘ၀။

မြန်မာပြည်ကြီးကို သူ့ဘာသာ အာဏာသိမ်းပြီး အုပ်ချုပ်နေသူ သန်းရွှေဟာ အမှန်တကယ်ကို ဘုရင်ရူး ရူးနေသူတစ်ယောက်ဖြစ်ကြောင်း သူနဲ့ နီးစပ်သူ တပည့်သားမြေးများထဲမှ သည်းမခံနိုင်တော့သူတစ်ဦးက ပြောပြပါတယ်။

သန်းရွှေဟာ ဘောလုံးပွဲကြည့်ရတာကို အလွန်နှစ်သက်သူတစ်ယောက်ဖြစ်ပြီး၊ သူဘောလုံးပွဲကြည့်တဲ့အခါ တစ်ယောက်တည်း ဘယ်တော့မှ မကြည့်ပဲ နီးစပ်သူ တပည့်သားမြေး၊ ၀န်ကြီး၊ ၀န်ကလေးများကို သူနဲ့အတူကြည့်ဖို့ ခေါ်တတ်ပါတယ်။

သူကြည့်တဲ့ ပုံစံကို မြင်ယောင်အောင် ပြောပြရရင် အခန်းကျယ်ကြီးတစ်ခုတည်းမှာ သန်းရွှေဟာ သူထိုင်ဖို့ ခုံကြီးတစ်လုံးတည်း ချထားပြီး ကြည့်ပါတယ်။ ကျန်တဲ့ ၀န်ကြီး၊ ၀န်ကလေး၊ တပည့်သားမြေးတွေကတော့ သူ့ခြေရင်းက ကြမ်းပြင်ပေါ်မှာထိုင်ရင်း ဘောလုံးပွဲကို ကြည့်ရပါတယ်။

ကြည့်နေရင်းကနေ သူ့ကို ခြေဆုပ်လက်နယ် ပြုလုပ်ပေးဖို့ အပြိုင်အဆိုင် အလုအယက် ကြိုးစား ကြရပါတယ်တဲ့။ အဲဒီလူတွေအထဲမှာတော့ အောင်သောင်းဟာ နှိပ်တာအတော်ဆုံး၊ လက်အပေါက်ဆုံးမို့ သန်းရွှေက အင်မတန်သဘောကျတယ်လို့လည်း ပြောပါတယ်။

ဘောလုံးပွဲပြီးလို့ အိမ်ပြန်တော့မယ်ဆိုရင် ၀န်ကြီး၊ ၀န်ကလေးများဟာ ဒီတိုင်း ထပြန်လို့မရပါဘူး။ သန်းရွှေကို ဦးချကန်တော့ပြီးမှ ပြန်ကြရပါတယ်။ တခါတလေ မကန်တော့လိုသူများက ယောင်လည်လည် လုပ်ပြီး လစ်ထွက်ခဲ့လို့ရှိရင်၊ ဘယ်အချိန် ဘယ်နေရာကနေ ကြည့်နေမှန်းမသိတဲ့ ဒေါ်ကြိုင်ကြိုင်က အိမ်ပေါက်ဝကို ထွက်လာပြီး “ ဟဲ့ ပြန်တော့မလား၊ နင်တို့ အဘကို ကန်တော့သွားအုံးလေ၊ ပြီးမှပြန်” ဆိုပြီး အတင်း ကန်တော့ခိုင်းပါတယ်လို့ သည့်မခံနိုင်တော့သူ တစ်ဦးက ပြောပြပါတယ်။

ဒီလို သန်းရွှေ ဘုရင်ရူးကြသလို လက်အောက်ခံ အလိုတော်ဖြည့်ကြသူများကလည်း အားကျမခံ သူတို့ ရဲ့  နိမ့်ကျသူ တစ်ဆင့်ခံတွေအပေါ်မှာ စေခိုင်းပါတော့တယ်။ ဒီလိုနဲ့  သန်းရွှေကစလို့  ၀န်ကြီး ၀န်ကတော်များရဲ့  ဇက်ကြောတက်ညောင်းညာသမျှကို ပညာအကုန်သုံးပြီး နှိပ်ပေးနေရလို့  နအဖဟာ နိုင်ငံတော်အနှိပ်သည်အဖွဲ့ လို့ တောင် အမည်တွင်တော့မယ်။

