.JPG)
နိုင်ငံလုံးဆိုင်ရာ ရွှေဝါရောင်တော်လှန်ရေးနေ့ (၅)နှစ်မြောက် နှစ်ပတ်လည် ကျင်းပရေး ဆွေးနွေးပွဲ (ရန်ကုန်) တွင် ယနေ့ ပြုလုပ်။
နိုင်ငံလုံးဆိုင်ရာ ရွှေဝါရောင်တော်လှန်ရေးနေ့ (၅)နှစ်မြောက် နှစ်ပတ်လည် ကျင်းပရေး ဆွေးနွေးပွဲ (ရန်ကုန်) တွင် ယနေ့ ပြုလုပ်။
နိုင်ငံလုံးဆိုင်ရာ ရွှေဝါရောင်တော်လှန်ရေးနေ့ (၅) နှစ်မြောက် နှစ်ပတ်လည် ကျင်းပရေး ဆွေးနွေးပွဲအခမ်းအနားကို စက်တင်ဘာ (၁၅) ရက်နေ့ နေ့လည် ၁း၀၀ ကနေ ၄း၀၀ ထိ ရန်ကုန်မြို့၊ တောင်ဥက္ကလာပမြို့နယ်၊ ငွေကြာရံ ပရိယတ္တိစာသင်တိုက်အတွင်း အောင်မြင်စွာပြုလုပ်နိုင်ခဲ့ပါတယ်။
အဆိုပါ ဆွေးနွေးပွဲသို့ ၂၀၀၇ ခုနှစ် စက်တင်ဘာ ရွှေဝါရောင်တော်လှန်ရေးကာလတွင် ဦးဆောင်ပါဝင်ခဲ့သောကြောင့် အကျဉ်းထောင်အသီးသီးသို့ ကျခဲ့ဘူးသော ဆရာတော် ဦးဇာနေယျ (ငွေကြာရံ)၊ ဆရာတော် ဦးသဒ္ဒမ္မ (မောင်းတီး) စသော စက်တင်ဘာဆရာတော်များ၊ ၈၈ ကျောင်းသားခေါင်ဆောင် ကိုမင်းဇေယျ စသောကျောင်းသားခေါင်ဆောင်များ၊ နိုင်ကျဉ်းမှ ကျောင်းသားဟောင်းများ၊ ဗကသကျောင်းသားလူငယ်များ၊ GW ကျောင်းသားလူငယ်များ၊ အခြားသောအဖွဲ့အစည်းများဖြင့် နိုင်ငံရေးကို စိတ်ပါဝင်စားကြသော လူငယ်များ တက်ရောက်ခဲ့ကြပါတယ်။
ဆွေးနွေးရခြင်း၏ ရည်ရွယ်ချက်အကြောင်းအရာကတော့ နိုင်ငံလုံးဆိုင်ရာ ရွှေဝါရောင်တော်လှန်ရေးနေ့ (၅) နှစ်မြောက်နှစ်ပတ်လည်ပွဲဖြစ်မြောက်ရေးအတွက် ကျင်းပရေးကော်မတီများ ဖွဲ့စည်းခြင်း၊ နေရာသက်မှတ်ခြင်း စသောပုံစံများကို အတည်ပြုရေးဆွဲ၍၊ အဓိကနိုင်ငံရေးဦးတည်ချက်တွေကတော့ ယခုလက်ရှိ အကျဉ်းထောင်တွေထဲမှာ ကျန်ရှိနေသေးသော ရဟန်းသံဃာတော်များအပါဝင် နိုင်ငံရေးအကျဉ်းသားများအားလုံး အမြန်ဆုံး ပြန်လွတ်လာဖို့နဲ့ အမျိုးသားပြန်လည်သင့်မြတ်ရေး၊ ပြည်တွင်းငြိမ်းချမ်းရေး၊ ဒီမိုကရေစီအရေးတွေကို ကျွန်တော်တို့ နိုင်ငံရေးဦးတည်ချက်တွေအဖြစ် ချမှတ်ပြီးတော့ နိုင်ငံလုံးဆိုင်ရာ ရွှေဝါရောင်တော်လှန်ရေးနေ့ (၅) နှစ်မြောက် နှစ်ပတ်လည်ပွဲကို ခမ်းခမ်းနားနား အောင်အောင်မြင်မြင် ပြုလုပ်နိုင်ဖို့ ဖြစ်ပါတယ်ဟု သတင်းနှင့်ပြန်ကြားရေးကို အဓိကတာဝန်ယူထားသော ကိုတိုးကျော်လှိုင်မှ ပြောကြားခဲ့ပါတယ်။
ယင်းအဆိုပါ နိုင်ငံလုံးဆိုင်ရာ ရွှေဝါရောင်တော်လှန်ရေးနေ့ (၅) နှစ်မြောက် နှစ်ပတ်လည်ပွဲကို စက်တင်ဘာ (၁၈) ရက်နေ့ မွန်းလွဲ ၁၂း၀၀ တိတိ၊ ဒဂုံအရှေ့ပိုင်းမြို့နယ်၊ ဖျာပုံလမ်း၊ (၇) ရပ်ကွက်၊ ဇေယျသိဒ္ဒိ တက္ကသီလာသတိပဋ္ဌာန်ကျောင်းမှာ ပြုလုပ်ကျင်းပသွားမည်ဖြစ်ကြောင်း သိရပါတယ်။
(သတင်း/ဓါတ်ပုံ - လင်းဆက်)။
No comments:
Post a Comment