၇ . ၇ . ၆၂ မမေ့ကြနဲ့ ။

အောက်ဖေါ်ပြပါ ကဗျာလေးကတော့ ၁၉၆၂ ခုနှစ်၊ ဇူလိုင်လ (၇) ရက်နေ့ မှာ ဖြစ်ပွားခဲ့တဲ့ ၇ ဇူလိုင်အရေးတော်ပုံနဲ့  (၈) ရက်နေ့ မှာ ဖြိုချဖျက်ဆီးခံခဲ့ရတဲ့ ကျောင်းသားသမဂ္ဂအဆောက်အဦးနဲ့  အသက်ပေးစွန့် လွှတ်ခဲ့ကြရတဲ့ တက္ကသိုလ်ကျောင်းတော်သူ ကျောင်းသားအပေါင်းတို့ ကိုယ်စား မမေ့နိုင်တဲ့ ၇ ဇူလိုင်အကြောင်း ၁၉၈၈ ခုနှစ်အတွင်းက မျိုးဆက်သစ်ကျောင်းသားတစ်ဦးကနေ ခံစားသီဖွဲ့ ထားတဲ့ ကဗျာလေး တစ်ပုဒ် ဖြစ်ပါတယ်။

ယခုခေတ် မျိုးဆက်သစ် ကျောင်းတော်သူ ကျောင်းတော်သားအပေါင်းတို့  သိစေဖို့ အတွက် လက်ဆင့်ကမ်းလိုက်ပါတယ်။

အသစ်တဖန် ပြန်လည်မွေးဖွားခြင်း။

`ဓါးကိုဓါးချင်း လှံကိုလှံချင်း
တုန့်နှင်းရမယ်´ .. ဒင်းပြောခဲ့တဲ့ စကား
နားဝမှာ ကြားဆဲ … ။

7 July သွေးအိုင်ထွန်းခဲ့ရတဲ့နေ့ မမေ့နိုင်ပါဘူး။
ဒင်းလက်ချက်နဲ့
အသက်ထွက်ခဲ့ရတဲ့ ကျောင်းသား
ရာပေါင်းများစွာတွေ
သေအံမူးခိုက် ကြိမ်စာတိုက်ခဲ့ … ။

ငမိုက်ကောင် ဒင်းတို့ကို
လက်စားချေရတဲ့ကိုယ် ငါတို့ဖြစ်လို၏ ... ။
ဒင်းတို့ဖြိုချ ပြိုကျခဲ့ရတဲ့ သမဂ္ဂကျောင်းဆောင်
ပြန်လည်တည်ထောင်ရတဲ့ ဘ၀
ငါတို့ရကြပါစေ … ။
ကမ္ဘာမကြေဘူးဟေ့ ... ။

လွန်ခဲ့တဲ့အဖြစ်
(၂၆) နှစ် ခေတ်တခေတ် ကြာတဲ့အခါ
သူတို့တွေ လူပြန်ဖြစ် မျိုးဆက်အသစ်နဲ့
သည်ခေတ်က ကျုပ်တို့ပဲဟေ့ …. ။

ရင်သွေး (၁၉၈၈ ခုနှစ်)။