အင်းတိုင်းရင်းသားတောင်သူများ ကလောမြို့နယ်တရားရုံးသို့ လမ်းလျှောက်။

ဟော်တယ်ဇုံစီမံကိန်းဒေသမှ အင်းတိုင်းရင်းသားတောင်သူများ ကလောမြို့နယ်တရားရုံးသို့ လမ်းလျှောက်။

ယနေ့နံနက် ၈နာရီ ခန့် တွင် အင်းလေးဟော်တယ်ဇုံဒေသမှ ပုဒ်မ ၁၈၈ ပုဒ်မ ၃၅၃ တို့ဖြင့် တရားစွဲဆိုခံရသော တောင်သူ ၇ဦး နှင့် ကန်ဘဲ့ကျေးရွာ အင်ကြင်းကုန်းကျေးရွာမှ တောင်သူ ၅၀ ဦးခန့်သည် ကလောမြို့နယ်တရားရုံးသို့ ခြေလျင်လမ်းလျှောက်လာကြကြောင်းသိရှိရပါသည်။

ကလောမြို့နယ်တရားရုံးသို့ သွားရောက်ရန် ကားတစ်စီး စီစဉ်ပေးသော်လည်း ကျောက်တင်သည့်ကားဖြစ်နေသည့်အပြင် လိုက်ပါမည့် လူဦးရေနှင့် မလောက်ငသည့်အတွက် လမ်းလျှေက်ခြင်းဖြစ်ကြောင်း သိရှိရပါသည်။

မိုင်းသောက်ကျေးရွာအနီးတွင် ညောင်ရွှေခရီးသည်တင် လိုင်းကား နှစ်စီးစီစဉ်ပေးသဖြင့် ကားဖြင့် လိုက်ပါပြီး၊ ညောင်ရွှေ မြို့နယ်ရဲတပ်ဖွဲ့မူး ဦးကြီးမြင့် နှင့် တွေ့ဆုံပြီး အချက် သုံးချက် တင်ပြခဲ့ ကြောင်း (၁) ရှမ်းပြည်နယ်အစိုးရနှင့် တွေ့ဆုံဆွေးနွေးခွင့်ပြုရန် (၂) တရားစွဲဆိုထားသောအမူ့ များအား ရုပ်သိမ်းပေးရန် (၃) ကလောမြို့နယ်တရားရုံးမှ ညောင်ရွှေမြို့နယ်တရားရုံးသို့ ပြောင်းရွှေ့ပေးရန် တို့ တင်ပြဆွှေးနွေးခဲ့ကြောင်း ကိုသားကြီးမှ ပြောဆိုခဲ့ပါသည်။

ဒီအဖြစ်အပျက်မှာ ညောင်ရွှေမြို့နယ် အုပ်ချုပ်ရေးမူးဦးစိုးဝင်းနိင်မှ ညောင်ရွှေမြို့နယ်တရားရုံးတွင် ပုဒ်မ ၁၈၈ ပုဒ်မ ၃၅၃တို့ဖြင့် အင်းတိုင်းရင်းသားတွေကို မတရား တရားစွဲဆိုခဲ့ခြင်းဖြစ်ပြီး၊ တောင်ကြီးခရိုင်တရားရုံးသို့ ပြောင်းရွှေ့စစ်ဆေးခဲ့ခြင်းဖြစ်ကြောင်း၊ လုံခြုံရေးအားအကြောင်းပြုပြီး ကလောမြို့နယ်တရားရုံးသို့ ထပ်မံပြောင်း ရွှေ့ခဲ့ကြောင်း သိရှိရပါသည်။

