ပြည်သူ့ အကျိုးပြု သတင်းစာတွေ ဖြစ်ဖို့  လိုပါတယ်။

ပြည်သူ့ အကျိုးပြု သတင်းစာတွေ ဖြစ်ဖို့  လိုပါတယ်။

ဧပြီ ၁ ရက်နေ့ ၊နေ့လည် ပိုင်းတွင် တောင်ကြီးမြို့သို့ ပုဂ္ဂလိက သတင်းစာများဖြစ်ကြသည့် ရွှေနိုင်ငံသစ် နေ့စဉ်သတင်းစာ နှင့် The Voice နေ့စဉ် သတင်းစာ တို့ရောက်ရှိလာပြီး ဈေးကွက်အတွင်း စတင်ဖြန့်ချီနေပြီဖြစ်ကြောင်း Student Choice စာပေမှ ကိုမျိုး က ပြောဆိုပါသည်။

နေ့လည် ၂း၃၀ မိနစ်က ယခုသတင်းစာနှစ်စောင် လေယာဉ်ထုတ်ဖြင့် ရောက်ရှိလာကြောင်း တစ်စောင်လျင် ကျပ် ၂၀၀ဖြင့် ရောင်းချလျက်ရှိ်နေကြောင်း၊ လူအများစိတ်ဝင်စားမှု သိပ်မရှိသေးကြောင်း၊ လပေး ဖတ်ရှုလျင် တစ်လ ကျပ် ၄၀၀၀ ဖြင့် လက်ခံပေးနေကြောင်း၊ မိမိတို့ နယ်သတင်းများပါဝင်မှု မရှိပဲ ရန်ကုန်၊ မန္တလေး အစရှိသည့်မြို့ကြီးများ ရှိသတင်းများသာ ဇောင်းပေးဖော်ပြထားသဖြင့်နောက်ပိုင်းတွင် သတင်းစာဖတ် ပရိတ်သတ်များ အနေဖြင့် စိတ်ဝင်စားမှုလျော့နည်းလာနိုင်ကြောင်း၊ ယင်းကထပ်မံပြောကြားပါသည်။

စာပေဖြန့်ချီရေးပိုင်ရှင်တစ်ဦးကပြောကြားရာတွင် မိမိတို့ အနေဖြင့် လေယာဉ်ထုတ်ဖြင့်တင်လျင် ငွေပိုကုန်ကြောင်း သည့်အတွက် ရန်ကုန် ယနေ့ထွက်လျင် နယ်ဒေသသို့မနက်ဖြန်ရောက်သာ ဖြန့်ချီသွားမည်ဖြစ်ကြောင်း ပြောကြားသည်။

The Voiceသတင်းစာဖတ်နေသူတစ်ဦးကပြောကြားရာတွင် အရင်ခေတ် သတင်းစာတွေလို ဆောင်းပါးများ၊ အခန်းဆက် ၀ထ္တုအသစ်များ ထည့်နိုင်လျင်ပိုကောင်းမည်ဖြစ်ကြောင်း ၊မိမိတို့ နယ်ဒေသ သတင်းများအားလည်း ပဋိပက္ခဖြစ်မှ မျက်နာဖုံးတင်ဖော်ပြသည်ထက် နယ်သတင်းများပါ ထည့်နိုင်လျင် ပိုကောင်းမည်ဖြစ်ကြောင်း၊ အစိုးရ သတင်းစာတွင်ပင် နယ်သတင်းများ ဖော်ပြထားကြောင်း၊ ခေတ် နှင့်လျော်ညီသည့် စာရေးဆရာ ဦးကျော်ဝင်း ၏ ဆောင်းပါးများလို ဆောင်းပါးတွေ များများ ပါစေချင်ကြောင်း ပြောကြားခဲ့ပါသည်။

တောင်ကြီးတွင် ဂျာနယ်လက်ပွေ့ရောင်းသက်တမ်း (၅) နှစ်ရှိ မောင်အောင်စိုး ကပြောရာတွင် နေ့စဉ်သတင်းစာများ ထွက်ရှိလာတော့ လူတွေအနေဖြင့် နေ့စဉ်ဝယ်ရန်ခက်ခဲနိုင်မည်ဟု ထင်မြင်ကြောင်း၊ နောက်ပိုင်းနေ့စဉ် သတင်းစာမားအပြိုင်ဖြစ်လာလျင် ရောင်းအားများလျင် ၀ယ်လိုအားလျော့နည်းလာနိုင်ပါကြောင်း၊ သုံးသပ်ပြောဆိုသည်။

နေ့စဉ်ထုတ် သတင်းစာများထွက်ရှိလာသော်လည်း မြန်မာ့အလင်း၊ကြေးမုံ၊ မြ၀တီ အစရှိသည့် သတင်းစာများ စာဖတ်ပရိသတ်ထံသို့ပုံမှန်ပို့နေရကြောင်း သတင်းစာပို့သူ ကိုလင်းထိန်က ပြောပါသည်။

(သတင်း/ဓါတ်ပုံ - ဂျွန်ချစ်ငြိမ်း - တောင်ကြီး)။