Monday, December 9, 2013

“စိတ်ကို အနားပေးခြင်း”

“စိတ်ကို အနားပေးခြင်း”

နိုင်ငံရေးယုံကြည်ချက်ကြောင့် အဆက်မပြတ် မတရားညှဉ်းပန်းမှုတွေကို ရင်ဆိုင်နေကြရတဲ့သူတွေ ဟာ နိုင်ငံရေးအသိအမြင်အားဖြင့် အဆင့်မြင့်မြင့် နိုးကြား လာပါတယ်။ ကျွန်မတို့တစ်တွေရဲ့ဘ၀ဟာ မနက်အိပ်ရာ ကနိုးလို့ ဘယ်သူတွေများ ညတုန်းကအဖမ်းခံရလဲ၊ ဒီနေ့မှာလည်း ငါတို့အဖွဲ့ဝင်တွေအပေါ် နောက်ထပ် ဘယ်လိုများ ပြောင်ပြောင်တင်းတင်း မတရားတဲ့ အပြုအမူတွေကို ကျူးလွန်နိုင်သလဲလို့ တွေးစရာတောစရာ မလိုတဲ့သူတွေရဲ့ဘ၀နဲ့ ပုံစံခြားနားလှပါတယ်။ ကျွန်မတို့တစ်တွေရဲ့ မျက်စိတွေ၊ နားတွေဟာ နေ့စဉ်ဘ၀ အတွေ့အကြုံအားဖြင့် နိုင်ငံရေးလှုပ်ရှားမှုနဲ့ ဝေးကွာကြတဲ့သူတွေ သတိမပြုမိသလောက်ရှိတဲ့ အာရုံတွေကို အင်မတန်မှ မြင်တတ်ကြားတတ်ပါတယ်။

ဒါပေမဲ့ ကျွန်မတို့ရဲ့ဘ၀တစ်ခုလုံးဟာ နိုင်ငံရေးထဲမှာပဲ မဟုတ်ပါဘူး။ ကျွန်မတို့မှာလည်း ကိုယ်ရေးကိုယ်တာ ကိစ္စတွေ ရှိပါတယ်။ အတွေးအခေါ်ပိုင်းဆိုင်ရာနဲ့ ယဉ်ကျေးမှုပိုင်းဆိုင်ရာ စိတ်ဝင်စားမှုတွေရှိပါတယ်။ ဘာသာရေးဆိုင်ရာ မျှော်မှန်းချက်တွေလည်း ရှိပါတယ်။ လက်နက်နဲ့ အနိုင်ကျင့်ဖိနှိပ်မှုတွေကို ဆန့်ကျင်တွန်းလှန် တဲ့နေရာမှာ စွဲမြဲတဲ့ယုံကြည်ချက်နဲ့ ခိုင်မာတဲ့ စိတ်ဓာတ်ကို အဓိကလက်နက်အဖြစ်နဲ့ သုံးရတဲ့တိုက်ပွဲမှာ ဘာသာရေး အပိုင်းဟာ အထူးအရေးပါတဲ့အခန်းက ပါဝင်လာပါတယ်။

မြန်မာပြည်သူအများစုဟာ ဗုဒ္ဓဘာသာဝင်တွေဖြစ် ကြပြီး ဘာသာရေးဆိုင်ရာပွဲတော်တွေ၊ အခမ်းအနားတွေ မှာ ကျွန်မတို့တစ်တွေ စုဝေးတွေ့ဆုံကြ၊ စိတ်ဓာတ်ခွန်အားနဲ့ ခင်မင်ရင်းနှီးမှုတွေကို အားသစ်လောင်းကြတာ အစဉ် အလာဖြစ်ပါတယ်။ မြန်မာပြည်တွင်းမှာရှိတဲ့ တခြားအဖွဲ့ အစည်းမြောက်မြားစွာလိုပဲ NLD ဟာ အဓိကကျတဲ့ ဘာသာရေးဆိုင်ရာပွဲတော်တွေကို ကျင်းပဖို့ကြိုးပမ်းပါတယ်။ ဒါပေမဲ့လည်း အမြဲတမ်း လွယ်လွယ်ကူကူနဲ့ ဖြစ်တာ မဟုတ်ပါဘူး။ အာဏာပိုင်တွေက ကျွန်မတို့ဟာ ဘာသာရေးကိုအကြောင်းပြပြီး နိုင်ငံရေးအကျိုးအမြတ် ရအောင်လုပ်တယ်လို့ စွပ်စွဲပါတယ်။ အဲဒီလိုစွပ်စွဲတာဟာ သူတို့ကိုယ်တိုင် ဒီလိုလုပ်လို့ ဖြစ်ကောင်းဖြစ်နိုင်ပါတယ်။ ဒါမှမဟုတ် လူမှုအသိုင်းအ၀ိုင်းမှာနေတဲ့ လူသတ္တ၀ါရဲ့ သဘာဝဟာ အသွင်လက္ခဏာမျိုးစုံရှိတယ်ဆိုတာကို သူတို့ အသိအမှတ်မပြုနိုင်လို့ ဖြစ်ကောင်းဖြစ်ပါလိမ့်မယ်။

