ကြက်ခြေနီရယ်၊ အာဏာရှင်အုပ်စုရယ်၊ ကမ္ဘာက လေးစားဂုဏ်ပြုခံခဲ့ရတဲ့ ဟင်နရီဒူးနန့် ဆုရ စိုင်းအောင်လှိုင်မြင့်ရယ်၊ မေလ (၈) ရက်နေ့ ရယ်။

ကြက်ခြေနီရယ်၊ အာဏာရှင်အုပ်စုရယ်၊ ကမ္ဘာက လေးစားဂုဏ်ပြုခံခဲ့ရတဲ့ ဟင်နရီဒူးနန့် ဆုရ စိုင်းအောင်လှိုင်မြင့်ရယ်၊ မေလ (၈) ရက်နေ့ ရယ်။

အာဏာရှင်နေ၀င်းရဲ့  မဆလခေတ်မှာ မြန်မာနိုင်ငံကြက်ခြေနီအသင်းဟာ အုပ်ချူပ်မှုအပိုင်းနဲ့  တပ်ဖွဲ့ အပိုင်းဆိုပြီး ဖွဲ့ စည်းထားမှု ရှိခဲ့ပါတယ်။ ဗဟိုအဆင့်ရယ်၊ တိုင်း ပြည်နယ်အဆင့်ရယ် မြို့  နယ်အဆင့်ရယ်ဆိုပြီး အဆင့်ဆင့်ဖွဲ့ စည်းထားခဲ့ပါတယ်။ အခြေခံဖြစ်တဲ့ မြို့ နယ်အဆင့်မှာ အုပ်ချူပ်မှုအပိုင်းမှာ ဥက္ကဌ အတွင်းရေးမှူးစသဖြင့် ဖွဲ့ စည်းထားသလို တပ်ဖွဲ့ ပုံသဏ္ဍန်နဲ့  တပ်ခွဲ တပ်စု တပ်စိတ်ဆိုပြီးအဆင့်ဆင့် ဖွဲ့ စည်းထားခဲ့ပါတယ်။ မြို့ နယ်ကြက်ခြေနီဖွဲ့ စည်းမှုကို တပ်ဖွဲ့  ပုံစံနဲ့  တပ်ခွဲမှူး၊ တပ်စုမှူး တပ်စိတ်မှူး တပ်ကြပ်ကြီး ဒုတပ်ကြပ် အစရှိသဖြင့် ဖွဲ့ စည်းမှုတွေ သတ်မှတ်ထားခဲ့ပါတယ်။ ဒီနေရာမှာ မြို့ နယ်ကြက်ခြေနီအသင်းဖွဲ့ စည်းမှုကို စစ်တပ်ပုံစံနဲ့ ဖွဲ့  စည်းခဲ့ပါတယ်။

မြန်မာနိုင်ငံကြက်ခြေနီအသင်းရဲ့  ဗဟိုအဆင့်၊ တိုင်း ပြည်နယ်အဆင့် မြို့ နယ်အဆင့်တွေမှာ အာဏာရှင်အုပ်စုဟာ သူတို့ အလိုကျ လူပုဂ္ဂိုလ်တွေကို ခန့် ထားခဲ့ကြပါတယ်။ အထူးသဖြင့် စစ်တပ်က ယူနီဖောင်းချွတ်တွေရော လက်ရှိတာဝန်ယူနေသူတွေကိုရောပါ ကြက်ခြေနီအသင်းရဲ့  အဓိကအုပ်ချူပ်မှုနေရာတွေမှာ ခန့် အပ်ထဲ့ပါတယ်။ မဆလပါတီရဲ့  ကေဒါတွေ အဖားကောင်းတဲ့သူတွေကို ဥက္ကဌနေရာတွေ အတွင်းရေးမှူးနေရာတွေ ပေးအပ်ခဲ့ပါတယ်။ ထို အတူ ကြက်ခြေနီအသင်း မြို့ နယ်အဆင့်ကို တပ်ဖွဲ့ ပုံစံနဲ့  ဖွဲ့ စည်းပြီး တပ်ခွဲမှူးလို နေရာတွေမှာ စစ်တပ်က လက်ရှိတာဝန်ယူနေဆဲဖြစ်တဲ့ တပ်ကြပ်ကြီးအဆင့်တွေကို မြို့ နယ်ကြက်ခြေနီ တပ်ခွဲမှူးတွေအဖြစ် ခန့် အပ်ထားခဲ့တာတွေ ရှိခဲ့ပါတယ်။ အခြားနိုင်ငံတွေရဲ့  ကြက်ခြေနီအသင်း ဖွဲ့ စည်းမှုနဲ့  မတူညီတဲ့ ပုံစံနဲ့  ဒီလို ဖွဲ့ စည်းမှုတွေဟာ အာဏာရှင်အုပ်စုရဲ့  ရည်ရွယ်ချက်ရှိရှိ ၄င်းတို့ ရဲ့  ၀ါဒဖြန့် ချီရေးလုပ်ငန်းတွေမှာ အသုံးချလို့ ရအောင် လုပ်ဆောင်ခဲ့တာဘဲ ဖြစ်ပါတယ်။

အာဏာရှင် နေ၀င်းရဲ့  မဆလခေတ်က စပြီး ၂၀၀၇ ခုနှစ် ရွှေဝါရောင် သံဃာ့လှုပ်ရှားမှုတိုင်အောင် အာဏာရှင်အုပ်စုဟာ ၄င်းတို့ အကျိုးစီပွားအတွက် တစ်ဘက်လှည့်နဲ့  မြန်မာနိုင်ငံကြက်ခြေနီအသင်းအဖွဲ့ ဝင်တွေကို လိုရာခိုင်းစေ ဆောင်ရွက်စေခဲ့ကြပါတယ်။ နာဂစ်မုန်တိုင်းတိုက်ခတ်မှုမှာ တိုင်းသူပြည်သားတွေ အသက်ပေါင်းမြောက်မြားစွာဆုံးရှုံးခဲ့ရတဲ့ အဓိကတရားခံဖြစ်တဲ့ အုပ်ချူပ်သူတွေရဲ့  လစ်လျူရှူမှုနဲ့  တာဝန်မဲ့ခဲ့မှုကို အဖတ်ဆယ်ဖို့ နဲ့  နိုင်ငံတကာက အကူအညီတွေကို အစပိုင်းမှာ ငြင်းပယ်ခဲ့ပေမယ့် ကူညီမှုတွေအပေါ်မှာ အမြတ်ထုတ် ကိုယ်ကျိုးရှာဖို့  သိမြင်လာတဲ့အချိန်မှာ နိုင်ငံတကာအကူအညီတွေကို အားရ၀မ်းသာနဲ့  ကြိုဆိုဆောင်ရွက်ပြတဲ့ နေရာမှာ မြန်မာနိုင်ငံကြက်ခြေနီအသင်းကို ဗန်းပြခိုင်းစေဆောင်ရွက်ပြခဲ့ပါတယ်။