အင်းတိုင်းရင်းသားတွေအပေါ် မတရားအနိုင်ကျင့်မှုရဲ့  နောက်ခံသမိုင်းကြောင်းကို ဖေါ်ပြရမည်ဆိုလျှင် - ညောင်ရွှေမြို့နယ်အတွင်းတည်ရှိ သတ်မှတ်ထားသည့် အင်းဟိုတယ်ဇုန်စီမံကိန်းနေရာတွင် ကျရောက်နေသော ကံပဲ့ နှင့် အင်ကြင်းကုန်းရွာသားများက စုပေါင်းပြီး ဘူဒိုဇာဖြင့်ထိုးနေသည့် ဖြူစင်ကုမ္ပဏီအား အင်းတိုင်းရင်းသားတောင်သူတွေက မိမိတို့ စိုက်ပျိုးမြေများအား ဘူဒိုဇာဖြင့် ဖျက်ဆီးခြင်း မပြုရန် စတင်ကန့်ကွက်ခဲ့တာ ဖြစ်ပါတယ်။

မိမိတို့ ဘိုးစဉ်ဘောင်ဆက် လုပ်ကိုင်စားသောက်လာသောမြေများ ဖြစ်ကြောင်း၊ ဟိုတယ်ဇုန်စီမံကိန်းကြောင့် ရရှိလာမည့် လမ်း ကောင်းမည်ဆိုနေခြင်း၊ အလုပ်အကိုင် ပေါ်လာမည်ဆိုနေခြင်းအား လက်မခံနိုင်ကြောင်း၊ သစ်တောမြေဟုဆိုနေသော်လည်း သစ်တောပိုင်မြေအဖြစ် စတင် သတ်မှတ်ခဲ့သည်မှာ ၂၀၀၁ ခုနှစ်ကမှ ဖြစ်ကြောင်း၊ ယင်းအရင် ရှေးနှစ်ပေါင်း ၅၀ကျော်၊ ၁၀၀ကျော်ခန့်ကတည်းက မိမိတို့ လုပ်ကိုင်စားသောက်နေသောမြေများ ဖြစ်ကြောင်း အင်ကြင်းကုန်းရွာသားများနှင့် ကံပဲ့ရွာသားများက ဆိုပါတယ်။ မိမိတို့လယ်ယာမြေများအတွက် သီးနှံလျော်ကြေး သုံးနှစ်စာပေးသည်ကိုလည်း မလိုချင်ကြောင်း ၊ လက်မခံနိုင်ကြောင်း ယင်းရွာသားများက ဆိုပါတယ်။

သို့သော်လည်း ဟိုတယ်ဇုန်တွင် ပါဝင်သော သီးနှံလျော်ကြေး မထုတ်ယူရသေးသည့် ရွာသား တောင်သူ (၁၀) ဦးအား သလဲဦးကျေးရွာအုပ်ချုပ်ရေးမှူးက ဖေဖော်ဝါရီ (၅) ရက်နေ့ရက်စွဲဖြင့် သီးနှံလျော်ကြေးများ လာရောက်ထုတ်ယူရန် အမိန့်စာ ထုတ်ပြန်ခဲ့ကြောင်း၊ သီးနှံလျော်ကြေးအား ဖေဖော်ဝါရီ ၂၀ ရက်နေ့ နောက်ဆုံးထား ထုတ်ယူရန် အမိန့်ပေးထားကြောင်း၊ မိမိတို့ အနေဖြင့် လက်မခံနိုင်ကြောင်း ထုတ်ယူရန်လည်း စိတ်မကူးကြောင်း၊ မိမိတို့ ထုတ်ယူလိုက်လျင် လုပ်ကိုင်စားသောက်စရာ မြေမရှိတော့ကြောင်း အင်ကြင်းကုန်းရွာသားက ပြောဆိုရှင်းပြခဲ့ပါတယ်။

အင်းတိုင်းရင်းသားတောင်သူတွေက ဆက်လက်ကန့် ကွက်တာတွေလုပ်နေမှုကြောင့် အင်းတိုင်းရင်းသားတွေထဲက ရွာသား (၇) ဦးအား သလဲဦးကျေးရွာအုပ်ချုပ်ရေးမှုး ဦးညိုတင် ထံအမည်များမေးမြန်းကာ ထိုရွာသားများအား ပုဒ်မ ၁၈၈ ဖြင့် တရားစွဲဆိုခဲ့ခြင်းဖြစ်ကြောင်း သိရှိရပါတယ်။

(သတင်း/ဓာတ်ပုံ - ကိုမိုး - မျိုးဆက်သစ်)။