နအဖတို့ ရဲ့  မျက်လှည့်ပုံး (သို့ ) တရုတ်ပြည်ထုတ် ပလပ်စတစ်အကြည်ရောင်ပုံးနဲ့  နအဖတို့ ရဲ့  မျက်လှည့် လက်လှည့်ပွဲ။

နအဖတွေဟာ မြန်မာပြည်သူပြည်သားတွေအပေါ် ရိုးရိုးသားသားနဲ့  စေတနာဖြူစင်စွာနဲ့  ဆောင်ရွက်ပေးနေတာများ ရှိပါသလားလို့  မေးရမလို ဖြစ်နေပါပြီ။ အာဏာရူးနအဖတွေဟာ ပြည်သူ့ အာဏာကို သေနတ်လက်နက်နဲ့  ခြိမ်းမြောက်သိမ်းပိုက်ခဲ့တဲ့နေ့ ရက်က စပြီး ယခုထိတိုင် ၄င်းတို့  အာဏာတည်မြဲရေးနဲ့ ကြီးပွားချမ်းသာရေးအတွက်သာ အဓိကလုပ်ပြီး ပြည်သူတွေကို လိမ်ညာအယုံသွင်းဖို့ အတွက် တိုင်းပြည်ကြီး ကောင်းအောင် ဟန်ဆောင်ပြီး လုပ်ပြနေ မဖြစ်စလောက်လေး သုံးစွဲပြနေတာကို အဟုတ်အောင်းမေ့ပြီး ထင်ရင်တော့ အမှားကြီး မှားတာပါဘဲ။

နအဖအာဏာရူးတွေရဲ့  လိမ်ညာမှုတွေနဲ့  ယုတ်မာမှုတွေကို ပြောရမယ်ဆိုရင် ပြောမဆုံးပေါင် တောသုံးတောင် မကဖူး မြန်မာပြည်မှ အာဏာရူးတို့ ကောက်ကျစ်လှည့်ဖြားသောလုပ်ရပ်များဆိုပြီး သြချလောက်အောင် ခေတ်အဆက်ဆက်ပြောရလောက်အောင် အံ့သြနေမှာ အမှန်ပါဘဲ။

နအဖအာဏာရူးတို့ အတွက် အထူးသဖြင့် နအဖခေါင်းဆောင်ကြီး သန်းရွှေတို့ အတွက် နောက်ဆုံးထွက်သက်ဖြစ်တဲ့ “တရားဝင်အစိုးးရဖြစ်ရေး” ဆိုတဲ့ တရားဝင်မှုကို မဖြစ်ဖြစ်အောင် ဖန်တီးနေတဲ့ ၂၀၁၀ ခုနှစ် ရွေးကောက်ပွဲကို နအဖအာဏာရူးတွေဟာ ၄င်းတို့  အနိုင်ရဖို့  ယုတ်မားကောက်ကျစ်လှည့်ဖြားမှုပေါင်းစုံနဲ့ မြန်မာပြည်သူတွေ စည်းရုံးလှည့်ဖြားနေပါတယ်။

ဒီလို နအဖအာဏာရူးတွေရဲ့ လှည့်ဖြားကောက်ကျစ်တဲ့နေရာတွေနဲ့  မြန်မာပြည်သူပြည်သားတွေအပေါ်မှာ စေတနာရိုးသားစွာ ထားရှိမှု မရှိဖူးဆိုတာကို သူတို့ ရဲ့  ပြောဆိုမှုတွေ လုပ်ရပ်တွေကို သေသေချာချာ လေ့လာကြည့်ရင် မြင်တတ်ရင် ပိုသိသာပါတယ်။