အာဏာရှင်အုပ်စုရဲ့  ဆုပ်ကိုင်ချယ်လှယ်မှုကို ခံနေရပေမယ့် တစ်ဘက်မှာ မြန်မာနိုင်ငံကြက်ခြေနီအသင်းဝင်တွေရဲ့ အထင်ကရတွေကို ဖေါ်ပြရရင် ရှေးဦးသူနာပြုပညာရပ်ဖြစ်တဲ့ အခြေခံ မွမ်းမံအစရှိတဲ့အဆင့်တွေမှာ ကျွမ်းကျင်မှု၊ စီမံခန့် ခွဲမှုနဲ့  အဖွဲ့ အစည်းအတွင်း ထူးချွန်သူတွေကို စံပြအဖြစ်ရွေးချယ်ပြီး ဂုဏ်ပြုတဲ့ စံပြကြက်ခြေနီအဖြစ်ရွေးချယ်မှုတွေ၊ မေလ (၈) ရက်နေ့  ကမ္ဘာ့ကြက်ခြေနီနေ့  အထိမ်းအမှတ် တစ်နိုင်ငံလုံးမှ မြို့ နယ်အဆင့် ကြက်ခြေနီအသင်းဝင်တွေရဲ့  ရှေးဦးသူနာပြုစွမ်းရည်ပြိုင်ပွဲတွေနဲ့  စစ်ရေးပြစွမ်းရည်ပြိုင်ပွဲတွေကို ကျင်းပခဲ့တာ ဖြစ်ပါတယ်။

ဒီ့အပြင် မြန်မာကြက်ခြေနီအသင်းဝင်တွေရဲ့  ပြည်သူအကျိုးပြု အနစ်နာခံ အပင်ပန်းခံဆောင်ရွက်မှုတွေဖြစ်တဲ့ မီးဘေး လေဘေး ရေဘေးတွေမှာ အားသွန်ခွန်စိုက် ဆောင်ရွက်မှုတွေဟာ လေးစားချီးကျူး အသိအမှတ်ပြုရမှာ ဖြစ်ပါတယ်။ အာဏာရှင်နေ၀င်းရဲ့  မဆလခေတ်ကာလ သဘောင်္နစ်မြုပ်မှုတွေဖြစ်တဲ့ ၁၉၇၃ ခုနှစ်၊ ဖေဖော်ဝါရီ (၂၁) ရက်နေ့ ၊ ညနေ (၃) နာရီ(၅၅) မိနစ်ခန့် မှာ ဖြစ်ပွားခဲ့တဲ့ ရန်ကုန်-ဒလကူး တိုးအေးသဘောင်္နစ်မြုပ်မှုမှာ မြန်မာနိုင်ငံကြက်ခြေနီအသင်းဝင်တွေရဲ့  ကူညီမှုတွေဟာ တစ်ချိန်တုန်းက မြန်မာနိုင်ငံကြက်ခြေနီအသင်းဝင်တွေအတွက် ဂုဏ်ပြောင်မြောက်စေခဲ့တာတွေ ဖြစ်ခဲ့ပါတယ်။

မြန်မာနိုင်ငံကြက်ခြေနီအသင်းထဲ ဘယ်သူတွေ ဘာကြောင့် ပါဝင်ခဲ့ကြသလည်း။ ဒီမေးခွန်းကို ဖြေရရင် - အများစုက ပရဟိတဆိုတဲ့ အများအကျိုး ကူညီဆောင်ရွက်ရေး လူမှုရေးလုပ်ငန်းနဲ့  ရှေးဦးသူနာပြုဆိုတဲ့ ကျန်းးမာရေးအလုပ်တွေကို လုပ်ဆောင်ချင်တဲ့ စေတနာနဲ့  ၀ါသနာကြောင့်လို့  ဆိုရပါလိမ့်မယ်။

အများအားဖြင့် မြန်မာနိုင်ငံကြက်ခြေနီအသင်းကို ရိုးသားဖြူစင်ကြတဲ့ လူငယ်လူရွယ်တွေ ဖြစ်ကြတဲ့ အလယ်တန်းကျောင်း အထက်တန်းကျောင်းမှ ကျောင်းသားကျောင်းသူလေးများဟာ လူငယ်တို့  သဘာဝ အများအကျိုးဆောင်ရွက်လိုစိတ်နဲ့  တက်ကြွစွာနဲ့  ပါဝင်ခဲ့ကြပါတယ်။

သို့ သော်လည်း အာဏာရှင်အုပ်စုကတော့ ရိုးသားဖြူစင်ကြတဲ့ လူငယ်လူရွယ်တွေကို ၀ါဒမှိုင်းတိုက်မယ်၊ တက်ကြွစွာနဲ့  အားမာန်ပြည့်ဝကြတဲ့ လူငယ်လူရွယ်တွေရဲ့ စွမ်းရည်တွေကို ခိုင်းစေအသုံးချမယ်၊ ရပ်ကွက်မြို့ နယ် သန့် ရှင်းရေး လုပ်အားပေးပွဲတွေကိုသာမက အာဏာရှင်တို့  အာဏာတည်မြဲရေးလုပ်ငန်းတွေအတွက် လိုရာခိုင်းစေတာတွေ လုပ်ကြပါတယ်။

မည်သို့ ပင် အာဏာရှင်အုပ်စုက မြန်မာနိုင်ငံ ကြက်ခြေနီသမိုင်းကို ညှိုးနွမ်းအောင် လုပ်စေကာမူ မြန်မာနိုင်ငံသမိုင်း ကမ္ဘာ့သမိုင်းမှာ လေးစားဂုဏ်ပြုခံရသူတွေထဲမှာ မြန်မာပြည်သား မြန်မာနိုင်ငံကြက်ခြေနီအသင်းဝင် ကိုစိုင်းအောင်လှိုင်မြင့်ရဲ့  ဆောင်ရွက်မှုဟာ တိုင်းပြည်အတွက် သမိုင်းဂုဏ်ရောက်တောက်ပြောင်ဆဲ ဖြစ်ပါတယ်။

