ဇွန်လ (၂၁) ရက်နေ့  - မြေနီကုန်းအရေးအခင်း - ပြည်သူပြည်သားများနဲ့  ကျောင်းသူကျောင်းသားများ လက်ချင်းချိတ်ဆက်သော နေ့ တစ်ရက်။

ဇွန်လ (၂၁) ရက်နေ့  - မြေနီကုန်းအရေးအခင်း - ပြည်သူပြည်သားများနဲ့  ကျောင်းသူကျောင်းသားများ လက်ချင်းချိတ်ဆက်သော နေ့ တစ်ရက်။

(၁)။

အာဏာရှင်နေ၀င်း ကြီးစိုးနေတဲ့ မဆလခေတ်က ၁၉၈၈ ခုနှစ်ရဲ့  အစကနဦး အချိန်တွေဖြစ်တဲ့ မတ်လ (၁၃) ရက်နေ့  စက်မှုတက္ကသိုလ်ကျောင်းသား ကိုဖုန်းမော် ကျဆုံးခဲ့ရတဲ့အချိန်၊ မတ်လ (၁၆) ရက်နေ့  အင်းလျားကန် တံတားဖြူကနေ ကျောင်းသူကျောင်းသားတွေ သွေးမြေကျခဲ့ရတဲ့အတွက် တံတားနီအရေးအခင်းတွေမှာ ၁၉၈၈ ခုနှစ် နှစ်စ မတ်လကနေ နှစ်လည် ဇွန်လရောက်တဲ့အထိ တောက်လျှောက် မိုက်ရိုင်းခဲ့ကြတဲ့ အာဏာရှင်လက်ပါးစေ လုံထိန်းတွေဟာ အခွင့်အရေးရတာနဲ့  ရိုက်ပုတ်သတ်ဖြတ် စော်ကားမိုက်ရိုင်းခဲ့ကြတယ်။

ဒါပေမယ့် ၁၉၈၈ ခုနှစ်၊ ဇွန်လ (၂၁) ၇က်နေ့  ရောက်တဲ့အခါမှာတော့ မြေနီကုန်းအရေးအခင်းလို့  အမည်တွင်ခဲ့တဲ့ ဖြစ်ပျက်မှုဟာ ကျောင်းသားလူငယ်တွေနဲ့  ပြည်သူတွေ ပူးပေါင်းမိကြပြီး အာဏာရှင်လက်ပါးစေတွေကို ပြန်လည်တုန့် ပြန်မှု စတင်ခဲ့တာဘဲ ဖြစ်ပါတယ်။ ယခင်စောစောပိုင်း မတ်လအရေးအခင်းတွေက ဘာမှပြန်လည်တုန့် ပြန်တာမျိုးမရှိခဲ့ကြဘဲ ကျောင်းသားကျောင်းသူတွေ ဆန္ဒပြချီတက်မှုမှန်သမျှမှာ တစ်ဘက်သတ် ခံခဲ့ကြရတာပါ။

၁၉၈၈ ခုနှစ် ဇွန်လ (၂၁) ရက်နေ့ - ရန်ကုန်တက္ကသိုလ် (ပင်မ) ကနေ ပြည်လမ်းတလျှောက် တက္ကသိုလ်ကျောင်းသူကျောင်းသားကြီးတွေ ဆန္ဒပြချီတက်လာချိန်မှာ စမ်းချောင်းမြို့ နယ်တစ်လျှောက်မှ အခြေခံပညာ အထက်တန်းကျောင်းများမှ ကျောင်းသူကျောင်းသားတွေကလည်း ကျောင်းဆင်းချိန်မို့ ပူးပေါင်းပြီး ဟံသာဝတီအဝိုင်းကနေ အတူတစ်ကွ ချီတက်လာကြပါတယ်။ ဒါဟာ ရန်ကုန် တက္ကသိုလ် (ပင်မ) က ကျောင်းသားတွေနဲ့ အခြေခံပညာ ကျောင်းသားလေးတွေနဲ့ ပေါင်းဆုံမိသွားတဲ့ လှုပ်ရှားမှုလည်း ဖြစ်ပါတယ်။

အာဏာရှင်တွေရဲ့  ကျောင်းသားလှုပ်ရှားမှုတွေအပေါ် မတရားဆောင်ရွက်တာကို ဆန့် ကျင်ဆန္ဒပြချီတက်လာရာ မြေနီကုန်းမီးပွိုင့်လမ်းဆုံအနီးရောက်ရှိချိန်မှာတော့ ရိုင်းစိုင်းတဲ့ လုံထိန်းတွေက ၄င်းတို့ ရဲ့ ကားတွေကို ချီတက်လာတဲ့ ကျောင်းသူကျောင်းသားတွေကြားထဲကို မောင်းသွင်းဝင်ပြီး ရိုက်နှက်ပါတယ်။