ကျွန်မတို့ရဲ့ လွတ်လပ်စွာ ယုံကြည်ကိုးကွယ်ပိုင်ခွင့် အခွင့်အရေးဟာ ကျွန်မတို့ပါတီရဲ့လှုပ်ရှားမှုတွေကို ချုပ်ချယ်ကန့်သတ်ချင်တဲ့ အာဏာပိုင်တွေရဲ့ စိတ်ဆန္ဒကြောင့် ခြိမ်းခြောက်ထိပါးလာတာတွေကို ခံနေရပါတယ်။ ဒီအချက်ကို ၁၉၉၆ ခုနှစ် စက်တင်ဘာလ ၂၉ ရက်နေ့မှာ သာသနာရေးဝန်ကြီးဌာန ၀န်ကြီး က နိုင်ငံတော်သံဃာ့မဟာနာယကအဖွဲ့ဝင်ဆရာတော်တွေကို ပန်ကြားလျှောက်ထားချက်က ထင်ရှားစွာဖော်ပြနေပါတယ်။

အဲဒီလျှောက်ထားချက်ထဲမှာ NLD ဟာ သူ့ရဲ့ အဖွဲ့ဝင်တွေကို သံဃာ့အဖွဲ့အစည်းအဆင့်ဆင့် အတွင်းသို့စေလွှတ်ပြီး အစိုးရနဲ့ သံဃာတော်တွေကြား အထင်အမြင်လွဲမှားမှုတွေဖြစ်အောင် ထိုးဖောက် လုပ်ဆောင်နေတယ်။ NLD ဟာ သူ့ရဲ့ အဖွဲ့ဝင်တွေကို သာသနာ့ဘောင်အတွင်းဝင်ခိုင်းပြီး သူတို့ရဲ့ပါတီအကျိုးကို တိုးတက်အောင်လုပ်ဖို့၊ အဖျက်လုပ်ငန်းတွေကို လုပ်ဆောင် ဖို့ ညွှန်ကြားနေတယ်လို့ စွပ်စွဲပါတယ်။ (အဲဒါ နည်းနည်း နားလည်ဖို့ရာ ခက်တဲ့စကားပါ။ အဖျက်လုပ်ငန်းတွေက NLD ရဲ့ အကျိုးတိုးတက်အောင် ဘယ်လိုလုပ်နိုင်မယ်ဆိုတာ နားလည်ဖို့ခက်ပါတယ်။) ဒါကြောင့် သံဃာ့အဖွဲ့အစည်းတွေ ဟာ ပြည်နယ်နဲ့တိုင်း၊ မြို့နယ်၊ ရပ်ကွက် အာဏာပိုင် အဆင့်ဆင့်တွေနဲ့ ဆက်သွယ်ပူးပေါင်းပြီး ဘာသာရေး အန္တရာယ်တွေကို ကာကွယ်တားဆီးမှုတွေလုပ်ရမယ်လို့ ဆိုပါတယ်။ တစ်နည်းအားဖြင့် NLD အဖွဲ့ဝင်တွေကို သာသနာ့ဘောင် အတွင်း ၀င်ရောက်ခွင့်မရအောင် တားမြစ်ရမယ်ဆိုတဲ့ အဓိပ္ပာယ်ပါပဲ။