အသက် (၂၁) နှစ်အရွယ်သာရှိသေးခဲ့တဲ့ မြန်မာနိုင်ငံကြက်ခြေနီအသင်းဝင် ကိုစိုင်းအောင်လှိုင်မြင့်ဟာ ၁၉၇၇ ခုနှစ်၊ ဇန်န၀ါရီလမှာ ကမ္ဘာက အသိအမှတ်ပြုရလောက်တဲ့ အသက်စွန့် ဆောင်ရွက်မှုကို စွမ်းစွမ်းတမံဆောင်ရွက်ခဲ့ပါတယ်။ ဧရာဝင်္တီမြစ်အတွင်းမှာ ထိုးကျသွားခဲ့တဲ့ စစ်တပ်လော်ရီကားရဲ့  ကားမောင်းသမားအသက်ကို စွန့် စွန့် စားစား ကယ်တင်ခဲ့မှု ဖြစ်ပါတယ်။ ကချင်ပြည်နယ်ဒေသဘက် ဧရာဝတီမြစ်ရေရဲ့  အေးစက်မှု ကိုယ်တိုင် ငှက်ဖျားရောဂါခံစားနေရမှုတွေရယ်ကို ဦးစားမပေးဘဲ လူ့ အသက်တစ်ချောင်းကယ်တင်ဖို့ အတွက် အဓိကထားပြင်းပြတဲ့ ကိုစိုင်းအောင်လှိုင်မြင့်ရဲ့  လူသားပီသလွန်းတဲ့ စိတ်ဓါတ်နဲ့  အနက် (၁၈) ပေထိ နစ်မြုပ်သွားတဲ့သူကို ကြိုးစားကယ်တင်ခဲ့ပါတယ်။ မေ့မြောနေပြီဖြစ်တဲ့ ရေနစ်သူကို မရရအောင် ဆွဲခေါ်တင်ပြီး ကုန်းပေါ်ရောက်တဲ့အထိ ဆယ်တင်လာရုံမက ရှေးဦးသူနာပြုစုနည်းနဲ့  အသက်ကို ကယ်တင်ခဲ့လို့  အသက်တစ်ချောင်းကယ်တင်ရခဲ့ပါတယ်။ မြန်မာနိုင်ငံကြက်ခြေနီအသင်းအတွက်သာမက မြန်မာနိုင်ငံ ဂုဏ်ပြောင်မြောက်စေခဲ့တဲ့ မြန်မာ့ကြက်ခြေနီ ကိုစိုင်းအောင်လှိုင်မြင့်ကို နိုင်ငံတကာပြည်သူတွေက အသိအမှတ်ပြုလေးစားလွန်းလို့  မေလ (၈) ရက်နေ့  ကမ္ဘာ့ကြက်ခြေနီနေ့  အထိမ်းအမှတ်မှာ အမြင့်ဆုံးဆုဖြစ်တဲ့ ဟင်နရီဒူးနန့် ဆုကို ပေးအပ်ချီးမြှောက်ဂုဏ်ပြုခဲ့ကြပါတယ်။

ကိုစိုင်းအောင်လှိုင်မြင့်လို အသက်ကို မိမိအသက်ကို ပဓာနမထားဘဲ အများပြည်သူအကျိုးအတွက် သက်စွန့် ကျိုးပမ်းခဲ့ကြသူတွေကို ထိုက်ထိုက်တန်တန် မှန်မှန်ကန်ကန် ဂုဏ်ပြုသင့်ကြပါတယ်။

လက်ရှိဖြစ်နေတာတွေကတော့ ရင်ဘတ်တွေပေါ်မှာ ဘာမှန်းမသိတဲ့ ဘယ်တုန်းက ဘာလုပ်ခဲ့မှန်းမသိတဲ့ ဆုတံဆိပ် ဗလပွတွေကို ချိတ်ပြနေတာတွေဟာ တိုင်းသူပြည်သားတွေအတွက် လုပ်ခဲ့လို့ လား ကိုယ်ကျိုးအတွက်လုပ်ခဲ့လို့ လား ဖြေခိုင်းကြည့်ရင်တော့ ဖြေနိုင်ကြမယ်လို့ မထင်မိပါဖူး။ အများပြည်သူအတွက် ဘာမျှ မမျှော်မှန်း မရည်ရွယ်ဘဲ စွမ်းစွမ်းတမံ ဆောင်ရွက်ခဲ့ကြသူတွေရဲ့ လေးစားဂုဏ်ယူဖွယ် ဆောင်ရွက်ချက်တွေကြောင့် ကမ္ဘာ့မိသားစုကရော မြန်မာပြည်သူပြည်သားတွေကရော အသိအမှတ်ပြုမှုခံရသူတွေနဲ့ တော့ ဂုဏ်သိက္ခာအရ ဘယ်လိုမှ နှိုင်းယှဉ်မရပါဖူး။

မြန်မာနိုင်ငံကြက်ခြေနီအသင်းအဖွဲ့ ရဲ့  မူလ မွန်မြတ်တဲ့ ဂုဏ်အင်္ဂါတွေ ရည်မှန်းချက်တွေ အများအကျိုးဆောင်ရွက်တဲ့ ပရဟိတစိတ်ဓါတ်တွေကို ချိုးဖဲ့ဖျက်ဆီးပစ်လိုက်တာကတော့ အာဏာရှင်တွေဘဲ ဖြစ်ပါတယ်။

ကမ္ဘာကပါ လေးစားဂုဏ်ပြုခဲ့ရတဲ့ မြန်မာ့ကြက်ခြေနီ ကိုစိုင်းအောင်လှိုင်မြင့်ကို ယခုနှစ် ၂၀၁၂ ခုနှစ်ရဲ့  မေလ (၈) ရက်နေ့ မှာ ကျရောက်မယ့် ကမ္ဘာ့ကြက်ခြေနီနေ့ မှာ ပြန်လည်ထပ်မံဂုဏ်ပြုရင်းနဲ့  မြန်မာနိုင်ငံကြက်ခြေနီအသင်း အသင်းဝင်များရဲ့  ပရဟိတ အများအကျိုးပြု ဆောင်ရွက်ချက်များကို လေးစားဂုဏ်ပြုလိုက်ရပါတယ်။

ထို့ အတူ ပြောကြားလိုတဲ့ ရင်တွင်းဆန္ဒတစ်ခုကတော့ မြန်မာနိုင်ငံကြက်ခြေနီအဖွဲ့ ဝင်တိုင်းအနေနဲ့  မိမိတို့ ရဲ့  စေတနာ ၀ါသနာ အနစ်နာ ဦးထိပ်ထားပြီး အများအကျိုး ရှေ့ ရှုဆောင်ရွက်လိုကြတဲ့ ပရဟိတစိတ်ဓါတ်ပြည့်ဝမှု ရှေးဦးသူနာပြုကျွမ်းကျင်မှုများနဲ့  ပြည်သူ့ အကျိုးပြုနိုင်ကြပါစေ အတ္တကိုယ်ကျိုးအတွက် လွဲမှားစွာ ဆောင်ရွက်စေခိုင်းခံရမှုတွေမှ ရှောင်ရှားနိုင်ကြပါစေလို့  ဆန္ဒပြုလိုက်ရပါတယ်။

မြန်မာ့ကြက်ခြေနီ ကိုစိုင်းအောင်လှိုင်မြင့်နှင့်တစ်ကွ လူသားအကျိုး ရှေ့ ရှုဆောင်ရွက်ကြသော ကြက်ခြေနီအသင်းဝင်များအား မေလ (၈) ရက်နေ့  ကမ္ဘာ့ကြက်ခြေနီနေ့  အထိမ်းအမှတ်အဖြစ် လေးစာစွာ ဂုဏ်ပြုအပ်ပါသည်။

