ငြိမ်းချမ်းရေးလှုံ့ဆော်မှုအဖြစ် (၁၃) မိုင်ကျော်ခရီးကို စက်ဘီးများ စီးနင်း၍ ပြည်တွင်းငြိမ်းချမ်းရေးလှုံ့ ဆော်မှုတစ်ရပ် ပြုလုပ်ခဲ့။

ငြိမ်းချမ်းရေးလှုံ့ဆော်မှုအဖြစ် (၁၃) မိုင်ကျော်ခရီးကို စက်ဘီးများ စီးနင်း၍ ပြည်တွင်းငြိမ်းချမ်းရေးလှုံ့ ဆော်မှုတစ်ရပ် ပြုလုပ်ခဲ့။

ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ်၊ ရန်ကုန်တောင်ပိုင်းခရိုင်ကျောင်းသားများသမဂ္ဂမှ ဗကသကျောင်းသား/သူများသည် ပြည်တွင်းငြိမ်းချမ်းရေးဖော်ဆောင်နိုင်ရန် လှုံ့ဆော်မှုတစ်ရပ်အဖြစ် နော်ဝေးအခြေစိုက် Peace for Bike အဖွဲ့နှင့် ပူးပေါင်း၍ ယနေ့နံနက်ပိုင်းတွင် ရန်ကုန်သန်လျင်အမှတ် (၂) တံတားမှစ၍ ကျောက်တန်းမြို့ ရေလယ်ဘုရားရှေ့အထိ (၁၃) မိုင်ကျော်ခရီးကို စက်ဘီးများ စီးနင်း၍ ပြည်တွင်းငြိမ်းချမ်းရေးလှုံ့ ဆော်မှုတစ်ရပ် ပြုလုပ်ခဲ့သည်။

၎င်းငြိမ်းချမ်းရေးလှုပ်ရှားမှုစက်ဘီးစီးပွဲသို့ Peace for Bike အဖွဲ့နှင့်အတူ ဗကသများအဖွဲ့ချုပ်ကျောင်းသား/သူများ၊ နိုင်ငံရေးအကျဉ်းသားဟောင်းများအဖွဲ့၊ NLD အဖွဲ့ဝင်များ စုစုပေါင်း အင်အား (၅၀) ကျော်ခန့် ပူးပေါင်းပါဝင်ခဲ့ကြပါသည်။



Peace for Bike အဖွဲ့သည် မငြိမ်းချမ်းသေးသော ကမ္ဘာ့နိုင်ငံအသီးသီးသို့ စက်ဘီးလှည့်လည်စီးနင်း၍ ငြိမ်းချမ်းရေးရရှိရန် လှုံ့ဆော်နေသောအဖွဲ့ ဖြစ်သည်။ ဗကသများ အဖွဲ့ချုပ်သို့ ဆက်သွယ်အကြောင်းကြားလာသည့်အတွက် ဗကသများအဖွဲ့ချုပ်မှ ကျောင်းသား/သူများအနေဖြင့် ကျွန်ုပ်တို့နိုင်ငံအတွင်းရှိ တိုင်းရင်းသားအဖွဲ့အစည်းများနှင့် အစိုးရအကြား အမြန်ဆုံး ငြိမ်းချမ်းရေးဖော်ဆောင်ရန်၊ ပြည်တွင်းငြိမ်းချမ်းရေးအရေးကြီးပုံကို ပြည်သူများ သိရှိနားလည်လာစေရန်၊ စစ်မီးတောက်နေသော တိုင်းရင်းသားဒေသများ၏ အခြေအနေကို ပြည်သူများသတိပြု စိတ်ဝင်စားလာစေရန် စသည့်ရည်ရွယ်ချက်များဖြင့် ပူးပေါင်းပါဝင်ခဲ့ကြခြင်း ဖြစ်ပါသည်။

ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ်။

(သတင်း/ဓါတ်ပုံ = လွင်ပြင်)။