“စစ်တပ်ဟာ စစ်တပ်အလုပ်ကိုပဲ လုပ်ရမယ်၊ နိုင်ငံရေးနဲ့ ကင်းကင်းနေရမယ်” လို့  မှန်ကန်စွာ ပြောဆိုခဲ့တဲ့ ဦးကြည်မောင်။

အန်အယ်လ်ဒီ ဒု-ဥက္ကဌဟောင်း ဦးကြည်မောင် (ပြည်သူ့တပ်မတော်သားကြီး ဗိုလ်မှုးကြီးဟောင်း) ကွယ်လွန်ခြင်း (၈) နှစ်ပြည့် အခမ်းအနားအား ဒို့ ရိုးရာ စားသောက်ဆိုင်ခန်းမတွင် ကျင်းပပြုလုပ်ခဲ့။

ဦးကြည်မောင်ဟာ အနောက်တောင်တိုင်းစစ်ဌာနချုပ် တိုင်းမှူးဖြစ်ခဲ့ပြီး ၁၉၆၂ ခုနှစ်မှာ နိုင်ငံတော်အာဏာကို သိမ်းယူခဲ့တဲ့အာဏာရူးကြီး ဗိုလ်ချူပ်နေ၀င်းရဲ့ တော်လှန်ရေးကောင်စီအဖွဲ့ဝင်တဦး ဖြစ်ခဲ့ပေမယ့် အဲ့ဒီအချိန်ကတည်း ဗိုလ်မှူးကြီး ကြ
ည်မောင်ဟာ စစ်အာဏာသိမ်းတာကို ပြင်းပြင်းထန်ထန်ဆန့်ကျင်ခဲ့တဲ့ တဦးတည်းသော တော်လှန်ရေးကောင်စီဝင် ဖြစ်ခဲ့တယ်။

၁၉၆၂ ခုနှစ် စစ်တပ်ကအာဏာသိမ်းပြီးနောက်ပိုင်း ဗိုလ်မှူးကြီးကြည်မောင်ဟာ အာဏာရှင်ကြီး ဗိုလ်ချူပ်နေ၀င်းဦးစီးတဲ့ လူထုအစည်းအဝေး ပွဲတွေကို တက်ရောက်ဖို့ ငြင်းဆန်ခဲ့တယ်။ နောက်တနှစ်အကြာ အနောက်တောင်တိုင်း စစ်ဌာနချုပ် တိုင်းမှူးဘ၀ကနေ အာဏာရူးကြီးေ ဗိုလ်ချူပ်နေ၀င်းက ကို ဗိုလ်မှူးကြီးကြည်မောင်ကို အငြိမ်းစားပေးခဲ့ပါတယ်။

ဦးကြည်မောင်ဟာ နိုင်ငံရေးယုံကြည်ချက်အတွက် စုစုပေါင်း (၁၁) နှစ်ကြာ၊ ထောင် (၄) ကြိမ်ကျခဲ့သူ ဖြစ်ပါတယ်။

ဦးကြည်မောင်ဟာ ရန်ကုန်တက္ကသိုလ် ကျောင်းသားတယောက်အဖြစ်နဲ့ နိုင်ငံရေးလှုပ်ရှားမှုထဲ စတင်ဝင်ရောက်ခဲ့တယ်။ ၁၉၃၈ ခုနှစ် ဒီဇင်ဘာလ ၂၀ ရက်နေ့ ဗြိတိသျှအစိုးရကိုဆန့်ကျင်တဲ့ တတိယအကြိမ် ရန်ကုန်တက္ကသိုလ် ကျောင်းသား သပိတ်မှာ ပါဝင်ခဲ့သူ ဖြစ်ပါတယ်။ ဆန္ဒပြပွဲရဲ့တပ်ဦးမှာ ကျောင်းသားသမဂ္ဂအလံကို ကိုင်စွဲလွှင့်ထူထားစဉ် ဗြိတိသျှစစ်ပုလိပ်တွေရဲ့ ရိုက်ချက်ကြောင့် ဦးခေါင်းမှာဒဏ်ရာရသွားပေမယ့် သူရဲ့ အလံမလှဲတတ်တဲ့ စိတ်ဓာတ်ကို ကြံ့ ကြံ့ ခိုင် ဆုပ်ကိုင်ခဲ့သူ ဖြစ်ပါတယ်။

၁၉၈၈ ခုနှစ် ပြည်သူ့ အရေးတော်ပုံကြီးဖြစ်တဲ့ ဒီမိုကရေစီလှုပ်ရှားမှုထဲ ပါဝင်လာပြီး အမျိုးသားဒီမိုကရေစီအဖွဲ့ချုပ်ကို တည်ထောင်တဲ့ ခေါင်းဆောင်တစ်ဦးထဲက ထိပ်တန်းခေါင်းဆောင်တစ်ဦး ဖြစ်ခဲ့ပါတယ်။ ၁၉၈၉ ခုနှစ် ဇူလိုင်လမှာ ဦးတင်ဦးနဲ့ ဒေါ်အောင်ဆန်းစုကြည်တို့ အဖမ်းခံရပြီးနောက် ဦးကြည်မောင်ဟာ ၁၉၉၀ ခုနှစ် အထွေထွေရွေးကောက်ပွဲမှာ မဲအပြတ်အသတ်နဲ့ အနိုင်ရအောင် အမျိုးသားဒီမိုကရေစီအဖွဲ့ချုပ်ကို ဦးဆောင်မှုပေးခဲ့ပါတယ်။

ဒီနောက်မှာ တပ်မတော်စစ်ထောက်လှမ်းရေးမှူးချုပ် ဒုတိယ ဗိုလ်ချုပ်ကြီး ခင်ညွန့်ကနေ ဦးကြည်မောင်ကို ဖမ်းဆီးထောင်ချခဲ့တယ်။

အန်အယ်လ်ဒီ ဒု-ဥက္ကဌဟောင်း ဦးကြည်မောင် (ပြည်သူ့တပ်မတော်သားကြီး ဗိုလ်မှုးကြီးဟောင်း) ဟာ ၂၀၀၄ ခုနှစ် ဩဂုတ်လ (၁၉) ရက်နေ့အချိန်မှာ ၄င်းနေထိုင်ရာ နေအိမ်၌ ကွယ်လွန်ခဲ့ပါတယ်။

“စစ်တပ်ဟာ စစ်တပ်အလုပ်ကိုပဲ လုပ်ရမယ်၊ နိုင်ငံရေးနဲ့ ကင်းကင်းနေရမယ်” ဆိုတဲ့ မှန်ကန်တဲ့စကားကို ဦးကြည်မောင်က ခိုင်မြဲသော ယုံကြည်ချက်နဲ့  ခိုင်ခိုင်မာမာ ပြောဆိုခဲ့ပါတယ်။