နစ်နေမန်း။



(ကြက်ခြေနီအသင်းအဖွဲ့ ကို စတင်တည်ထောင်ခဲ့သူ ဟင်နရီဒူဒနန့် ဟာ ပထမဦးဆုံး ငြိန်းချမ်းရေးနိုဘယ်လ်ဆုရရှိခဲ့သူ ဖြစ်ပါတယ်။ အများအကျိုးအတွက် သူရဲ့  စွန့် လွှတ်အနစ်နာခံ ကြိုးပမ်းဆောင်ရွက်မှုများကို ကမ္ဘာ့ကြက်ခြေနီနေ့ မှာ ဂုဏ်ပြုဖေါ်ပြလိုက်ရပါတယ်)။

ဟင်နရီဒူးနန့် ကို ဂုဏ်ပြုတဲ့အနေနဲ့  သူ့ ရဲ မွေးနေ့ မေလ (၈) ရက်နေ့ ကို နိုင်ငံတကာကြက်ခြေနီနေ့ အဖြစ် သတ်မှတ်ထားတာ ဖြစ်ပါတယ်။

၁၈၉၅ ခု ဇွန်လ ၂၄ ရက်နေ့တွင် မြင်းရထား တစ်စင်းသည် အီတလီနိုင်ငံရှိ ဆိုဖီရီနိုမြို့သို့ မောင်းဝင်လာသည်။ ရထားပေါ်တွင် လူရွယ်တစ်ဦး လိုက်ပါလာသည်။ သူသည် ပြင်သစ်လူမျိုးတစ်ဦးဖြစ်၍ ဆွစ်ဇာလန်နိုင်ငံ၌ ဖွားမြင်ကာ၊ ဆွစ်ဇာလန်နိုင်ငံမှာပင် နေထိုင်သူဖြစ်သည်။ သူသည် အသက် ၃၁ နှစ် အရွယ်ခန့် ရှိသည်။ အဖြူရောင်ဝတ်စုံကို သားနား သေသပ်စွာ ၀တ်ဆင်ထားသည်။ သူ့အမည်မှာ ဟင်နရီဒူးနန့် ဖြစ်သည်။ အလုပ်အကိုင်အားဖြင့် ဘဏ်ဒါရိုက်တာလူကြီးလည်းဖြစ်၍၊ ကုမ္ပဏီဒါရိုက်တာလူကြီးလည်း ဖြစ်သည်။

သူရောက်လာချိန်ဝယ် ဆိုဖာရီနိုမြို့မှာ ပြင်းထန်သော စစ်ပွဲကြီး တစ်ပွဲ ဖြစ်ပွားအံ့ဆဲဆဲ ဖြစ်နေသည်။ ထိုစဉ်က သြစထရီးယားကတစ်ဖက်၊ ပြင်သစ်နှင့် ဆားဒီးနီးယားတို့ကတစ်ဖက် စစ် ဖြစ်ပွားလျက် ရှိသည်။ သြစထရီးယန်းတပ်များသည် အီတလီမြောက်ပိုင်းကို သိမ်းပိုက် ကျွန်ပြုထားသည်ဖြစ်ရာ ထိုဒေသရှိ ဆိုဖာရီနိုမြို့၌ သြစထရီးယန်းတပ်ကြီးက တစ်ဖက်၊ ပြင်သစ်နှင့် ဆားဒီးနီးယန်းတပ်များကတစ်ဖက် ရင်ဆိုင်တိုက်အံ့ဆဲဆဲ အချိန်ဖြစ်သည်။

သြစထရီးယန်းတပ်များကို ဖရန့်ဂျိုးဇက်ဘုရင်ကိုယ်တိုင် ကြီးမှူးကွပ်ကဲသည်။ ပြင်သစ်နှင့် ဆားဒီးယန်းတပ်များကိုမူ တတိယမြောက်နပိုလီယံဘုရင်ကိုယ်တိုင် ကြီးမှူးကွပ်ကဲသည်။ ဟင်နရီဒူးနန့်သည် ထိုနေရာသို့ စစ်ရေးအတွက် ရောက်ရှိလာခြင်းမဟုတ်။ စီးပွားရေးအတွက် ရောက်ရှိလာခြင်းသာ ဖြစ်သည်။ သူ၏ ကုမ္ပဏီသည် ထိုစဉ်က ပြင်သစ်ပိုင်ဖြစ်သော အယ်လ်ဂျီးရီးယားနိုင်ငံသို့ လေရဟတ်များ ရောင်းချရန်အတွက် ပြင်သစ်အစိုးရထံမှ ခွင့်ပြုချက် တောင်းခံခဲ့သည်။ ထိုတောင်းခံချက်ကို ပါရီ မြို့ရှိ ကိုလိုနီဆိုင်ရာဋ္ဌာနက ငြင်းပယ်လိုက်သည်။ ထို့ကြောင့် သူသည် အီတလီစစ်မြေပြင်၌ ရောက်ရှိနေသော နပိုလီယံဘုရင်ထံ ခွင့်တောင်းရန် လာရောက်ခြင်း ဖြစ်သည်။ သူသည် ဆိုဖာရီနိုမြို့သို့ ၀င်မိသောအခါ ရှေ့ဆက်သွား၍ မရတော့ပေ။ ပြင်သစ်စစ်သားများဖြင့် လမ်းပိတ်ဆို့နေသောကြောင့်ဖြစ်သည်။

သူက ပြင်သစ်စစ်သားများအား “ခင်ဗျားတို့ ဧကရာဇ်ဘုရင်နဲ့ အရေးတကြီး တွေ့ချင်လို့ပါ။ လမ်းဖယ်ပေးပါ ခင်ဗျာ” ဟု ပြောဆိုသည်။ ထိုအခါ ပြင်သစ်စစ်ဗိုလ်တစ်ဦးက “ဘုရင်မင်းမြတ်ဟာ စစ်မြေပြင်ကို စစ်ချီသွားပြီ။ မကြာခင် စစ်ပွဲစတော့မယ်။ ခင်ဗျား ရှေ့ဆက်သွားလို့ မရတော့ဘူး။ ချက်ချင်းပြန်လှည့်သွားပါ ” ဟု ပြောဆိုတားမြစ်သည်။ ဤတွင် ဟင်နရီဒူးနန့်သည် ရထားပေါ်မှ ဆင်းကာ မြင်းတစ်စီးကို ပြောင်းစီးသည်။

ထို့နောက် ချီတက်သွားသော စစ်သားများနောက်မှ ကပ်လျက် လိုက်ပါသွားသည်။ ယခုအချိန်တွင်မူ သူသည် နပိုလီယံဘုရင်နှင့်တွေ့ ဆုံရန် မဟုတ်တော့။ စစ်တိုက်ခိုက်သည်ကို မတွေ့မြင်ဖူးသဖြင့် အခွင့်ရခိုက် ကြည့်ရှု့လေ့လာရန် လိုက်ပါလာခြင်းဖြစ်လေသည်။