နအဖအာဏာရူးတွေဟာ သူတို့ အတွက် သေရေးရှင်ရေးလို အင်မတန်ဖြစ်ချင်နေတဲ့ ၂၀၁၀ ရွေးကောက်ပွဲအတွက်ကို နောက်ဆုံးထွက်သက်အဖြစ် ရှိသမျှ ယုတ်မာကောက်ကျစ်မှုပေါင်းစုံ အသားကုန် ထုတ်သုံးနေတာ ဖြစ်ပါတယ်။ ၂၀၁၀ ရွေးကောက်ပွဲဥပဒေတွေကို ကန့် သတ်မှုပေါင်း မြောက်မြားစွာနဲ့  ထုတ်ပြန်ပါတယ်၊ မလိုလားသော အမျိုးသားနိုင်ငံရေးအင်အားစုတွေကို ဖယ်ထုတ်ပါတယ်၊ တိုင်းရင်းသားအင်အားစုတွေအပေါ် တားမြစ်ချက်တွေနဲ့  တားဆီးပိတ်ပင်ပါတယ်၊ စစ်တပ်အတွက် ၂၅% နဲ့  မလုံလောက်လို့  ကျန်တဲ့ ၇၅% မှာလည်း သူတို့ လူတွေဘဲ ရှိနေအောင် ယူနီဖောင်းချွတ် အရပ်ဝတ်လဲခိုင်းပြီး သူ့ တို့ သာ ပါဝင်နိုင်အောင် စီစဉ်ထားပါတယ်။

နအဖအာဏာရူးတွေရဲ့  ၂၀၁၀ ခုနှစ် ရွေးကောက်ပွဲအတွက် ပြင်ဆင်လုပ်ဆောင်မှုတွေကို အဆက်မပြတ်လေ့လာသုံးသပ်တတ်ရင် နအဖတို့ ရဲ့  ၂၀၁၀ ခုနှစ်ရွေးကောက်ပွဲမှာ နေရာအနည်းငယ်ရရင်တောင် ပြောပိုင်ခွင့်လေး အနည်းအကျဉ်းလောက်ရတာ မဆိုးဖူးလို့  တွက်ဆနေသူတွေ ကိုယ့်အတွေး ဟုတ်လှ မှန်လှပြီဆိုပြီး ခံယူနေသူတွေ မျက်တောင်မွှေးအဆုံးလောက်သာ ကြည့်နေတာလို့  ပြောရမလို နအဖအာဏာရူးတို့ ရဲ့  သားကောင်ဘ၀ရောက်သွားပြီဆိုတာ အချိန်တွေက သက်သေပြပါလိမ့်မယ်။

နအဖအာဏာရူးတွေဟာ ၂၀၁၀ ခုနှစ် ရွေးကောက်ပွဲ ဖြစ်မြောက်ဖို့ သာ အဓိကထားတာမို့  ၂၀၁၀ ခုနှစ်ရွေးကောက်ပွဲအတွက် စစ်မှန်သော ရွေးကောက်ပွဲကို ကျင်းပပေးတာမျိုးမဟုတ်သလို ရွေးကောက်ပွဲကိုလည်း သူတို့ အတွက် မဲရဖို့ အတွက်သာ လှည့်ဖြားပြင်ဆင်နေပေမယ့် ကမ္ဘာ့အဆင့်အတန်းမီ ယုံကြည်စိတ်ချရသော ရွေးကောက်ပွဲအသွင် မဆောင်ရွက်ပါဖူး။ဒီလို နအဖတွေရဲ့  ၂၀၁၀ ရွေးကောက်ပွဲဟာ သူတို့  မဲရဖို့ အတွက်ကလွဲလို့  အခြားပြင်ဆင်မှုများ၊ စစ်မှန်သော ရွေးကောက်ပွဲဖြစ်ရန် စံချိန်ဝင်မှုများ၊ မဲစိတ်ချလုံခြုံမှု အစရှိတဲ့ ဆောင်ရွက်မှုတွေမှာ လစ်လျူရှူ ပစ်ပယ်ထားပါတယ်။