အဖြူအစိမ်းဝတ်စုံလေးတွေနဲ့  ချီတက်ဆန္ဒပြကြတဲ့ အထက်တန်းကျောင်း ကျောင်းသူကျောင်းသားငယ်လေးတွေကို အာဏာရှင်လက်ပါးစေ အကြမ်းဖက်သမား လုံထိန်းတွေက နံပါတ်တုတ်တွေနဲ့ ဝင်ရောက်ရိုက်နှက်၊ မျက်ရည်ယိုဗုံးနဲ့ ပစ်၊ ကားနဲ့  တိုက်ကြိတ်တာတွေ လုပ်တဲ့မြင်ကွင်းကို မြင်တွေ့ ရတဲ့ ပြည်သူလူထုဟာ မခံရပ်နိုင်ဖြစ်ပြီး တိုင်ပင်နေစရာမလိုဘဲ အားလုံးက အဆိုပါ အာဏာရှင်လက်ပါးစေတွေကို လက်တွေ့ တုန့် ပြန်ပါတော့တယ်။

အနီးအနားမှ တွေ့ ရှိရတဲ့ ပစ္စည်းများကို ကိုင်တွယ်ပြီး မိုက်ရိုင်းစော်ကားနေတဲ့ လုံထိန်းတွေကို ၀င်နှက်ကြလို့ ၊ ပြည်သူလူထုရဲ့  တကယ်လုပ်ရဲလာတဲ့ သတ္တိနဲ့  လူထုအင်အားကို ရင်ဆိုင်ရတဲ့အခါမှာတော့ အဆိုပါ အာဏာရှင်လက်ပါးစေ လုံထိန်းတွေ ထွက်ပြေးခဲ့ကြပါတယ်။ ပြည်သူလူထုဟာ ဆောက်လက်စ တိုက်တာအဆောက်အဦးရှေ့ မှာ ပုံထားတဲ့ အုတ်နီခဲတွေ သစ်သားချောင်းတိုတွေကို တစ်ယောက်တစ်လက် ဆွဲယူပြီး လုံထိန်းတွေကို ၀င်ရောက်ပစ်ခတ်ရိုက်နှက်ရုံတင်မကဖူး ပြည်သူလူထုအပေါ်မှာ ခေတ်တစ်လျှောက်လုံး နှိပ်စက်အနိုင်ကျင့်ခဲ့တဲ့ မြေနီကုန်း မီးပွိုင့်လမ်းဆုံမှာ ရှိတဲ့ စမ်းချောင်းမြို့ နယ်ရဲစခန်းကိုပါ သင်ခန်းစာပေးခဲ့ကြပါတယ်။

မြေနီကုန်းလမ်းမကြီးရဲ့  ကတ္တရာအမဲရောင်ဟာ ထိခိုက်ဒဏ်ရာရ သေဆုံးခဲ့ရတဲ့ သွေးတွေအပြင် ပြည်သူလူထုကနေ အာဏာရှင်လက်ပါးစေ လုံထိန်းတွေကို လက်တွေ့ ပြန်လည်တုန့် ပြန်ခဲ့တဲ့ အုတ်နီခဲအကျိုးအပဲ့အပိုင်းအစတွေကြောင့် လမ်းမကြီးတစ်ခုလုံးဟာ အဝေးကနေကြည့်တဲ့အခါမှာ အနီရောင် ဖုံးလွမ်းနေခဲ့ပါတယ်။

၁၉၈၈ ခုနှစ်၊ ဇွန်လ (၂၁) ရက်နေ့ ကနေ စလိုက်တဲ့ ပြည်သူလူထုရဲ့  တုန့် ပြန်မှုဟာ အရှိန်အဟုန်ကောင်းသွားပြီး မြို့ နယ်တွေ ရပ်ကွက်တွေထဲကို အာဏာရှင်လက်ပါးစေတွေ သူလျှိုတွေ မ၀င်ရလေအောင် မ၀င်ရဲလောက်အောင် ကျောင်းသားတွေ ရဟန်းသံဃာတွေ ပြည်သူတွေဟာ မိမိတို့  မြို့ နယ် မိမိတို့ ရပ်ကွက် မိမိတို့  လမ်းတွေကို မိမိတို့ ဘာသာ လုံခြုံရေးယူကြပြီး အပြင်လူ လူစိမ်း မ၀င်ရအောင် နေ့ ရောညပါ ကာကွယ်စောင့်ရှောက်ခဲ့ကြတယ်။

