.JPG)
ကချင်စစ်ဘေးဒုက္ခသည်များအတွက် ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် (ဗကသ) မှ အလှူငွေကောက်ခံ။
ကချင်စစ်ဘေးဒုက္ခသည်များအတွက် ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် (ဗကသ) မှ အလှူငွေကောက်ခံ။
တစ်နှစ်ကျော်ကြာမြင့်နေပြီဖြစ်သော ကချင်ပြည်နယ်အတွင်းရှိ ပြည်တွင်းစစ်ဒါဏ်ကြောင့် တိမ်းရှောင်ထွက်ပြေးနေရသော ကချင်တိုင်းရင်းသားစစ်ဘေးဒုက္ခသည်များအတွက် ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ်မှ ကျောင်းသား/သူများက ရန်ကုန်မြို့ရှိမြို့နယ်တချို့တွင် အလှူငွေများ လိုက်လံကောက်ခံနေကြပါသည်။
ဇန်န၀ါရီင်္လ (၁၇) ရက် ကြာသပတေးနေ့တွင် အလှူငွေကောက်ခံခြင်း ပထမနေ့အဖြစ် လှည်းတန်းလမ်းဆုံနှင့် ကမာ၇ွတ်မြို့နယ်တွင် လှည့်လည်အလှူခံခဲ့ကြရာ အ၀တ်အစားများ၊ အသုံးအဆောင်ပစ္စည်းများ အထုပ် (၂၀) ရရှိပြီး ငွေသားအလှူငွေ (၃၁၁၈၀၀) သုံးသိန်းတစ်သောင်းတစ်ထောင့်ရှစ်ရာကျပ် ရရှိခဲ့ပါသည်။
ဇန်န၀ါရီလ (၁၈) ရက် သောကြာနေ့တွင် ဒုတိယနေ့အဖြစ် စမ်းချောင်းမြို့နယ်အတွင်း လိုက်လံအလှူခံခဲ့ရာ အ၀တ်အစား၊စောင်နှင့် အသုံးအစောင်ပစ္စည်းများ အထုပ်ပေါင်း (၂၅) ထုပ်ရရှိပြီး ငွေသားသီးသန့်အလှူငွေအဖြစ် (၄၅၂၀၀၀) လေးသိန်းငါးသောင်းနှစ်ထောင်ကျပ် ရရှိခဲ့ပါသည်။
ဗကသများအဖွဲ့ချုပ်အနေဖြင့် ကချင်စစ်ဘေးသင့်ပြည်သူများအတွက် အလှူငွေဆယ်သိန်းရရှိသည်အထိ ဆက်လက်အလှူခံသွားမည်ဖြစ်ပြီး လာမည့်လကုန်ပိုင်းတွင် ကချင်ပြည်နယ်အတွင်းရှိ ဒုက္ခသည်စခန်းများသို့ ဗကသများအဖွဲ့ချုပ် မှ ကျောင်းသားကိုယ်စားလှယ်ငါးဦးသည် မိမိတို့စားစရိတ်နှင့် မိမိတို့ကိုယ်တိုင်ကိုယ်ကျ သွားရောက်လှူဒါန်းကြမည်ဖြစ်ပါသည်။
ယမန်နေ့တွင် ဗကသများအဖွဲ့ချုပ်မှ ကျောင်းသား/သူများသည် စမ်းချောင်းမြို့နယ်တွင် အလှူငွေကောက်ခံခြင်းအပြင် ပြည်တွင်းစစ်ရပ်စဲရေး Performance တစ်ခုကို "ပြေးနေရတာ တစ်နှစ်ကျော်ပြီ" ဟူသော စာသားဖြင့် သရုပ်ဖော်တင်ဆက်ခဲ့ကြပါသည်။
(သတင်း/ဓါတ်ပုံ - လွင်ပြင်)။
No comments:
Post a Comment