နအဖတွေ ရွေးကောက်ပွဲကို ဖြစ်မြောက်ရင်ပြီးရော ကျန်တာတွေ သူတို့ ဖာသာ အကွက်ဆင်ထားပြီး ဖြစ်တာမို့  ရွေးကောက်ပွဲ ဘယ်လိုပုံစံနဲ့  ဖြစ်ဖြစ် ဖြစ်ဖို့ သာ သူတို့ အတွက် အဓိကပါ။ သူတို့ အတွက် သူတို့ လိုချင်တဲ့ မဲရဖို့ အတွက်လည်း လိမ်ညာမှုပေါင်းများစွာနဲ့  လက်လှည့်မျက်လှည့်ပြမှာ ဧကန်မလွဲပါဖူး။

အာဏာရူး နအဖတွေ ၂၀၁၀ ရွေးကောက်ပွဲမှာ သုံးမယ့် မဲပုံးတွေကို ကြည့်ရင် အတော့်ကို ကလေးကစားသလို ဖြစ်သလို တစ်ဘက်ကလည်း သူတို့  မဲတွေကို အလွယ်တကူ ပြောင်းလဲပစ်လို့  ရအောင် ကြံစီထားတာ ပေါ်လွင်နေပါတယ်။

မဲပုံးတွေကို ပလပ်စတစ်အကြည် အထဲကိုမြင်တွေ့ နေနိုင်တဲ့ ပလပ်စတစ်ပုံးတွေကို မဲပုံးအဖြစ် အသုံးပြုမလို့ ပါတဲ့။ အဲ့ဒီပလပ်စတစ်အကြည်ရောင်ပုံးတွေအပေါ်မှာ ပြည်သူ့ လွှတ်တော်ကိုယ်စားလှယ်တွေအတွက် အစိမ်းရောင်စာသားပါ စာရွက် ကပ်ထားမယ်၊ အမျိုးသားလွှတ်တော်ကိုယ်စားလှယ်တွေအတွက် အပြာရောင်စာသားပါ စာရွက် ကပ်ထားမယ်၊ တိုင်းဒေသကြီး/ပြည်တယ်လွှတ်တော်ကိုယ်စားလှယ်တွေအတွက် ခရမ်းရောင်စာသားပါ စာရွက် ကပ်ထားမယ်လို့  ဆိုပါတယ်။














ရုတ်တရက်ကြည့်လိုက်ရင်တော့ အများပြည်သူမျက်မှောက်မှာ မဲတွေကို မလိမ်ဖူး ပေးတဲ့မဲတွေကို ထင်ထင်ရှားရှား မြင်မြင်သာသာဖြစ်အောင် ပြထားမှာ ဖြစ်တယ်ဆိုတဲ့ ပုံစံနဲ့  ပလပ်စတစ်အကြည်ရောင် ပုံးထဲက မဲတွေ မြင်ရမယ်ဆိုတဲ့ ပုံစံနဲ့  ဖန်တီးပြတာပါ။ တကယ်တော့ ဒါဟာ နအဖအာဏာရူးတွေရဲ့  လှည့်ကွက်တစ်ခု ဖြစ်ပါတယ်။

ဒီ အကြည်ရောင် ပလပ်စတစ်မဲပုံးတွေကို မဲပေးတဲ့အချိန်မှာ အများပြည်သူ မြင်တွေ့ ရအောင် မဲရုံအပြင်မှာ ဒီအတိုင်းထားပြီး ပြသာထားမှာ မဟုတ်ပါဖူး။ အလုံကာထားတဲ့ မဲရုံအတွင်းမှာသာ ထားပြီး ပလပ်စတစ်အကြည်ရောင် အထဲကို မြင်နေရတဲ့ ပလပ်စတစ်မဲပုံးလုပ်ရတဲ့ ရည်ရွယ်ချက်ကတော့ မဲရေတွက်တဲ့နေရာမှာ မဲပုံးထဲက မဲတွေကို မြင်နေရလို့  အများသူငှာရှေ့  မလိမ်မညာ မဲရေတွက်ပါတယ်ဆိုတဲ့ အပြသဘောမျိုး လုပ်ဖို့ သာ ဖြစ်ပါတယ်။

