ထိုင်း မြန်မာနယ်စပ် မယ်ဆိုင်-တာချီလိတ် ချစ်ကြည်ရေးတံတား (Mae Sai – Tachilek Friendship Bridge) ပေါ်က နအဖ လ၀က တွေ ငွေ မတရားတောင်းခံနေ။

၂၀၀၃ ခုနှစ်၊ မေလ (၂၀) ရက်နေ့ က နအဖ အတွင်းရေးမှူး (၁) ဖြစ်ခဲ့သူ ခင်ညွန့် နဲ့  ထိုင်းနိုင်ငံ နိုင်ငံခြားရေးဝန်ကြီးတို့  လက်မှတ်သဘောတူရေးထိုးခဲ့ကြပြီး၊ ထိုင်းနဲ့  မြန်မာ ချစ်ကြည်ရေးအထိမ်းအမှတ်အဖြစ် ဆက်သွယ်တည်ဆောက်ခဲ့ကာ၊ ၂၀၀၆ ခုနှစ် ဇန်န၀ါရီလ (၂၂) ရက်နေ့ က ဖွင့်လှစ်ခဲ့တဲ့ မယ်ဆိုင် - တာချီလိတ် ချစ်ကြည်ရေးတံတားရဲ့ ရည်ရွယ်ချက်တွေကတော့ မြန်မာပြည်သူနဲ့  ထိုင်းပြည်သူတွေရဲ့  ခင်မင်ရင်းနှီးမှု ချစ်ကြည်ရေးပြယုပ် ဖေါ်ပြဖို့ ၊ ခရီးသွားလာရေးနဲ့  လမ်းပမ်းဆက်သွယ်ရေး ပိုမိုအဆင်ပြေချောမွေ့ စေဖို့ ၊ ကုန်သွယ်စီးပွားရေး ဖွံ့ ဖြိုးတိုးတက်စေဖို့  စသဖြင့် နအဖဘက်ကနေ လက်မှတ်ရေးထိုးပွဲနဲ့  တံတားဖွင့်ပွဲအခမ်းအနားတွေမှာ စကားတွေ မိုးလုံးပြည့်အောင် ပြောဆိုခဲ့ကြပါတယ်။











သို့ သော်လည်းဘဲ ဒီ မဲဆိုင် - တာချီလိတ် ချစ်ကြည်ရေးတံတားရဲ့  မူလရည်ရွယ်ချက်တွေကို ပျက်စီးထိခိုက်စေတဲ့လုပ်ရပ်တွေ လုပ်ကိုင်နေကြတဲ့ မသမာမှုနဲ့  ၀င်ငွေရှာနေကြသော နအဖ လူဝင်မှုကြီးကြပ်ရေး (လ၀က) တွေကြောင့် ယခုဆိုရင် ဒီတံတားကို အသုံးပြုပြီး ဖြတ်သန်းသွားလာနေကြတဲ့ မြန်မာ ထိုင်းပြည်သူတွေ အတော့်ကို စိတ်ပျက်နေကြပါတယ်။

ဒီ မဲဆိုင် - တာချီလိတ် ချစ်ကြည်ရေးတံတားရဲ့  မြန်မာဘက်ခြမ်းက အ၀င်အထွက်ဂိတ်မှာ မြန်မာလူဝင်မှုကြီးကြပ်ရေး (လ၀က) က တာဝန်ကျ အမျိုးသားတွေအပြင် အမျိုးသမီး နှစ်ဦးလည်း ရှိနေပါတယ်။ လ၀က အမျိုးသားတွေကတော့ ဗွီဒီယိုတွေဘဲ ထိုင်ကြည့်နေကြပြီး အဆိုပါ လ၀က အမျိုးသမီးနှစ်ဦးက ဒိုင်ခံပြီး ယာယီနယ်စပ်ဖြတ်သန်းခွင့်လက်မှတ် (တံတားကူးလက်မှတ်) အတွက် အခကြေးငွေကို တောင်းခံပါတယ်။