မကြာမီသူသည် စစ်မြေပြင်သို့ ရောက်ရှိသွားသည်။ သြစထရီးယန်း တပ်သားများသည် လင်းယုန်ငှက်တံဆိပ်အမှတ်အသားပါရှိသော အလံများကို လွှင့်ထူလျက် ရန်သူကို တိုက်ခိုက်ရန် အသင့်ပြင်ပြီး ဖြစ်ကြသည်။ ပြင်သစ်နှင့် ဆားဒီးနီးယန်းတပ်သားများသည်လည်း တောက်ပသော ၀တ်စုံများကို ဆင်မြန်းလျက် ရန်သူများကို ရှိရာသို့ တစ်ဟုန်ထိုး ချီတက်သွားကြသည်။

နှစ်ဖက်အင်အားမှာ စုစုပေါင်း သုံးသိန်းကျော်ရှိပေသည်။ ဟင်နရီဒူးနန့်သည် ထိုတိုက်ပွဲကို တောင်ကုန်းတစ်ခုပေါ်မှနေ၍ စိတ်ဝင်စားစွာ ကြည့်ရှု့နေသည်။ အလွန်ကြည့်ကောင်းမည့် ပွဲကြီးပွဲကောင်း ဖြစ်လိမ့်မည်ဟု တွေးတောမျှော်လင့်နေသည်။ သို့ရာတွင် စစ်တပ်ကြီးနှစ်တပ် တွေ့ဆုံ တိုက်ခိုက်ကြသောအခါတွင်ကား သူ ထင်သကဲ့သို့ မဟုတ်၊ အလွန်ထိတ်လန့်ကြောက်မက်ဖွယ်ရာ ကောင်းလှသည်ကို မျက်ဝါးထင်ထင် တွေ့မြင်ရလေသည်။

ရှေးဦးစွာ အမြောက်သံများ၊ သေနတ်သံများကို နားကွဲလုမတတ်ကြားရသည်။ ထို့နောက် ခုတ်ကြ ထစ်ကြသော အသံများကို ကြားရသည်။ မရှေးမနှောင်းပင် အော်ညည်းသံများကို ကြားရသည်။ စစ်မြေပြင်တစ်ခုလုံး ယမ်းငွေ့များ မှိုင်းဝေသွားပြီး ထိုယမ်းငွေ့များကြားထဲတွင် လူသေကောင်များနှင့် ဒဏ်ရာရသူများကို မြင်မကောင်း၊ ရှုမကောင်း တွေ့မြင်ရသည်။ တိုက်ပွဲသည် ၁၅ နာရီမျှ ကြာသည်။ နောက်ဆုံး၌ သြစထရီးယန်းတပ်သည် အရေးနိမ့်ကာ ဖရိုဖရဲဆုတ်ခွာ ထွက်ပြေးသွားကြသည်။ စစ်မြေပြင်၌ ကျဆုံးသူနှင့် ဒဏ်ရာရသူများမှာ စုစုပေါင်း လေးသောင်းကျော် ရှိသည်။

ဒဏ်ရာရသူများသည် မိမိတို့ လဲကျသည့် နေရာများတွင် သနားစဖွယ် အော်ဟစ်ညည်းညူကား လူးလွန့်နေကြသည်။ ချစ်ချစ်တောက်ပူသော နေရောင်အောက်တွင် မရှုမလှ ဝေဒနာခံစားလျက် ရှိကြသည်။ အချို့က ရေငတ်လှသဖြင့် “ရေ. . . ရေ” ဟူ၍ တစာစာ အော်ဟစ်တောင်းနေသည်။ သူနာများထဲမှ အချို့ကို ပြင်သစ်နှင့် ဆားဒီးနီးယန်းတပ်သားများက ဖေးမ ခေါ်ဆောင်သွားကြသည်။ အများအပြားမှာမူ သည်အတိုင်းပင် ပိုးစိုးပက်စက် ရှိနေသည်။ ထိုစဉ်က ထိုနေရာ၌ သူနာတင်ရထားလည်း မရှိ။ ဆရာဝန်လည်း မရှိ။ သူနာပြုလည်း မရှိ။ ဒဏ်ရာရသူများမှာ ကယ်သူကင်းဝေးလျက် အရှင်လတ်လတ် ငရဲရောက်နေသကဲ့သို့ ရှိကြရှာပေသည်။

ဟင်နရီဒူးနန့်သည် ထိုရှုခင်းကို တွေ့ရသောအခါ ကြီးစွာသော တုန်လှုပ်ချောက်ချားခြင်း ဖြစ်ခဲ့သည်။ တစ်ဖန် တုန်လှုပ်ချောက်ချားရာမှ ကြီးစွာသော ကရုဏာစေတနာလည်း ဖြစ်ပေါ်ခဲ့သည်။ သို့ဖြင့် သူသည် သူနာများကို အစွမ်းကုန် ကယ်ဆယ်မည်ဟူ၍ သန္နိဋ္ဌာန်ချလိုက်ကာ၊ တောင်ကုန်းပေါ်မှ ပြေးဆင်းလာခဲ့ပေသည်။ တပ်သားများ ခေါ်ဆောင်လာသော သူနာများတွင် အချို့ကို ဘုရားရှိခိုးကျောင်း၌ ထားသည်။ အချို့ကို စာသင်ကျောင်းများ၌ ထားသည်။ အချို့ကို အိမ်များ၊ တဲများ၌ ထားသည်။

သို့တိုင်အောင်လည်း နေရာမဆံ့သဖြင့် အချို့မှာလမ်းများပေါ်ပင် ရှိနေကြသည်။ ထိုသူနာများကို ကုသရန် စစ်ဘက်ဆိုင်ရာ ဆရာဝန်ဆို၍လည်း အနည်းငယ်သာရှိသည်။ ထိုလက်တစ်ဆုပ်စာ မျှသာ ဆရာဝန်တို့သည် ခြေဖြတ် လက်ဖြတ်ရသော လုပ်ငန်းနှင့် ကြီးမားလှသည့် ဒဏ်ရာအပေါက်ကြီးများကို ဆို့ပိတ်ရ သော လုပ်ငန်းများလောက်ကိုသာ လုပ်နိုင်သည်။ သူနာကလည်း များလွန်းသည်။ ဆရာဝန်ကလည်း နည်းလွန်းသည်။ ထို့ပြင် ဆေးဝါး ပစ္စည်းကလည်း အလုံအလောက် မရှိပေ။

ဤအခြေအနေတွင် ဟင်နရီဒူးနန့်သည် အစွမ်းကုန် ၀င်ရောက်ကူညီလေသည်။ သူသည် သူ့၌ ပါလာသော ငွေအားလုံးကို အီတလီ ရွာသားအချို့အား ပေးလိုက်ပြီး၊ အနီးရှိ မြို့သို့သွား၍ ဆေးဝါးနှင့် ပတ်တီးများ အမြန်ဝယ်ယူစေသည်။ ထို့ပြင် အနီးအနား ရွာများရှိ အီတလီ အမျိုးသမီးများကို စည်းရုံး၍ သူနာများကို ၀ိုင်းဝန်းပြုစုစေသည်။ သူကိုယ်တိုင်လည်း ရေပုံးကို ထမ်းလျက် အနာများကို လိုက်လံဆေးကြော သုတ်သင်ပေးသည်။ ပတ်တီးစည်းပေးသည်။ သူ လျှောက်သွားသည့်အခါ သူ့ခြေထောက်ကို လှမ်းဖက်ကာ ရေတောင်းရှာသည့် သူနာများကိုလည်း ရေတိုက်ပေးသည်။ ထို့ပြင် စစ်မြေပြင်၌ ကျန်ရှိသေးသည့် သူနာများကိုလည်း သယ်ဆောင်၍ နေရာချထားပေးသည်။ သူနာများက သူ့အား “၀တ်စုံဖြူနှင့် လူ” ဟူ၍ ခေါ်ကြသည်။ သို့ရာတွင် သူ့ဝတ်စုံဖြူမှာ သူနာများကို ပြုစုရသဖြင့် မဖြူတော့ဘဲ ညစ်ထည်းနေပြီ။