ရှင်အဖြစ်နဲ့ ဘုန်းကြီးကျောင်းမှာ အချိန်ကာလ အတန်ကြာနေထိုင်ပြီး ဗုဒ္ဓဘာသာရဲ့အခြေခံတွေ ကို လေ့လာသင်ယူရတာဟာ ဗုဒ္ဓဘာသာဝင် မြန်မာ ကလေးငယ်တွေအတွက် ဓလေ့ထုံးစံတစ်ခုပါပဲ။ သူတို့ကို ရှင်ပြုပေးဖို့ တာဝန်ရှိတဲ့ မိဘတွေအတွက်လည်း ကုသိုလ်များစွာ ရရှိစေပါတယ်။ ဒါတင်မက ပါဘူး၊ မြန်မာအမျိုးသားများစွာဟာ သူတို့ အသက်နှစ်ဆယ်ကျော်ပါက သာသနာ့ဘောင်အတွင်း တစ်ဖန်ပြန်ဝင်ပြီး ရဟန်းအဖြစ်နဲ့ အချိန်ကာလ ခဏဖြစ်စေ၊ ကြာရှည်ဖြစ်စေနေထိုင်ကြပါတယ်။

သာသနာရေးဝန်ကြီးရဲ့ နိုင်ငံတော် သံဃာ့ မဟာနာယကအဖွဲ့ကို လျှောက်ထားချက်ဟာ NLD အဖွဲ့ဝင်တွေ အဲဒီဘာသာရေးဆိုင်ရာ ရိုးရာဓလေ့ထုံးစံ လုပ်ဆောင်ခွင့်ကို ချုပ်ချယ်ကန့်သတ်ဖို့ ရည်ရွယ် ပြီး လျှောက်ထားပုံရပါတယ်။ အာဏာပိုင်တွေအနေနဲ့ ဒီလျှောက်ထားချက်မှာ ကျွန်မတို့ရဲ့ပါတီအပေါ် စွပ်စွဲချက်တွေကို တကယ်ယုံကြည်တယ်ဆိုရင်တော့ သူတို့တစ်တွေ တကယ့်လက်တွေ့အခြေအနေတွေနဲ့ အဆက်ပြတ်နေတာ ဖြစ်ရပါလိမ့်မယ်။

ဒါပေမဲ့ နိုင်ငံရေးအရ ဖိနှိပ်မှု၊ ခြိမ်းခြောက်မှု၊ အစိုးရ ကိုယ်တိုင်စီစဉ်ပြီး မင်းမဲ့စရိုက်လိုလုပ်ဆောင်မှု၊ ကျွန်မတို့ရဲ့ လွတ်လပ်စွာ ယုံကြည်ကိုးကွယ်ခွင့်တွေကို နှောင့်ယှက် စွက်ဖက်မှု စတဲ့ အခက်အခဲတွေ ကြားထဲကပဲ ကျွန်မတို့ဟာ “ကထိန်ပွဲတော်”ကို ကျင်းပနိုင်ခဲ့လို့ လောကီရေးရာ ပူပန်စိတ်တွေကနေ ခဏလေး အနားရခဲ့ပါတယ်။ ဒီပွဲတော်ဟာ မိုးရာသီ ၀ါတွင်းအကုန်ကစပြီး တစ်လကြာ ကျင်းပကြပါတယ်။ သီတင်းကျွတ်လပြည့်ကျော် ၁ ရက်နေ့ (ဒီနှစ် အောက်တိုဘာလ ၂၈ ရက်နေ့ ကျရောက်ပါတယ်။) ကစပြီး တန်ဆောင်မုန်းလပြည့်နေ့ (နိုဝင်ဘာလ ၂၅ ရက်နေ့)အထိ ကြာပါတယ်။ ဒီကထိန်ပွဲတော်မှာ အဓိက ကျတာကတော့ သင်္ကန်းအသစ်ကပ်လှူခြင်းပါပဲ။ ၀ါတွင်းကာလအတွင်း ၀ါဆိုခဲ့ကြရတဲ့ သံဃာတော်တွေ အတွက် ကထိန်သင်္ကန်း ကပ်လှူတဲ့သူဟာ ကုသိုလ်အလွန်ရပါတယ်။