ယာယီနယ်စပ်ဖြတ်သန်းခွင့်လက်မှတ် (တံတားကူးလက်မှတ်) အတွက် အခကြေးငွေကို မူလပုံမှန်သတ်မှတ်ပြီး တောင်းခံတာကတော့ မြန်မာငွေ ကျပ် (၅၀၀) သာ ဖြစ်ပါတယ်။ ထိုင်းဘတ်ငွေနဲ့ ဆိုရင် (၁၀) ဘတ် ကျော်ကျော်သာ ရှိပါတယ်။ ယာယီနယ်စပ်ဖြတ်သန်းခွင့်လက်မှတ် (တံတားကူးလက်မှတ်) ထုတ်ပေးတာကတော့ ဓါတ်ပုံရိုက်ပြီး ကွန်ပျူတာကနေတစ်ဆင့် ပရင့် (print) ထုတ်ပေးတာ ဖြစ်ပါတယ်။ ဒီအတွက်ကို တစ်ဦးချင်းစီကို ထိုင်းဘတ်ငွေနဲ့  တောင်းခံပါတယ်။

















သို့ သော်လည်းဘဲ တံတားဖြတ်ခ တောင်းခံနေကြတဲ့ လ၀က အမျိုးသမီးနှစ်ဦးဟာ ဒီထက်ပိုပြီး အကြံအဖန်လုပ်ပြီး ထိုင်းဘက်ကနေ ၀င်လာတဲ့ မြန်မာတွေကိုရော ထိုင်းတွေကိုပါ ထိုင်းဘတ်ငွေ (၃၀) ကျော်အထိ မတရား တောင်းခံပြီး စီးပွားရှာ အမြတ်ထုတ်နေကြပါတယ်။ ဒီလိုအကြံအဖန်လုပ်ပြီး ငွေပိုတောင်းရဖို့ အတွက်ကို ကွန်ပျူတာပျက်နေတယ်ဆိုပြီး အကြောင်းပြပါတယ်။ ကွန်ပျူတာ အမှန်တကယ်ပျက်နေရင်တောင် ကွန်ပျူတာကို အလွယ်တကူ ပြင်လို့ ရသော်ငြားလည်း ဒီလို ငွေပိုတောင်းခံရဖို့  အကြောင်းပြရနေတာကြောင့် နအဖ လ၀ကတွေအတွက် အကွက်ဝင်နေပါတယ်။

ဒီ နအဖလ၀ကတွေ ယခုလို မတရားငွေတောင်းခံပြီး ရယူနေတဲ့ ငွေပမာဏဟာ မနည်းလှပါဖူး။ ဒီ မဲဆိုင် - တာချီလိတ်တံတားကို ဖြတ်သန်းနေကြတာ တစ်နေ့ ကို လူပေါင်းထောင်နဲ့ ချီ ရှိပါတယ်။ တစ်ဦးကို ထိုင်းဘတ်ငွေ (၃၀) ကျော် ပိုတောင်းခြင်းအားဖြင့် တစ်နေ့ ကို ငွေပေါင်း ကျပ် သိန်း (၂၀) ကျော်ကို ဒီ လ၀ကတွေ ရရှိနေပါတယ်။

ဒီအပြင်ကို မှတ်ပုံတင် ၉/ နဲ့ အသက်မပြည့်တဲ့ သူတွေကိုလည်း ထိုင်းဘတ် (၅၀၀) ထိ တောင်းခံနေပါတယ်။ တံတားပေါ်ဖြတ်သန်းနေကြတဲ့ထဲက အသက်မပြည့်သေးသူဦးရေဟာ တစ်နေ့ ကို ပျှမ်းမျှ အယောက် (၁၅၀) လောက် ပါဝင်တဲ့အတွက် မြန်မာငွေ ကျပ် (၂၇) သိန်းလောက် ရရှိနေပါတယ်။

ဒီလို ကွန်ပျူတာပျက်တာကို အကြောင်းပြပြီး ယာယီနယ်စပ်ဖြတ်သန်းခွင့်လက်မှတ် (တံတားကူးလက်မှတ်) ကို ဓါတ်ပုံရိုက်ပြီး ကွန်ပျူတာကနေတစ်ဆင့် ပရင့် (print) မထုတ်ပေးဘဲ မှတ်ပုံတင်တွေကို မိတ္တူကော်ပီကူးပြီး တံတားကူလက်မှတ်မှာ ချုပ်စက် (Stapler) နဲ့  တွယ်ပေးတာလောက်ဘဲ လုပ်ပေးပြီး ယခုလို ငွေကိုကျတော့ အဆမတန် ပိုမိုတောင်းခံပြီး အကြံအဖန် လုပ်စားနေကြတာ ဖြစ်ပါတယ်။ ဒီလို မိတ္တူကူးခနဲ့  မှတ်ပုံတင်တစောင်အတွက်ကို ထိုင်းဘတ်ငွေ (၁၀) ထပ်မံတောင်းခံပါသေးတယ်။ အမှန်တကယ်ဆိုရင် မိတ္တူကူးခ ပေါက်ဈေးနဲ့  Staple ချုပ်အပ် တစ်ပင်က ထိုင်းဘတ်ငွေ (၀.၅) ဘတ်လောက်ဘဲ ကျတာ ဖြစ်ပါတယ်။ ထို့ အပြင်ကို တံတားကူးကဒ်ပြား ပျောက်သွားတဲ့အခါမျိုးမှာလည်း နအဖ လ၀ကဦးစီးမှူးကို အနည်းဆုံး ထိုင်းဘတ်ငွေ (၅၀၀) တန် ဖုန်းကဒ်တွေ ၀ယ်ပေးရပါတယ်။ ပိုတောင်းရင် တောင်းသလို ပေးရပါတယ်။






