တစ်နေ့သ၌ သူသည် ပြင်သစ်တပ်သား သူနာများကို ပြုစုနေစဉ် သြစထရီးယန်းတပ်သားသူ နာနှစ်ယောက် ရောက်ရှိလာသည်။ ပြင်သစ်တပ်သားများက “ ဟေ့ ရန်သူတပ်သားတွေ ထွက်သွားကြ” ဟူ၍ အော်ဟစ် နှင်ထုတ်သည်။ ထိုအခါ ဟင်နရီဒူးနန့်သည် ပြင်သစ်တပ်သားများ၏ အပြုအမူကို တားဖြစ်ကာ၊ ဩစထရီးယန်းတပ်သား သူနာနှစ်ဦးကို ကောင်းစွာ လက်ခံသည်။ “သည်နေရာမှာ ရန်သူဆိုတာ မရှိဘူး။ အားလုံး ညီရင်းအစ်ကိုတွေချည်းဘဲ” ဟု ဟင်နရီဒူးနန့်က ပြောဆိုသည်။ သြစထရီးယန်း တပ်သားနှစ်ဦးကို ကြင်နာစွာ ပြုစုစောင့်ရှောက်သည်။ အစက အီတလီရွာသူရွာသားများသည် ပြင်သစ်နှင့် ဆားဒီးနီးယန်းတပ်သား သူနာများကိုသာ ပြုစုလိုကြသည်။ သူတို့ကို ကျွန်ပြုသော သြစထရီးယန်း တပ်သားသူနာများကိုမူ မပြုစုလိုကြပေ။ သို့ရာတွင် ဟင်နရီဒူးနန့်၏ ကြီးမားသော ကရုဏာ စေတနာကို ခံစားသိရှိရသောအခါတွင်ကား သူတို့သည်လည်း ရန်သူ၊ မိတ်ဆွေ မရွေး ဒုက္ခရောက်သူ သူနာတိုင်းအပေါ် ကရုဏာထားကြပေသည်။

တစ်နေ့သ၌ ဘုရား ရှိခိုးကျောင်းတစ်ကျောင်းတွင် သူနာ ၅၀၀ ခန့်ကို ဟင်နရီဒူးနန့်တို့ တွေ့ရှိကြသည်။ ထိုသူနာများမှာ ငါးရက်လုံးလုံး အစာမတွေ့၊ ရေ မတွေ့၊ ဆေးမတွေ့ နှင့်။ ဝေဒနာကို အလူးအလိမ့် မချိမဆံ့ ခံနေကြရရှာသည်။ သူတို့အထဲတွင် ပြင်သစ်၊ သြစထရီးယန်း၊ ဆလပ်၊ အာရပ်၊ ဂျာမန် စသည့်ဖြင့် လူမျိုးပေါင်းစုံပါဝင်လေသည်။


စစ်ပွဲအပြီးတွင် ရန်သူနှင့်မိတ်ဆွေတို့သည် တစ်နေရာတည်းတွင် စုရုံးလျက် ဆင်းရဲဒုက္ခ ခံနေရရှာသည်။ ဟင်နရီဒူးနန့်နှင့် အီတလီ ရွာသူရွာသားတို့သည် ထိုသူနာတို့ကို အစွမ်းကုန် ကူညီပြုစု စောင့်ရှောက်ကြသည်။ “ငါတို့အားလုံးဟာ ညီအစ်ကို အရင်းအချာတွေဘဲ” ဟူသော စကားသည် ဤကရုဏာရှင်များ၏ ရင်မှ ပေါ်ထွက်လာခဲ့ပေသည်။

ဟင်နရီဒူးနန့်သည် ထိုအရပ်ဒေသ၌ ရက်ပေါင်းများစွာ ကြာအောင်ပင် နေထိုင်ကာ သူနာများကို အစွမ်းကုန် ပြုစုစောင့်ရှောက်ခဲ့သည်။ ထိုနောက်မှ မိမိနေထိုင်ရာ ဆွစ်ဇာလန်နိုင်ငံသို့ ပြန်လာခဲ့ပေသည်။ ယင်းသို့ ပြန်လာစဉ် သူ၏ ရင်မှာ တင်းကျပ်လျက် ရှိသည်။ စစ်ပွဲများကား ပေါ်လာဦးမည်ပင်။ စစ်ပွဲများ ပေါ်လာသည်နှင့်အမျှ သူနာများလည်း ပေါ်လာဦးမည်ပင်။ ထိုအခါ ထိုထိုသူနာများကို မည်သို့ ပြုစုစောင့်ရှောက်ရမည်နည်း။

ဟင်နရီဒူးနန့်သည် ထိုနေ့၊ ထိုအချိန်မှစ၍ သူ၏ စီးပွားရေးလုပ်ငန်းများကို စိတ်မ၀င်စားတော့။ ကြွယ်ဝချမ်းသာမှုကို ဂရုမစိုက်တော့။ ကြီးပွားတိုးတက်ရေးကို အလေးမထားတော့။ သူနာများကို ကယ်တင်စောင့်ရှောက်ရေးလုပ်ငန်းကိုသာ စိတ်ဝင်စားတော့သည်။ သွားလည်းသည်စိတ်၊ ထိုင်လည်း သည်စိတ်၊ အိပ်လည်း သည်စိတ်၊ စားလည်း သည်စိတ်။ ထို့ကြောင့် သူသည် “ဆိုဖီရီနို မှတ်တမ်း” အမည်ရှိ စာအုပ်တစ်အုပ်ကို ၁၈၆၁ ခု၌ ရေးသားသည်။ ဆိုဖီရီနို စစ်မြေပြင်၌ သူတွေ့မြင်ခံစားခဲ့ရသည်တို့ကို နှလုံးသွေးဖြင့်ရေးသည့်ပမာ လှိုက်လှိုက်လှဲလှဲ ရေးသားထားခြင်းဖြစ်သည်။ ထို့နောက် ထိုစာအုပ်ကို အုပ်ရေတစ်ထောင် ပုံနှိပ်ပြီးလျှင် အရေးပါသော မိတ်ဆွေများနှင့် ပုဂ္ဂိုလ်ကြီးများထံ ပေးပို့လေသည်။ ထိုစာအုပ်ငယ်သည် ဥရောပတိုက်ကြီးကို တုန်လှုပ်ချောက်ချားသွားစေသည်။

ရင်နာဖွယ် အဖြစ်အပျက်များသည် ကမ္ဘာတစ်ဝန်းလုံးသို့ တောမီးပမာ ပျံ့နှံ့သွားလေသည်။ ထိုစာအုပ်ကို အကြိမ်ကြိမ် ထပ်မံပုံနှိပ်ရလေသည်။ ထိုစာအုပ်ကို ဖတ်ရှုသူတိုင်းပင် သူနာများ ကယ်ဆယ်ရေးအတွက် မည်သို့ ဆောင်ရွက်ရမည် ကို စဉ်းစားတွေးတောလာကြပေသည်။

ဟင်နရီဒူးနန့်က သူ့စာအုပ်တွင် သနားစဖွယ် သူနာများ၏ ဘ၀ကို တင်ပြထားသည်။ ထို့ပြင် သူနာများကို ကယ်ဆယ်ရန် စေတနာ့ဝန်ထမ်း ကရုဏာရှင်များ လိုအပ်သည့်နည်းတူ၊ ထိုကရုဏာရှင်များကိုလည်း သူနာပြုလုပ်ငန်းများ လေ့ကျင့်သင်ကြားပေးရန် လိုသည်။ ဆိုဖီရီနို စစ်မြေပြင်၌ သူနာများကို ပြုစုရန် ကရုဏာရှင် စေတနာ့ဝန်ထမ်းများ ပေါ်ထွက်လာအောင် စည်းရုံးနိုင်ခဲ့သော်လည်း၊ ထိုကရုဏာရှင်များမှာ သူနာပြုလုပ်ငန်းများကို မတတ်ကျွမ်းသဖြင့် အခက်အခဲများစွာ တွေ့ရသည် ဟူ၍လည်း တင်ပြထားပေသည်။

စာအုပ်ထွက်ပေါ်ပြီး မကြာမီပင် ဂျနီဗာမြို့တွင်ရှိသော ဟင်နရီဒူးနန့် ၏ မိတ်ဆွေကြီးလေးဦးသည် ဟင်နရီဒူးနန့်နှင့်အတူ စတင် အလုပ်လုပ်ကြသည်။ မိတ်ဆွေကြီးလေးဦးမှာ ဗိုလ်ချုပ်ကြီးဒူဖိုး၊ ဂျီနီဗာ စေတနာ့ဝန်ထမ်း အသင်းကြီး၏ ဥက္ကဋ္ဌ ဂူစတေ့မိုနီယာ၊ ဒေါက်တာ အမ္မီယ၊ ဒေါက်တာသီအိုဒိုမောနေး တို့ ဖြစ်ကြသည်။ ဟင်နရီဒူးနန့်နှင့် ထိုမိတ်ဆွေကြီးလေးဦးတို့သည် ငါးဦးကော်မတီတစ်ရပ် ဖွဲ့စည်းလိုက်သည်။ သူနာများကယ်ဆယ်ပြုစုစောင့်ရှောက်ရေးအတွက် အပြည်ပြည်ဆိုင်ရာ ညီလာခံကြီးကို ဂျီနီဗာမြို့၌ ကျင်းပရန် ဆော်ဩဆာင်ရွက်ကြသည်။

ဟင်နရီဒူးနန့်သည် ထိုညီလာခံကြီး ဖြစ်မြောက်ရေးအတွက် မအိပ်မနေ ဆောင်ရွက်သည်။ သူ့စာအုပ်ကို အကြောင်းပြု၍ သူ့စေတနာကို အများကသိပြီး ဖြစ်ရာ သူသည် နိုင်ငံအများသို့ သွားရောက်သည်။ ညီလာခံကြီးဖြစ်မြောက် အောင်မြင်ရေးအတွက် အရေးပါသောပုဂ္ဂိုလ်ကြီးများကို တွေ့ဆုံသည်။ အဖွဲ့အစည်းများကို ချည်းကပ်သည်။ ပုဂ္ဂိုလ်အသီးသီးထံသို့ စာရေးသား ပေးပို့သည်။ သူ၏ စာအုပ်များကို ဝေငှသည်။ အမေရိကန်သမ္မတကြီး လင်ကွန်းထံသို့ စာရေး၍ မေတ္တာရပ်ခံရာ ကိုယ်စားလှယ်နှစ်ဦး စေလွှတ်ပါမည်ဟူ၍ လင်ကွန်းက ကတိပေး ပြန်ကြားခဲ့သည်။

ပြင်သစ်ပြည် စစ်ဝန်ကြီးကမူ ဟင်နရီဒူးနန့်၏ စာအုပ်သည် ပြင်သစ်ပြည်ကို ထိပါးစေသည်ဟုဆိုကာ ဟင်နရီဒူးနန့်ကို ဆန့်ကျင်ဘက် ပြုခဲ့သည်။ ထိုအခါ ဟင်နရီဒူးနန့်သည် နပိုလီယံ ထံမှောက်သို့ ၀င်ရောက်ပြီး ရှင်းလင်းတင်ပြခဲ့ သည်။ မေတ္တာရပ်ခံခဲ့သည်။ ထိုအခါ နပိုလီယံက ဟင်နရီဒူးနန့်၏ လုပ်ငန်းကို စိတ်ဝင်စားကြောင်း အားတက်ဖွယ်ရာ ပြန်ကြားပြောဆိုလိုက်သည်။

သို့ဖြင့် ၁၈၆၃ ခု အောက်တိုဘာလတွင် ပထမဦးဆုံး ညီလာခံကို ဂျီနီဗာမြို့၌ ကျင်းပခဲ့သည်။ နိုင်ငံပေါင်း ၁၅ နိုင်ငံမှ အရေးပါအရာရောက်သော ကိုယ်စားလှယ်ကြီးများ တက်ရောက်ကြသည်။ မိုနီယာက ဥက္ကဋ္ဌ၊ ဟင်နရီဒူးနန့်က အတွင်းရေးမှူးအဖြစ် ဆောင်ရွက်သည်။ ထိုညီလာခံမှာပင် ဟင်နရီဒူးနန့် တောင့်တသော ကြက်ခြေနီအသင်းကြီး သန္ဓေတည်ခဲ့သော ၁၈၆၄ ခု နှစ်မှစ၍ အကောင်အထည်ပေါ်ခဲ့သည်။ ကမ္ဘာအနှံ ပျံ့နှံ့သွားခဲ့သည်။ နောက်ဆုံး ကြက်ခြေနီလုပ်ငန်းသည် တစ်စတစ်စ တိုးတက်လာစဉ် ဟင်နရီဒူးနန့်၏ စီးပွားရေးလုပ်ငန်းများမှာမူ တစ်စတစ်စ ဆုတ်ယုတ်ကျဆင်းလာသည်။ သူသည် စီးပွားရေးလုပ်ငန်းများကို ဂရုမပြုဘဲ ကြက်ခြေနီလုပ်ငန်းများကိုသာ ဂရုပြု ဆောင်ရွက်နေသောကြောင့် ဖြစ်သည်။ နောက်ဆုံး ၁၈၆၇ခု နှစ်တွင် သူ၏ စီးပွားရေးလုပ်ငန်းအားလုံး ဖရိုဖရဲ ပြိုကွဲပျက်စီးသွားလေသည်။ ထိုအခါ သူ၏ စီးပွားရေးလုပ်ငန်းတွင် အစုရှယ်ယာ ထည့်သွင်းပါဝင်သူများက သူ့ကို အပြစ်ဆိုကြသည်။ သူ့အကြောင်း မကောင်းပြောကြသည်။

ဤတွင် ဟင်နရီဒူးနန့်သည် သူချစ်မြတ်နိုးလှသည့် ကြက်ခြေနီအသင်းကြီးမှ ချက်ချင်း နုတ်ထွက်လိုက်လေသည်။ စီးပွားရေးနှင့်ပတ်သက်၍ သူသည် နာမည်ပျက်တစ်ယောက် ဖြစ်သွားရာ၊ သူ့ ကြောင့် မွန်မြတ်လှသော ကြက်ခြေနီအသင်းကြီးနှင့် ကြက်ခြေနီလုပ်ငန်းများကို မထိခိုက်စေလိုသဖြင့် သူ့ခမျာ အသင်းမှ နုတ်ထွက်ခဲ့ခြင်းဖြစ်သည်။ ဟင်နရီဒူးနန့်သည် အသင်းမှ နုတ်ထွက်လိုက်သောအခါ လုံးဝ ဩဇာအာဏာ မရှိတော့ပေ။ သူက မည်မျှ စေတနာထား၍ မည်သို့ အကြံကောင်း၊ ဥာဏ်ကောင်းများ ပေးစေကာမူ လက်မခံကြတော့ပေ။ သူ့ကို လုံးဝ ဂရုမပြုကြတော့ပေ။ ဥပေက္ခာ ပြုထားလိုက်ကြလေသည်။


ထိုအချိန်တွင် သူ့၌ ငွေကြေးလည်း မရှိတော့ပေ။ အပေါင်းအသင်းလည်း မရှိတော့။ သူသည် အထီးကျန် ဖြစ်နေပေပြီ။ နှစ်အနည်းငယ်အတွင်းမှာပင် ဟင်နရီဒူးနန့်၏ အမည်သည် ကြက်ခြေနီလောကမှ ပျောက်ကွယ်သွားလေသည်။ သူ့အမည်နှင့်အတူ ဟင်နရီဒူးနန့်သည်လည်း ဂျီနီဗာမြို့မှ ပျောက်ကွယ်သွားလေသည်။

ထိုသို့ ပျောက်ကွယ်သွားရာမှ နှစ်ပေါင်း ၃၀ အကြာတွင် သတင်းစာဆရာတစ်ဦးသည် ဟိုက်ဒင်အမည်ရှိ ဆွစ်တောင်ပေါ် ရွာကလေးတစ်ရွာသို့ ဖြတ်သန်းသွားလာစဉ်၊ ထိုရွာ၌ ထူးခြားသော အသွင်ရှိသည့် အဘိုးအိုတစ်ဦးကို တွေ့ ရသည်။ ထိုအဘိုးအိုမှာ ဆံမုတ်ဆိတ်များ ဖွေးဖွေးဖြူလျက်၊ အိမ်ကလေး တစ်လုံးတွင် မထင်မရှား ဆင်းဆင်းရဲရဲ နေထိုင်လျက်ရှိသည်။ သတင်းစာဆရာသည် ကြင်နာသော အမူအရာရှိသည့် အဘိုးအိုနှင့် စကားစမြည် ပြောရာမှ ထိုအဘိုးအိုမှာ အခြားသူမဟုတ်။ ကြက်ခြေနီ ဖခင်ကြီး ဟန်နရီဒူးနန့် ဖြစ်ကြောင်း သိရှိသွားသည်။

သတင်းစာဆရာသည် အံ့အားသင့် မဆုံးပြီ။ သူသည် ကြက်ခြေနီ ဖခင်ကြီး ဟင်နရီဒူးနန့် တစ်ယောက်ကွယ်လွန်ပြီဟု ထင်မှတ်ခဲ့သည်။ သူ့နည်းတူ အများကလည်း ထင်မှတ်ခဲ့သည်။ ယခုကား ကြက်ခြေနီဖခင်ကြီးမှာ အသက်ထင်ရှား ရှိနေတုန်းပင်။ သတင်းစာဆရာသည် ဟင်နရီဒူးနန့်ကို မမျှော်လင့်ဘဲ ဟိုက်ဒင်ရွာကလေး၌ တွေ့ရှိပုံ အကြောင်းအစုံကို သတင်းစာများသို့ သတင်းရေးသား ပေးပို့လိုက်သည်။ ထိုအခါ လူအများသည် လှုပ်လှုပ်ရွရွ ဖြစ်သွားကြသည်။ အချို့က ဟင်နရီဒူးနန့်ထံ စာများရေးကြသည်။ အချို့က ငွေကြေး လက်ဆောင်များ ပေးပို့ကြသည်။ အချို့က လူကိုယ်တိုင် လာရောက်တွေ့ဆုံကြသည်။ ထို့နောက် တည်ထောင်ခါစဖြစ်သော နိုဗယ်(လ်)ဆု ချီးမြှင့်ရေးအဖွဲ့ကြီးက ၁၉၀၁ ခုနှစ်တွင် ပထမဆုံးသော ငြိမ်းချမ်းရေးဆိုင်ရာ နိုဗယ်(လ်)ဆုကြီးကို ဟင်နရီဒူးနန့်နှင့် ပါစီတို့အား ပူးတွဲပေးလိုက်လေသည်။ ပါစီမှာ ငြိမ်းချမ်းရေး အသင်းကြီးကို တည်ထောင်သူ ပြင်သစ်လူမျိုး ဖရက်ဒရစ်ပါစီပင် ဖြစ်ပေသည်။

ဟင်နရီဒူးနန့်သည် ငြိမ်းချမ်းရေး နိုဗယ်(လ်) ဆုကို ရရှိပြီး ၉ နှစ်အကြာ၊ ၁၉၁၀ ပြည့်နှစ် အသက် (၈၂) နှစ်အရွယ်တွင် ဟိုက်ဒင်ရွာ ဆေးရုံကလေးမှာပင် ကွယ်လွန်သွားရှာပေသည်။ ၁၉ ရာစုနှစ်တွင် လူသားတို့အကျိုးကို အဆောင်ရွက်ဆုံး ပုဂ္ဂိုလ်ကို ညွှန်ပြပါဆိုလျှင် အများကပင် ဟင်နရီဒူးနန့်ကို ညွှန်ပြကြပေမည် ဖြစ်ပေသည်။


ကမ္ဘာက ဟင်နရီဒူးနန့် ရယ် မြန်မာပြည်က ကိုစိုင်းအောင်လှိုင်မြင့်ရယ် လေးစားဂုဏ်ယူပါတယ်။