အကြမ်းဘက် ဒါးမြဂိုဏ်း နိုင်ငံတော်သံဃမဟာနာယကအဖွဲ့ (မဟန)။

အကြမ်းဘက် ဒါးမြဂိုဏ်း နိုင်ငံတော်သံဃမဟာနာယကအဖွဲ့ (မဟန)။

ပီနန်ဆရာတော်ဘုရားကြီး ဦးပညာဝံသ ထူထောင်ခဲ့တဲ့ ရန်ကုန်မြို့ တာမွေမြို့နယ်၊ နတ်ချောင်းရပ်ကွက်ရှိ မဟာသန္တိသုခ ကျောင်းတိုက်သိမ်းပိုက်မှုနဲ့  ပတ်သက်လို့  သမိုင်းနောက်ခံ အကြောင်းအရာပါ။

ဒီ မဟာသန္တိသုခကျောင်းတိုက်ကြီးကိစ္စနဲ့  ပတ်သက်လို့  ပီနန်ဆရာတော်ဘုရားကြီးကို ကိုယ်တိုင်ကိုယ်ကျ ဖူးမြော်တွေ့ ဆုံခွင့် ရရှိခဲ့ချိန်ကလည်း ဆရာတော်ဘုရားကြီးက အဖြစ်အပျက် အကြောင်းအရာတွေကို မိန့် ကြားပြောပြခဲ့လို့  သိရှိခဲ့ရပါတယ်။

ပီနန်ဆရာတော်ဘုရားကြီး ဦးပညာဝံသ ထူထောင်ခဲ့တဲ့ ရန်ကုန်မြို့ တာမွေမြို့နယ်၊ နတ်ချောင်းရပ်ကွက်ရှိ မဟာသန္တိသုခ ကျောင်းတိုက်ကို စစ်အစိုးရက သိမ်းယူခဲ့ပြီး မင်္ဂလာဆောင်ခန်းမတွေ၊ အစည်းအဝေးတွေ အစရှိတဲ့ ဘာသာသာသနာနဲ့  မသက်ဆိုင်တဲ့ အလုပ်တွေကို လုပ်ခဲ့ကြတယ်။ ပြီးတော့ ဒီဟာတွေ ဖြစ်နေလို့ ပါဆိုပြီး အခွင့်ကောင်းယူကာ ထိန်းသိမ်းစောင့်ရှောက်ခဲ့ကြတယ်။ နောက်တော့ ပိုင်ဆိုင်သူက သူတို့  ဖြစ်ပါတယ်ဆိုပြီး ဇတ်ကွက်ဆင်တော့တာပါဘဲ။

စစ်အိစုးရရဲ့  အလိုကျ ကြိုးဆွဲရာ ကနေတဲ့ နိုင်ငံတော် သံဃနာယကအဖွဲ့က သူတို့ ပိုင်ပါတယ်ဆိုပြီး ကြိမ်းဝါးကာ ပီနန်ဆရာတော်ဘုရားကြီး ဦးပညာဝံသကို ကျောက်တိုက်မှ ၂၀၁၄ ခုနှစ်၊ မတ်လ ၃၀ ရက်နေ့  နောက်ဆုံးထားပြီး ထွက်ခွာပေးဖို့  အမိန့်  ထုတ်ခဲ့တယ်။ ဒီလို မတရားလုပ်ဆောင်မှုကို ပီနန်ဆရာတော်ဘုရားကြီးက ငြင်းဆန်ပြီး ကျောင်းတိုက်တွင် ဆက်လက်သီတင်းသုံးခဲ့တယ်။

တာမွေမြို့နယ်၊ ကျောက်မြောင်း၊ နတ်ချောင်း၊ မလွှကုန်းနှင့် မေတ္တာညွှန့်ရပ်ကွက်တွေက ဒကာ၊ ဒကာမများ၊ အလှူရှင်တွေက ပီနန် ဆရာတော်ကြီးနှင့် တပည့်သံဃာများကို ကျောင်းတိုက်မှ ထွက်ခွာခြင်းမပြုရန် လာရောက် မေတ္တာရပ်ခံခဲ့ကြတယ်။

ဒီ မဟာသန္တိသုခကျောင်းတိုက်ကြီးကို နိုင်ငံတကာနဲ့  မြန်မာနိုင်ငံရှိ အလှူရှင်များကနေ စုပေါင်းလှူဒါန်းဆောက်လုပ်ပြီး ပီနန်ဆရာတော်ကြီး ဦးပညာဝံသကို လှူဒါန်းခဲ့တာ ဖြစ်တယ်။ မဟာသန္တိသုခကျောင်းတိုက်ကြီးရဲ့  မူလပိုင်ရှင်ဟာ ပီနန်ဆရာတော်ဘုရားကြီးသာ ဖြစ်တယ်။

၂၀၀၂ ခုနှစ်တုန်း ပီနန်ဆရာတော်ဘုရားကြီး မလေးရှားနိုင်ငံကို သွားရောက်သီတင်းသုံးနေချိန်မှ ကျောင်းတိုက်ရဲ့  အုပ်ချုပ်ရေုးဆိုင်ရာကိစ္စများ လျော့ရဲနေတယ်ဆိုပြီး စစ်အစိုးရ ဒုတိယဗိုလ်ချုပ်ကြီး ခင်ညွှန့်ကနေ နိုင်ငံတော်သံဃမဟာနာယကအဖွဲ့ထံကို ကျောင်းတိုက်ကြီးကို ခေတ္တစောင့်ရှောက်ထားဖို့ ဆိုပြီး အပ်နှံထားခဲ့တယ်။

ဒီဟာကို အခွင့်ကောင်းယူပြီး နိုင်ငံတော်သံဃမဟာနာယကအဖွဲ့က ဒီကျောင်းတိုက်ကြီးကို သိမ်းပိုက်လိုခဲ့တယ်။ မတရားတဲ့အမိန့် တွေ ထုတ်ပြီး ပီနန်ဆရာတော်ဘုရားကြီးရဲ့  ကျောင်းတိုက်ကြီးကို ရယူပိုင်ဆိုင်နိုင်အောင် အမျိုးမျိုး ဖန်တီးနေခဲ့တယ်။

ဖန်တီးချက်တွေကတော့ ပီနန်ဆရာတော်ဘုရားကြီး မရှိခိုက်အချိန်မှာ ကျောင်းတိုက်ကြီးကို မင်္ဂလာဆောင်ခန်းမတွေ၊ အစည်းအဝေးတွေ၊ ကပွဲတွေ၊ အကသင်တန်းများတွေ အစရှိတဲ့ ဘာသာသာသနာနဲ့  ဘားဘားမှ မဆိုင်တဲ့ စီးပွားရေးလုပ်ငန်းတွေ လုပ်နေတာကြောင့် မဟာသန္တိသုခကျောင်းတိုက်ကြီး ပျက်ဆီးသွားမှာ သာသနာငြိုးနွမ်းစေတာတွေကြောင့် ၂၀၁၃ ခုနှစ်မှာ ပီနန်ဆရာတော်ဘုရားကြီးက နိုင်ငံတော်သမ္မတ သိန်းစိန်ထံ မေတ္တာရပ်ခံ စာရေးတင်ပြခဲ့တယ်။ ဒီစာတင်ပြပြီးနောက်ပိုင်း သက်ဆိုင်ရာက စုံစမ်းမှုများ ပြုလုပ်နေစဉ်အတွင်းမှာ နိုင်ငံတော်သံဃမဟာနာယကအဖွဲ့က ကျောင်းတိုက်ပိုင်ဆိုင်ကြောင်း အငြင်းပွားမှု ပေါ်ပေါက်လာတာ ဖြစ်တယ်။

ပီနန်ဆရာတော်ဘုရားကြီးက စာရေးတင်ပြတဲ့အခါ သမ္မတ သိန်းစိန်က ဒီကိစ္စကို ရန်ကုန်တိုင်း ၀န်ကြီးချုပ် မြင့်ဆွေ လက်ထဲကို အပ်လိုက်တယ်။ မြင့်ဆွေတို့က မြို့နယ်၊ ရပ်ကွက်အထိ စစ်ဆေးပြီးတော့ သူတို့လူပုဂ္ဂိုလ်တွေဘက်ကတော့ စစ်ဆေးပြီးပြီ၊ သံဃာတွေဘက်က စစ်ဆေးပေးပါဆိုတော့မှ နိုင်ငံတော်သံဃမဟာနာယကအဖွဲ့က ဒီကျောင်းကြီးကို နိုင်ငံတော်က သူတို့ကို လှူထားတာတဲ့။ နိုင်ငံတော်က လှူထားတဲ့ ပိုက်ဆံတွေက များတဲ့အတွက် သူတို့ပဲ ပိုင်တယ်ဆိုပြီး အကြောင်း ပြန်ကြားခဲ့တယ်။

တကယ်ဆိုရင် မဟာသန္တိသုခကျောင်းတိုက်မြေနေရာဟာ ၁၉၉၅ ခုနှစ်မှာ ဂရန်အမည်ပေါက် ရရှိခဲ့ပြီး ၁၉၉၉ ခုနှစ်မှာ ပီနန်ဆရာတော်ဘုရားကြီးရဲ့  အမည်နဲ့  သာသနာ့မြေအဖြစ် တရားဝင် အသိအမှတ်ပြုချက် ရရှိခဲ့တာ ဖြစ်ပြီး မြေပိုင်ဆိုင်မှု၊ ကျောင်းပိုင်ဆိုင်မှု အစရှိတဲ့ ပိုင်ဆိုင်မှုအ၀၀ဟာ ပီနန်ဆရာတော်ဘုရားကြီးထံမှာဘဲ ရှိနေပါတယ်။

ယခုတော့ ပိုင်ရှင်အစစ်အမှန် ပီနန်ဆရာတော်ဘုရားကြီး မရှိတဲ့ အချိန်မှာ ညကြီးမင်းကြီး ၀င်ရောက်သိမ်းပိုက်တာကတော့ တကယ့်မတရားမှုကြီးပါဘဲ။

မဟာသန္တိသုခကျောင်းတိုက်ကြီးကို ယခုလို အကြမ်းဘက်ဝင်ရောက်သိမ်းပိုက်တာမှာ အဓိကတရားခံဟာ နိုင်ငံတော်သံဃမဟာနာယကအဖွဲ့ (မဟန) ဘုန်းကြီးအာဏာရှင်တွေ ဖြစ်ပါတယ်။ ပူးတွဲတရားခံကတော့ ရန်ကုန်တိုင်းဝန်ကြီးချူပ်ဖြစ်ပါတယ်။ နောက်က ကြိုးဆွဲစေခိုင်းသူတွေကတော့ ဘယ်သူတွေ ဖြစ်မလည်းဆိုတာ မေးနေစရာ မလိုအောင် သိကြမှာပါ။

ယခုလုပ်ရပ်ကတော့ နိုင်ငံတော်သံဃမဟာနာယကအဖွဲ့ (မဟန) ရဲ့  ခွေးကျင့်ခွေးကြံကြံတဲ့ လုပ်ရပ်ကို ပေါ်ပေါ်တင်တင်ကြီး ပြလိုက်တာပါဘဲ။ အာဏာရှင်အဆက်ဆက်လက်ထက်မှာ စစ်မှန်တဲ့ သံဃာတော်တွေကို အာဏာရှင်အလိုကျ အမျိုးမျိုး တံဆိပ်ကပ် စွပ်စွဲပြီး ဖမ်းဆီးခိုင်းတာတွေ၊ ကျောင်းတိုက်တွေကနေ မောင်းထုတ်တာတွေ၊ သင်္ကန်းဆွဲချွတ် အဓမ္မလူဝတ်လဲခိုင်းတာတွေ၊ သာသနာတော်ဆိုင်ရာ ဘာသာရေးဆောင်ရွက်မှုတွေကို ပိတ်ပင်တာတွေ မတရားလုပ်နေပြီး၊ တစ်ဘက်ကကြတော့ အာဏာရှင်တွေ ပေးကမ်းဆက်ကပ်တဲ့ ဆွမ်းခဲဘွယ်အဆီအစိမ့် တွေကို ယစ်မူးသာယာ စည်းစိမ်ခံ မှိန်းမောနေပြီး၊ လက်ဆောင်တံပိုးဝတ္ထုတွေဖြစ်တဲ့ ငွေ ကား ကျောင်း အသုံးအဆောင်ပစ္စည်းတွေကို မက်မောတွယ်တာ လောဘ မောဟကြီးစွာနဲ့  နေနေကြတဲ့ နိုင်ငံတော်သံဃမဟာနာယကအဖွဲ့ (မဟန) ဆိုတာ နောက်ဆုံးတော့ ဗုဒ္ဒမြတ်စွာဘုရားရဲ့  သွန်သင်ဆုံးမမှုကို အလေးမထား ဖောက်ပြန်နေကြတဲ့ သာသနာ့သစ္စာဖောက်တွေဘဲ၊ သီလ သမာဓိနဲ့ မညီတော့တဲ့ ၀ါသာကြီးပြီး အဓမ္မလမ်းစဉ်ကျင့်သုံးနေကြတဲ့ အဓမ္မ၀ါဒီ အရည်းကြီးဂိုဏ်းကြီး ဖြစ်နေပါပြီ။

နိုင်ငံတော်သံဃမဟာနာယကအဖွဲ့ (မဟန) - အလိုမရှိပါ။

နစ်နေမန်း။