မိမိတို့ ဘာသာ လုံခြုံရေးကင်းတွေထားပြီး သူစိမ်းဝင်ရင် အာဏာရှင်လက်ပါးစေတွေ ချဉ်းကပ်လာရင် အကြမ်းဘက်မဲ့ စစ်တပ်လာရင် လမ်းမတွေကို ပိတ်ဆို့ တားဆီး၊ အချက်ပြသတင်းပို့ တာတွေ လုပ်၊ လိုအပ်သလို ပြန်လည်တုန့် ပြန်တာတွေ လုပ်ခဲ့ကြလို့  ပြည်သူလူထုအားကြောင့် အာဏာရှင်တွေ တုန်လှုပ်ခြောက်ခြားစေခဲ့ရပြီး မဆလတစ်ပါတီအာဏာရှင် ပြုတ်ကျစေခဲ့တဲ့ ၁၉၈၈ ခုနှစ်၊ သြဂုတ်လ (၈) ၇က်နေ့  ၈၈၈၈ ရှစ်လေးလုံးအရေးတော်ပုံကြီး ဖြစ်အောင် အားကောင်းခဲ့ကြပါတယ်။

(၂)။

၁၉၈၈ ခုနှစ် မတ်လ (၁၃) ရက်နေ့  ကိုဘုန်းမော်နေ့  မတ်လ (၁၆) ရက်နေ့  တံတားနီနေ့  အစရှိတဲ့ ကျောင်းသားလှုပ်ရှားမှုတွေ ပြီးခါစ အာဏာရှင်တွေရဲ့  မတရားဖိနှိပ် အကြမ်းဘက် ပစ်ခတ်ဖြိုခွင်းမှုကို မခံမရပ်နိုင်ဖြစ်ပြီး ကျောင်းသားတွေရဲ့  အာဏာရှင်ဆန့် ကျင်ရေး လှုပ်ရှားမှုတွေဟာ ဆက်လက်ဖြစ်ပေါ်နေခဲ့ပါတယ်။

ရန်ကုန်စက်မှုတက္ကသိုလ်ကျောင်းသူကျောင်းသားတွေ ရန်ကုန်တက္ကသိုလ် (ပင်မ) ကျောင်းသူကျောင်းသားတွေ လက်ချင်းတွဲချိတ်ရုံသာမက အထက်တန်းကျောင်း ကျောင်းသားကျောင်းသူငယ်လေးတွေပါ ပါဝင်လာကြသည်အထိ ကျောင်းသားထုရဲ့  လှုပ်ရှားမှုဟာ တဖြည်းဖြည်းနဲ့  ကျယ်ပြန့် လာတာကို သိရှိတဲ့ နေ၀င်း အာဏာရှင်အစိုးရဟာ လိုအပ်လျှင် လိုအပ်သလို နှိမ်နင်းဖြိုခွဲဖို့  ရန်ကုန်မြို့ ကြီးကို စစ်မက်ဖြစ်ပွားရာဒေသတွေကဲ့သို့  သတ်မှတ်ထားကာ လုံထိန်းများအပြင် စစ်တပ်တွေကိုပါ နေရာယူချထားခဲ့ပါတယ်။ စစ်တပ်တွေကို အသင့်ပြင်နေရာယူချထားမှုကို အမျာူပြည်သူလူမြင်ကွင်းမှာ သိသိသာသာ မမြင်ရအောင် အစိုးရပိုင် အဆောက်အဦး ရုံးဝန်းများထဲမှာ စခန်းချထားခဲ့တာ ဖြစ်ပါတယ်။

ဇွန်လ (၂၁) ရက်နေ့  မြေနီကုန်းအရေးအခင်း မဖြစ်ပွားခင် အချိန်ကတည်းက သံလျှင်မြို့ နယ် အခြေစိုက် စစ်တပ်မှ တပ်ခွဲတစ်ခွဲကို ပြည်လမ်းပေါ်ရှိ ယခင် မဆလလွှတ်တော်အနီး မနော်ဟရီလမ်းရှိ ဆောက်လုပ်ရေးရုံးဝင်းထဲမှာ အခြေချ တပ်စွဲထားခိုင်းခဲ့ပါတယ်။ နေ့ ရော ညပါ ဆက်သွယ်ရေးစက်ဖွင့်ထားပြီး ရန်ကုန်မြို့ နေရာအနှံ့ အခြေအနေကို သတင်းပို့ မှု ရယူမှုနဲ့  အသင့်ပြင်ထားကြပါတယ်။ ဆောက်လုပ်ရေးရုံးဝင်းရဲ့  လုံခြုံရေးဂိတ်ဝက တာဝန်ကျဝန်ထမ်းတွေနေရာမှာ တပ်သားနှစ်ဦးက အလှည့်ကျ ၀င်ရောက်နေရာယူခဲ့ပါတယ်။ ရုံးတက်ရုံးဆင်း ၀န်ထမ်းများကို ဂိတ်ဝမှာ စစ်ဆေးပြီးမှ အ၀င်အထွက် ပေးလုပ်ပါတယ်။