ပြင်ထားဆင်ထား ပြောင်းလဲထားပြီးမှ ပြပါပြီဆိုပြီး ကန့် လန့် ကာလေးဖွင့်ကာ ကြည့်ကြပါဆိုပြီး ပြသတဲ့ မျက်လှည့်ပွဲလို နအဖအာဏာရူးတွေက အများမမြင်အောင် ကာထားတဲ့ မဲရုံထဲက မဲပုံးထဲမှာ အလိုကျမဲတွေ ပြင်ထားဆင်ထား ပြောင်းလဲထားပြီးမှ အများပြည်သူရှေ့  မဲရေတွက်ပြပါတော့မယ်ဆိုပြီး လိမ်လည်ပြသမှာ ဖြစ်ပါတယ်။ ဒီထဲမှာ မပါတဲ့ ကြိုတင်မဲတွေ အဝေးရောက်မဲတွေကတော့ နအဖအာဏာရူးတွေအတွက် စိတ်ကြိုက်မဲတွေဘဲ ဖြစ်နေမှာပါ။

ဒါဆိုရင် မဲရုံအတွင်းက မဲပုံး ဘာကြောင့် ပလပ်စတစ်အကြည်ရောင် သုံးရသလည်းဆိုတာ နအဖအာဏာရုးတွေ ကလိမ်ကကျစ်ကျဖို့  စီစဉ်ထားတာမှန်း ပေါ်လွင်နေပါတယ်။

နအဖအာဏာရူးတွေ အသုံးပြုမယ့် အဆိုပါ ပလပ်စတစ်အကြည်ရောင်မဲပုံးတွေကို သေသေချာချာ လေ့လာကြည့်တဲ့အခါမှာ - ရွေးကောက်ပွဲအဆင့်အတန်းမီ မဲလုံခြုံစိတ်ချရသော မဲပုံးအနေအထား လုံးဝမဟုတ်တာ တွေ့ မြင်ရပါလိမ့်မယ်။ ဒီပလပ်စတစ်အကြည်ရောင်ပုံးရဲ့  အဖုံးကို အလွယ်တကူ ဖွင့်လိုက်လို့ ရတဲ့ အနေအထားပါ။ ပလပ်စတစ်ပုံးရဲ့  လက်ကိုင်ဟာ ဖိပြီး ပိတ်ထားရုံသာ ဖြစ်ပြီး ဖွင့်ချင်ရင် ဖိထားတဲ့ လက်ကိုင်ကို အသာလေး မပြီး ဖယ်လိုက်ရုံနဲ့  အဖုံးက အလွယ်တကူ ပွင့်သွားပါတယ်။ ဘာမှ သော့ခတ်လို့  မရ၊ ချိတ်ပိတ်လို့  မရ၊ အဖုံး လုံခြုံစွာ ပိတ်ထားကြောင်း ခိုင်မာတဲ့ ပုံး မဟုတ်တာ သိသိသာသာတွေ့ မြင်ရပါလိမ့်မယ်။ ဒီလိုဖြစ်အောင်လည်း ဒီလို ပလပ်စတစ်ပုံးတွေကို အာဏာရူးနအဖတွေက တမင်သက်သက်သုံးတာ ဖြစ်ပါတယ်။ ဒါမှသာ သူတို့ လိုချင်တဲ့ ပုံစံ ဖန်တီးရမှာမို့ ပါ။