နအဖ လ၀ကတွေဟာ မြန်မာပြည်သူတွေနဲ့  ထိုင်းပြည်သူတွေ ဒီ ချစ်ကြည်ရေးတံတားကို ဖြတ်သန်းအသုံးပြုပြီး ခရီးသွားလာနေကြတာကို သင့်တော်သော တန်ရာတန်ကြေးနဲ့  တရားဝင်သတ်မှတ်ထားသော ငွေနှုန်းထားအတိုင်း တောင်းခံတာထက် ကိုယ်ကျိုးရှာ အမြတ်ထုတ် ခေါင်းပုံဖြတ်သွေးစုပ်ပြီး ပြည်သူလူထုတွေအပေါ်မှာ အဓမ္မအနိုင်ကျင့် တောင်းခံနေတာကတော့ နိုင်ငံတော်သူတောင်းစားတွေ ဖြစ်နေကြပါတယ်။

ထို့ အတူ ရိုးရိုးသားသားနဲ့  တစ်နေ့ လုပ်တစ်နေ့ စားရဖို့ အတွက် ရုန်းကန်လှုပ်ရှားနေကြတဲ့ သာမန်ပြည်သူတွေ အထူးသဖြင့် တိုင်းရင်းသားပြည်သူတွေအပေါ်ဆိုရင် ပိုမို အနိုင်ကျင့်ကာ ယခုလို မတရားလုပ်ဆောင်နေခြင်းဟာ ချစ်ကြည်ရေးတံတားဆိုတဲ့ နာမည်ကိုလည်း ပျက်စီးထိခိုက်စေသလို နိုင်ငံနဲ့ လူမျိုးရဲ့  ဂုဏ်သိက္ခာကိုလည်း နိမ့်ကျစေပါတယ်။
















ဒီအပြင် နအဖခေါင်းဆောင်ကြီးများကလည်း ဒီလို နယ်စပ်ဂိတ်တွေမှာ တာဝန်ပေးခန့် ထားတဲ့ လ၀က၀န်ထမ်းတွေ ရဲတွေထဲမှာ အချို့ သော တိုင်းရင်းသားတွေကိုပါ ထည့်သွင်းတာဝန်ပေးထားပြီး တိုင်းရင်းသားအချင်းချင်ကို ပြန်ရန်တိုက်ပေးထားကာ ကိုယ်ကျိုးအမြတ်အတွက် မသမာသောလုပ်ရပ်များနဲ့  လုပ်ဆောင်စေပြီး ရရှိလာတဲ့ အကောက်ငွေတွေကို ခွဲဝေစားကြစေကာ သူတောင်းစား ဓါးမြအကြီးစားတွေ ဖြစ်နေစေကြပါတယ်။

ဒီ မယ်ဆိုင်-တာချီလိတ် ချစ်ကြည်ရေးတံတား (Mae Sai – Tachilek Friendship Bridge) ပေါ်က နအဖ လူဝင်မှုကြီးကြပ်ရေးတွေထဲက နအဖလက်အောက် လ၀က၀န်ထမ်း အမျိုးသမီးနှစ်ဦးရဲ့  ငွေ မတရားတောင်းခံနေတာကတော့ တံတားပေါ်ဖြတ်သန်းသွားလာနေကြသူများအားလုံးရဲ့  အပြောအရ အတော့်ကို ဆိုးဆိုးရွားရွား ဖြစ်နေကြောင်း ဖေါ်ပြလိုက်ရပါတယ်။