ဒီလို ရှေ့ တန်းစစ်မြေပြင် တိုက်ပွဲနေရာပမာ ရန်ကုန်မြို့ ကြီးရဲ့ အချက်အချာကြတဲ့ နေရာတွေမှာ စစ်တပ်တွေ လျှို့ ဝှက် အခြေစိုက်ထားခိုင်းပြီး ကျောင်းသားတွေရဲ့  ငြိမ်းချမ်းစွာ ဆန္ဒပြမှုလှုပ်ရှားမှုတွေကို အကြမ်းဘက်ဖြိုခွင်းဖို့  ကြိုတင်စီစဉ်ထားခဲ့ပါတယ်။

၁၉၈၈ ခုနှစ်၊ ဇွန်လ (၂၁) ရက်နေ့ မှာ မြေနီကုန်းမီးပွိုင့်လမ်းဆုံအနီး ရမ်းကားရိုင်းစိုင်းလွန်းတဲ့ လုံထိန်းတွေရဲ့  အကြမ်းဘက်မှုကို မခံမရပ်နိုင်ဖြစ်ကြတဲ့ ပြည်သူလူထုဟာ ကျောင်းသားကျောင်းသူလေးတွေဘက်ကနေ ၀ိုင်းရံလက်တွဲပြီး အဆိုပါ လုံထိန်းတွေကို လက်တွေ့ ကျကျ ပြန်လည်တုန့် ပြန်တဲ့ သတင်းကြားကြားချင်း မနော်ဟရီလမ်းထဲရှိ ဆောက်လုပ်ရေးရုံးဝင်းအတွင်း အခြေစိုက်ထားတဲ့ တပ်ခွဲဟာ ချက်ချင်းဘဲ တန်းစီပြီး သေနတ်တွေ မောင်းတင်မောင်းဖြုတ်လုပ်ကာ တီအီးစစ်ထရပ်ကားနှစ်စီးနဲ့  ၅ မိနစ်ခန့် သာ မောင်းရတဲ့ မြေနီကုန်းဘက်ကို အလျှင်အမြန်ထွက်ခွာသွားခဲ့ပါတယ်။

နှစ်ပေါင်း (၂၆) နှစ်ကျော် တိုင်းပြည်ကို ဖိနှိပ်ချုပ်ချယ် စိုးမိုးဗိုလ်ကျနေတဲ့ အာဏာရှင်လက်ပါးစေများရဲ့  လက်ကိုင်တုတ် တွေဖြစ်တဲ့ ရိုင်းစိုင်းရမ်းကားလွန်းလှတဲ့ လုံထိန်းတွေကို ပထမဦးဆုံး ပြည်သူလူထုက ညီညီညာညာနဲ့  တုန့် ပြန်လိုက်တာကြောင့် အဆိုပါ ဇွန်လ (၂၁) ရက်နေ့ မှ စပြီး လုံထိန်းတွေရဲ့  ရှေ့ တန်းမှာနေရာယူ သောင်းကျန်းမှုဟာ လျော့ကျနောက်ဆုတ်သွားခဲ့ပေမယ့် အာဏာရှင်ရဲ့  စစ်တပ်က ပေါ်ပေါ်တင်တင် နေရာယူ ၀င်ရောက်ကာ ရဟန်းရှင်လူကျောင်းသားပြည်သူများရဲ့  အေးချမ်းစွာ ဆန္ဒပြလှုပ်ရှားမှုတွေအပေါ် ဘီလူဆိုင်းနဲ့  သောင်းကျန်းပါတော့တယ်။