ဒီနှစ်မှာ NLD ဟာ ပဏ္ဍိတရာမကျောင်းတိုက်မှာ ကထိန်သင်္ကန်းကပ်လှူခဲ့ပါတယ်။ ယခုလို အများဝိုင်းဝန်းပြီး ကုသိုလ်ပြုဖို့အတွက် တစ်စုတစ်ဝေးနဲ့ စုစည်းကြရတာဟာ အင်မတန်ကောင်းမြတ်လှပါတယ်။ ဆရာတော် ဦးပဏ္ဍိတဟောကြားတဲ့တရားကို ဂရုတစိုက်နာယူရတာ၊ ဆရာတော်ရဲ့ ပညာရှိစကား အဆုံးအမတွေ ကို နှလုံးသွင်းစဉ်းစားရတာ၊ ကထိန်ပွဲတော်ရဲ့အဓိပ္ပာယ်ကို ရှင်းလင်းဟောပြသွားတာကို ကြားသိလိုက်ရတာတွေဟာ အင်မတန် ကောင်းမွန်လှပါတယ်။

ကျွန်မတို့ မြန်မာလူမျိုးတွေဟာ ကုသိုလ်ကောင်းမှုကို အတူတကွပြုလုပ်တဲ့အခါ ရတဲ့ ကုသိုလ်တွေကို မျှဝေခံစားရတဲ့အတွက် သံသရာ တစ်လျှောက်မှာ ပြန်လည်ဆုံစည်းရတယ်လို့ ယုံကြည်ကြ ပါတယ်။ ကျွန်မ သံသရာတစ်လျှောက်မှာ ဆက်လက်ကျင်လည်နေရဦးမယ်ဆိုရင် ကျွန်မရဲ့ အစစ်အမှန်ဆုံးသော မိတ်ဆွေဖြစ်ကြောင်း၊ အဖော်ဖြစ်ကြောင်း ပြသခဲ့ကြတဲ့သူတွေနဲ့ ဆုံစည်းမယ် ဆိုတာကို တွေးတောရတာ အင်မတန် ကို ကောင်းမြတ်လှပါတယ်။

ကထိန်သင်္ကန်းကပ်လှူတဲ့ပွဲကို တက်ရောက်လာ ကြတဲ့သူတွေထဲက အများအပြားဟာ လွန်ခဲ့တဲ့ရှစ်နှစ်က ဒီမိုကရေစီနဲ့ လူ့အခွင့်အရေးအတွက် အတူတကွ ကြိုးပမ်း ခဲ့ကြတဲ့သူတွေဖြစ်ပြီး ကျွန်မတို့ဟာ ကြီးမားလှတဲ့ အခက်အခဲတွေကို ရင်ဆိုင်ခဲ့ရတဲ့အခါမှာလည်း အတူတကွပဲ ရှိနေကြတဲ့သူတွေပါ။ အဲဒီမှာ မမြင်မတွေ့ ရတော့တဲ့ မျက်နှာတွေ အများကြီးပါ။ သေဆုံးတဲ့ သူတွေကသေဆုံး၊ အကျဉ်းထောင်ထဲရောက်နေတဲ့ သူတွေကရောက်နဲ့၊ သူတို့အကြောင်းတွေးမိတော့ ၀မ်းနည်းမိပါတယ်။ ဒါပေမဲ့လည်း သာမန်လုပ်ရိုး လုပ်စဉ် နိုင်ငံရေးအလုပ်ကိစ္စတွေကို ခဏတစ်ဖြုတ်လောက် ချထားပြီး အဖိုးတန်လှတဲ့ စိတ်အနားပေးမှုလေး နည်းနည်းလောက် ရရှိခံစားနိုင်ခဲ့တာဟာ ကောင်းမြတ် လှပါတယ်။

နိုဝင်ဘာလ (၂၅) ရက်၊ ၁၉၉၆။

အောင်ဆန်းစုကြည်။

Eternal Light Magazine – December 2013






No comments: