.JPG)
မြန်မာဂျာနယ်လစ်ကွန်ရက်၏ သဘောထား ထုတ်ပြန်ချက်။
ယူနတီဂျာနယ် သတင်းထောက်လေးဦးနှင့် အမှုဆောင်အရာရှိချုပ်တို့၏ အပြီးသတ်အမိန့်နှင့် ပတ်သက်၍ မြန်မာဂျာနယ်လစ်ကွန်ရက်၏ သဘောထား ထုတ်ပြန်ချက်။
ရက်စွဲ - ၂၀၁၄ ခုနှစ်၊ ဇူလိုင်လ (၁၀) ရက်။
၁။ နိင်ငံတော်လျှို့ဝှက်ချက် အက်ဥပဒေ ဖောက်ဖျက်မှုဖြင့် ယူနတီဂျာနယ် သတင်းထောက်လေးဦးနှင့် အမှုဆောင်အရာရှိချုပ်တို့အား အလုပ်ကြမ်းနှင့် ထောင်ဒဏ် ၁၀ နှစ် ချမှတ်ခြင်းကို မြန်မာဂျာနယ်လစ်ကွန်ရက်က လုံးဝလက်မခံဘဲ ပြင်းထန်စွာ ရှုံ့ချလိုက်သည်။
၂။ ယူနတီဂျာနယ်၏ သတင်းဖော်ပြမှုကြောင့် စက်ရုံစီမံကိန်း ရပ်ဆိုင်းသွားခြင်း မရှိသကဲ့သို့ တပ်မတော် ကြည်း၊ ရေ၊ လေ စစ်ဆင်ရေးများကို ထိခိုက်ခြင်းလည်း မရှိဘဲ၊ ယခုပြစ်ဒဏ်ကို ချမှတ်ခြင်းသည် သတင်းထောက်များကိုသာမက နိင်ငံသားများ၏ အခြေခံအခွင့်အရေးဖြစ်သော သတင်းသိရှိပိုင်ခွင့်ကို ရိုက်ချိုးခြိမ်းခြောက်လိုက်ခြင်းဖြစ်သည်ဟု မြန်မာဂျာနယ်လစ်ကွန်ရက်က ရှုမြင်သည်။
၃။ ပြစ်ဒဏ်ချမှတ်ခံရသော သတင်းထောက်လေးဦးနှင့် အမှုဆောင်အရာရှိချုပ်တို့၏ မိသားစုဝင်များအတွက် စိတ်မကောင်း ဖြစ်ရပြီး၊ ယင်းမိသားစုဝင်များကို စာနာသောအားဖြင့် စိတ်ဓါတ်ပိုင်းဆိုင်ရာနှင့် ရုပ်ဝတ္ထုပိုင်းဆိုင်ရာများကို တတ်စွမ်းသမျှ ထောက်ပံ့ကူညီသွားမည်။
၎။ ၄င်းတို့ ငါးဦး လွတ်မြောက်ရေးအတွက် ဥပဒေလမ်းကြောင်းအပါအ၀င် တတ်စွမ်းသမျှ နည်းလမ်းများဖြင့် ကြိုးပမ်းသွားမည်။
၅။ ၎င်းတို့ ငါးဦးလွတ်မြောက်ရေးအတွက် ပြည်သူလူထုအပါအ၀င် မည်သည့်အင်အားစုများနှင့်မဆို ပူးပေါင်းဆောင်ရွက်သွားမည်။
မြန်မာဂျာနယ်လစ်ကွန်ရက် (MJN)။
No comments:
Post a Comment