အဆိုပါနေ့  ဇွန်လ (၂၁) ရက်နေ့  မွန်းလွဲနောက်ပိုင်း မြေနီကုန်းမီးပွိုင့်လမ်းဆုံ ကားလမ်းမကြီး လေးဘက်လေးတန်ဟာ ကတ္တရာလမ်းမ အနက်ရောင်ကနေ အနီရောင်လွှမ်းခြုံထားတဲ့ လမ်းမကြီးအသွင် ဖြစ်ပေါ်သွားခဲ့ပါတယ်။ ပြည်သူလူထုရဲ့  မခံမရပ်နိုင် ပေါက်ကွဲမှုဟာ လုံထိန်းတွေရဲ့  ရိုင်းစိုင်းမှုအပေါ် တုန့် ပြန်ခဲ့တဲ့ အုတ်ခဲနီအပိုင်းအစ အကျိုးအပဲ့များနဲ့  ဖုံးလွှမ်းသွားပါတယ်။ ဒီမတိုင်ခင် လုံထိန်းများရဲ့  ရိုင်းစိုင်းမှုကြောင့် အပြေးအလွှား ရှောင်တိမ်းမှုများအကြား ကျကျန်ခဲ့တဲ့ ကျောင်းသားကျောင်းသူလေးများရဲ့  ဖိနပ်တစ်ဘက်ပြတ်များလည်း ရှိနေပါတယ်။ ပြည်သူလူထုရဲ့  တုန့် ပြန်မှုကို လက်တွေ့ ကျကျ သိလိုက်ရလို့  နောက်ဆုတ်သွားတဲ့ လုံထိန်းနောက်မှာ ရောက်ရှိလာတဲ့ စစ်တပ်ဟာ သေနတ်များ ချိန်၍ပြီး ကတ္တရာလမ်းမပေါ်မှာ ရင်ဘောင်တန်းကာ အတန်းလိုက် ချီတက်လာပါတယ်။ စစ်ယူနီဖောင်းအင်္ကျီလည်ပင်းမှာ အနီ အစိမ်း အပြာ လိမ္မော်အရောင် အစရှိတဲ့ လည်ပတ်တွေကို အုပ်စုလိုက် ၀တ်ထားပြီး မာကြောခက်ထန်သောမျက်နှာများနဲ့  မကျေမနပ်ရပ်ကြည့်နေကြတဲ့ ပြည်သူပြည်သားတွေအပေါ် ရန်သူသဖွယ် ဆက်ဆံပါတယ်။

ရန်ကုန်မြို့ လည်ကနေ အင်းစိန်ဘက်ထိ ကားလမ်းများ ပိတ်ကုန်တာကြောင့် ရုံးဝန်ထမ်းတွေ အလုပ်သမားတွေ ကျောင်းသူကျောင်းသားတွေ အစရှိတဲ့ ပြည်သူလူထုဟာ လမ်းလျှောက်ပြီး အိမ်ပြန်ခဲ့ကြရပါတယ်။ ကျောင်းသူကျောင်းသားလေးတွေရဲ့  အေးချမ်းစွာ ဆန္ဒပြမှုအပေါ် ရက်ရက်စက်စက် ရမ်းကားခဲ့တဲ့ လုံထိန်းတွေ မာကျောသာမျက်နှာထားတဲ့ ရန်သူသဖွယ်ဆက်ဆံတဲ့ စစ်တပ်ဖွဲ့ တွေကို မျက်ဝါးထင်ထင် မြင်တွေ ခဲ့လိုက်ရတဲ့ ပြည်သူလူထုဟာ အိမ်အပြန် လမ်းမတစ်လျှောက် ရင်ထဲမှာ ဆူလှိုက်စွာ ခံစားမှုအပြည့်နဲ့  ဖြစ်နေပါတယ်။ ၁၉၈၈ ခုနှစ် ဇွန်လ (၂၁) ရက်နေ့  ပြည်သူတွေရဲ့  ရင်တွင်းက ခံစားမှုတွေဟာ ရှစ်လေးလုံးပြည်သူ့ အရေးတော်ပုံကြီးဖြစ်တဲ့ ကျောင်းသူကျောင်းသား အလုပ်သမား ပြည်သူ့ ဝန်ထမ်းများ ရပ်ကွက် မြို့ နယ် ပြည်နယ်နဲ့ တိုင်း နေရာအနှံ့ မှ ပြည်သူအပေါင်း လူထုလူတန်းစားပေါင်းစုံ စုပေါင်းပါဝင်ခဲ့ကြတဲ့ အထွေထွေ ပြည်သူသပိတ်ကြီး ပေါ်ပေါက်လာစေခဲ့တဲ့ သန္ဓေတည်ခဲ့မှု တစ်ခုဘဲ ဖြစ်ပါတော့တယ်။