လူပုံလည်အကြားမှာလည်း ဗိုလ်ချူပ်တစ်ဦးရဲ့  ရှူးဖိနပ်ကို အားရပါးရ တိုက်ပေးနေရတဲ့ အရာရှိငယ်လေးတွေ၊ ဗိုလ်ချူပ်ကြီးများ အရာရှိကြီးများရဲ့ ကတော်တွေကို နင်းနယ်နှိပ်နယ်ပေးနေရတဲ့ အရာရှိအရာခံအကြပ်တပ်သားတွေရဲ့  ဇနီးသားမယားတွေ၊ အထက်ကအရာရှိများရဲ့  နေအိမ်တွေမှာ အိမ်စေကျွန်သဖွယ် ယောင်္ကျားဖြစ်သူက ရေခပ်ထင်းခွဲ မိန်းမဖြစ်သူက အ၀တ်လျှော် ချက်ပြုတ် မီးပူတိုက် ကြမ်းတိုက်လုပ်ပေးနေကြရတဲ့ စစ်သားရဲဘော်လေးများနဲ့ သူတို့ ရဲ့ ကြင်ယာများကို ကြည့်ပြီး သန်းရွှေနဲ့  ဗိုလ်ချူပ်ကြီးများရဲ့  ဘုရင်မှူးမတ်များသဖွယ် ခိုင်းစေနေတာနဲ့  ကျွန်သဘောက်သဖွယ် ချေးပါသေးပေါက်က အစ ခိုင်းတာမှန်သမျှလုပ်ပေးနေရတဲ့အဖြစ်တွေပါလားလို့  တွေ့ မြင်မိပါတယ်။

လူတွေ မပြောနဲ့  အဆောက်အဦးတွေ တံတားတွေဆောက်တာ၊ မြို့ ရွာဒေသတွေ တိုးချဲ့ တာ၊ လမ်းတွေဖောက်တာ ပွဲလန်းသဘင်တွေ ကျင်းပတာတွေ အကုန်လုံးမှာ ဘုရင်ခေတ်လို နန်းဆံဆံ ပုံစံတွေနဲ့  လုပ် နန်းဆံဆံ အမည်အခေါ်အဝေါ်တွေ သမုတ်နဲ့  လုပ်နေတာ ဘုရင်ရူးဇတ်ကချင်နေတဲ့ သန်းရွှေတို့ ရဲ့  ရုးသွပ်ချက်တွေပါဘဲ။

နေက်ဆုံးကြတော့ နေ၀င်းက စလိုက်တဲ့ အစ အခု သန်းရွှေလက်ထက်ထိ ဘုရင်ရူး မှူးမတ်ရူး ရူးနေကြကာ လူကို လူလို တန်ဖိုးမထားဘဲ အခိုင်းအစေကျွန်သဖွယ် အဆင့်ဆင့် ဆက်ဆံနေကြတော့ ယခု နအဖခေတ်ဟာ သက်ဦးဆံပိုင်ဘုရင်စနစ်နဲ့  ကျေးကျွန်စနစ် နှစ်ခု ပေါင်းစပ်တာထက်တောင် ပိုဆိုးနေပါပြီ။

ဒါတွေကို အဟုတ်ကြီးမှတ်နေကြသူတွေကတော့ အရူးပြောသမျှ ယုံ၊ အရူးခိုင်းသမျှ လုပ်၊ အရူးဘုံမြှောက်ပြီးနေကြတာ ကိုယ့်ကိုကိုယ် ကျွန်ဘ၀ရောက်နေကြတာ မှန်ထဲပြန်ကြည့်ရင်တောင် တဖြေးဖြေး ရုပ်လုံးပေါ်နေပြီဆိုတာ သဘောပေါက်သင့်နေပါပြီ။

သန်းရွှေရဲ့  မိန်းမ၊ သားသမီးတွေမပြောနဲ့  မြေးမြစ်တွေဖြစ်ကြတဲ့ နေရွှေသွေးအောင်က အစ လူကိုလူမှန်း မသိတော့ဘဲ တိုင်းပြည်မှာ လူထုအပေါ် ရမ်းကားချင်တိုင်း ရမ်းကားပြီး မောက်မာစွာဆက်ဆံနေကြတာကို စစ်တပ်ထဲက အရာရှိအရာခံအကြပ်တပ်သားတွေကအစ ငုံ့ ခံ ကျွန်ပြုနေကြတော့ တိုင်းပြည်ကြီးရဲ့  ကံကြမ္မာကတော့ အရင်ခေတ်ကလို နယ်ချဲ့ ကျွန်ဘ၀အောက်ရောက်ကို မရောက်ဘဲနဲ့ အခုက သန်းရွှေတို့ ရဲ့  ကျွန်သဘောက်ဘ၀အောက် ရောက်လို့ နေပါပြီ။ ကိုယ်ရဲ့ မြေးမြစ် မျိုးဆက်သစ်တွေ ဆက်ပြီးတော့ ကျွန်ဖြစ်မှာ မခံချင်ရင်တော့ တစ်ခုတည်းသောလမ်းကို လျှောက်ဖို့ ဘဲ ရှိပါတယ်။