ဒေါ်အောင်ဆန်းစုကြည်၏ (၆၇) နှစ်မြောက် မွေးနေ့ နှင့် မြန်မာနိုင်ငံအမျိုးသမီးများနေ့  အထိမ်းအမှတ် အခမ်းအနား (သြစတြေလျနိုင်ငံ၊ မဲလ်ဘန်းမြို့့ )။

ယမန်နေ့  ဇွန်လ (၁၆) ရက်နေ့ တွင် သြစတြေလျနိုင်ငံ မဲဘန်းမြို့ ၌ မြန်မာပြည်သူလူထုခေါင်းဆောင် ဒေါ်အောင်ဆန်းစုကြည်၏ (၆၇) နှစ်မြောက် မွေးနေ့ နှင့် မြန်မာနိုင်ငံအမျိုးသမီးများနေ့  အထိမ်းအမှတ် အခမ်းအနား ကျင်းပပြုလုပ်ခဲ့ကြောင်း သိရှိရပါတယ်။



မဲဘန်းမြို့ ရှိ မြန်မာပြည်သူပြည်သားများသာမက သြစတြလျနိုင်ငံ လွှတ်တော်အမတ်ဖြစ်သူ Hong Lim၊ သြစတြေလျနိုင်ငံ မြန်မာနိုင်ငံဆိုင်ရာ သံအမတ်ဟောင်းများမှ ဒေါ်အောင်ဆန်းစုကြည်အား ချီးကျူးဂုဏ်ပြုသည့် စကားများ ပြောကြားခဲ့သည်အပြင်၊ ဒေါ်အောင်ဆန်းစုကြည် ကျန်းမာရွှင်လန်းချမ်းမြေ့စေရန်အတွက် ဘာသာပေါင်းစုံမှ ဆုတောင်းပွဲ ပြုလုပ်ရာတွင် ဗုဒ္ဓဘာသာ အစ္စလမ်ဘာသာ ခရစ်ယာန်ဘာသာများဖြင့် ဆုတောင်းမှု ပြုလုပ်ခဲ့ကြောင်း သိရှိရပါတယ်။

၎င်းအပြင် မြန်မာနိုင်ငံ အမျိုးသမီးများ၏ လူနေမှုဘ၀အခြေအနေနှင့် နိုင်ငံ့အရေး ကြိုးပမ်းဆောင်ရွက်မှုများအား ပြောဆိုမှုပြုလုပ်ခြင်းနှင့် ဒေါ်အောင်ဆန်းစုကြည်၏ ဘ၀တစ်လျှောက်ဖြတ်သန်းမှုတစ်လျှောက် ပုံရိပ်လွှာများအား ပြသခြင်း၊ ဒေါ်အောင်ဆန်းစုကြည်နှင့် မြန်မာအမျိုးသမီးများအား ဂုဏ်ပြုသည့် တေးသီချင်းများ ဖြော်ဖြေခြင်းတို့  ပြုလုပ်ခဲ့ကြောင်း သိရှိရပါတယ်။ ထို့ အတူ တိုင်းရင်းသားဝတ်စုံ အစုံအညီ ယဉ်ကျေးသိမ်မွေ့ စွာ ၀တ်စားဆင်ယင်ထားသော သမီးပျိုလေးများမှ အကများဖြင့် တင်ဆက်ကပြခဲ့ကြကြောင်းလည်း သိရှိရပါတယ်။



မြန်မာပြည်သူလူထုခေါင်းဆောင် ဒေါ်အောင်ဆန်းစုကြည်၏ (၆၇) နှစ်မြောက် မွေးနေ့  ဆုတောင်းဖြစ်သည့် “Happy Birthday Daw Aung San Suu Kyi” နှင့် ငြိမ်းချမ်းရေးငှက်ပုံရိပ်လွှာပါ နောက်ခံပန်းချီအား ဓါတ်ပုံပညာဖြင့် ဖေါ်ကျူး၍ ဓါတ်ပုံငယ်ပေါင်း (၄၀၀) ကျော် ကူးယူထုတ်ပြီး အခမ်းအနားတက်ရောက်ကြသည့်သူများအား ပုံဖေါ်စေသည့် ထူးခြားဆောင်ရွက်မှုပြလုပ်ခဲ့သည်သာမက၊ ဒေါ်အောင်ဆန်းစုကြည်၏ (၆၇) နှစ်မြောက် မွေးနေ့ ကိတ်ခ်အား တိုင်းရင်းသားဝတ်စုံများ ၀တ်ဆင်ထားကြသည့် သမီးပျိုငယ်များမှ စုပေါင်းခွဲကာ ဒေါ်အောင်ဆန်းစုကြည် ကျန်းမာပါစေဟု တိုင်ပြိုင်ဆုတောင်းခဲ့ကြကြောင်း သိရှိရပါတယ်။



မြန်မာပြည်သူလူထုခေါင်းဆောင် ဒေါ်အောင်ဆန်းစုကြည်၏ ထိုင်းနိုင်ငံတွင် ကျင်းပခဲ့သော World Economic Forum နှင့် ဆွစ်ဇာလန်နိုင်ငံတွင် ကျင်းပခဲ့သော ကမ္ဘာ့အလုပ်သမားအဖွဲ့ ချူပ် (ILO) တွင် ပြောကြားခဲ့သော စကားများအား ပြသခြင်း၊ အခန်းအနားတက်ရောက်လာကြသူ မြန်မာနိုင်ငံသားများ သြစတြေလျနိုင်ငံသားများအား ဒန်ပေါက်ထမင်း မြန်မာဟင်းမျုိးစုံဖြင့် တည်ခင်းဧည့်ခံခြင်း၊ မြန်မာနိုင်ငံ အကျဉ်းထောင်များအတွင်း တိုင်းပြည်နှင့် လူမျိုးအကျိုးအတွက် ကြိုးပမ်းဆောင်ရွက်ရင်း ခံယူချက်ကြောင့် အကျဉ်းကျခံနေရသော နိုင်ငံရေးအကျဉ်းသားများအတွက် ထောက်ပံ့ကူညီခြင်းများ ဆောင်ရွက်ခဲ့ကြကြောင်း သိရှိရပါတယ်။

(သတင်းပေးပို့ လာသော ကိုမျိုး အား ကျေးဇူးတင်ရှိပါသည်)။