၂၀၁၀ ခုနှစ် ရွေးကောက်ပွဲမှာ ရည်ရွယ်ချက်ရှိရှိနဲ့  သုံးမယ့် နအဖအာဏာရူးတို့ ရဲ့  ပလပ်စတစ်အကြည်ရောင်မဲပုံးက တကယ်တော့ တရုတ်ပြည်ထုတ် ပစ္စည်းအသုံးအဆောင်တွေ ထည့်သိမ်းတဲ့ ရိုးရိုးအပေါစား ပလပ်စတစ်ပုံးတွေသာ ဖြစ်နေပါတယ်။ ဒီတရုတ်ပြည်ထုတ် ပလပ်စတစ်အပေါစားပုံးတွေကို နအဖတို့ ရဲ့ ရွေးကောက်ပွဲမှာ တစ်ပြည်လုံးအနှံ့ သုံးမယ့် ပုံးအရေအတွက်ကို ကြည့်ရခြင်းအားဖြင့် နအဖတို့ ရဲ့  ရွေးကောက်ပွဲ လိုအပ်ချက်တွေကို တရုတ်နိုင်ငံက နောက်ကွယ်ကနေ အထောက်အကူုပြု ပံ့ပိုးနေသလားဆိုတာ သံသယရှိစရာပါဘဲ။

အောက်ဖေါ်ပြပါ ပုံတွေကို ကြည့်ရင် နအဖတို့  ၂၀၁၀ ရွေးကောက်ပွဲမှာ အသုံးချမယ့် ဒီပလပ်စတစ်အကြည်ရောင် ပုံးတွေဟာ တရုတ်ပြည်ထုတ် အပေါစားပလပ်စတစ်ပုံးတွေဖြစ်ကြောင်း မူလတံဆိပ်တွေနဲ့  တရုတ်ပြည်မှာ ပြုလုပ်တဲ့ ပလပ်စတစ်ပုံးတွေဖြစ်ကြောင်း တွေ့ မြင်ရမှာပါ။















































































နအဖအာဏာရူးတွေဟာ သူတို့  အင်မတန်ဖြစ်ချင်နေတဲ့ ၂၀၁၀ ရွေးကောက်ပွဲမှာ လက်လှည့်မျက်လှည့်ပွဲမှာ တရုတ်ပြည်ထုတ် တရုတ်ပလပ်စတစ်အကြည်ရောင်ပုံးများကို အသုံးချကာ အထက်ဖေါ်ပြပါ လှည့်ဖြားကလိမ်ကကျစ်ကျမည့် အစီအစဉ်များနဲ့  သူတို့ ၈ွင် သူတို့ ဆင်ကာ မြန်မာပြည်သူပြည်သားများနှင့်တစ်ကွ နိုင်ငံတကာကိုပါ အကြီးမားဆုံးသော နောက်ဆုံး အစွမ်းကုန်ပညာပြမည့် မျက်လှည့်ပွဲကြီးအား ကျင်းပဖို့  လုပ်နေတာမို့  နအဖတို့ ရဲ့  မဲပုံးဟာ ပလပ်စတစ်အကြည်ရောင် မျက်လှည့်ပုံးသာ ဖြစ်ပါကြောင်း အသိပေးတင်ပြလိုက်ရပါတယ်။ လိမ်ညာမယ်မှန်း သိသိကြီးနဲ့  အလိမ်ခံပြီး ကြည့်လိုက်ဦးမယ်ဆိုသူဟာ လိမ်မှန်း မသိဘဲ အလိမ်ခံလိုက်ရသူထက် အောင့်သက်သက်နဲ့  ခံလိုက်ရလေခြင်းဆိုတဲ့အဖြစ် ခံရမယ့် ကိန်းဆိုက်မှာ အမှန်ပါဘဲ။

လိမ်ညာကောက်ကျစ်စွာနဲ့  မြန်မာပြည်သူပြည်သားတွေရဲ့  သွေးချွေးတွေနဲ့ လက်ဆေးနေတဲ့ နအဖအာဏာရူးများရဲ့  ၂၀၁၀ ခုနှစ် မျက်လှည့်လက်လှည့်ပွဲကြီးအား ကန့် ကွက်ဆန့် ကျင်သပိတ်မှောက်သည့်အနေဖြင့် မဲ လုံးဝ မထည့်ကြဖို့  အထူးတိုက်တွန်းလိုက်ရပါတယ်။