အာဏာရှင်လက်အောက်မှ ဖောင်ကြီး။

အာဏာရှင်လက်အောက်မှ ဖောင်ကြီး။

ဗဟိုဝန်ထမ်းတက္ကသိုလ် (ဖောင်ကြီး) ကတော့လုပ်ချလိုက်ပြန်ပြီ။ သင်တန်းသားတစ်ယောက်ကို ဘာကြောင့်လဲ ဆိုတဲ့ တိကျတဲ့ အကြောင်းပြချက်မပေးဘဲ RTH (return to home) တဲ့ဗျ။ သင်တန်းကာလ ၁၄ပတ် မှာ ၁၁ပတ်လုံးလုံး စိတ်ဆင်းရဲ ကိုယ်ဆင်းရဲခံပြီး တက်ထားရတာကိုမှမထောက်ထား၊ ပြီးခါနီးမှလုပ်ချလိုက်တာ။

ကျွန်တော်တို့ မြင်တာကတော့အမှန်ကို အမှန်အတိုင်းပြောမိ တောင်းဆိုမိတဲ့ပြစ်မှုပဲတွေ့တယ်။ အင်းပေါ့လေ ဒီ (အတုအယောင်)ဒီမိုကရေစီ မြန်မာနိုင်ငံမှာဒါကိုက အပြစ်ဖြစ်နေတာကိုး။ တက္ကသိုလ်ဟုအမည်ခံထားသော အာဏာရှင်စနစ်သုံး စစ်သင်တန်းကျောင်းတွင် ဖြစ်ကြောင်းကုန်စင်ကတော့ ဒီလိုပါ။

ဖောင်ကြီးတက္ကသိုလ် အရာထမ်းလောင်းအခြေခံသင်တန်းအမှတ်စဉ် ၄၁ သို့ လွန်ခဲ့သော ၃ပတ် ညဘက်၇နာရီ တန်းစီ ချိန်တွင် သင်တန်းမှူးဆိုသူက ရောက်လာပြီး သင်တန်းသားတွေဘာလိုအပ်ချက်ရှိလဲဟု ထုံးစံ အတိုင်းမေးပါတယ်။ ထိုသင်တန်းသား က စာသင်ခန်းအတွင်းရှိပန်ကာများ ပျက်နေသဖြင့် အပူရှိန်ကြောင့် မူးဝေအော့အန်ရကြောင်းပြောပြီး ပန်ကာများပြင်ပေးဖို့တောင်းဆိုပါတယ်။ သင်တန်းမှူးဆိုသူပြန်ပြောသွားတာက သူတို့အနေနဲ့ အများနှင့်ဆောင်ရွက်နေရတာဖြစ်ကြောင်း အထက်သို့တင်ပြပေးမယ်ဖြစ် ကြောင်း ထုံးစံအတိုင်းပြောပြီးတော့ ထိုသင်တန်းသားကို ပန်ကာအောက်နေရာရွှေ့ပြီးအဆင်ပြေအောင်စီစဉ်ပေးမယ် ဘာမယ်နဲ့ပြောသွားပါတယ်။ သုံးပတ်သာကြာသွားပါတယ်။ ပန်ကာများက အပျက်အတိုင်းပါပဲ။

ဒီလိုကိစ္စလေးတစ်ခုကိုတောင် သူတို့အထက်က ဆိုတဲ့ လူကြီးမင်းများက ခုံရုံးဖွဲ့ပြီးဆုံးဖြတ်နေရလို့ ဒီလောက်ကြာရတာလား သင်တန်းသားတစ်ယောက်တည်းရဲ့တောင်းဆိုချက်ကြောင့် လုပ်ပေးဖို့အစီအစဉ် ကိုမရှိတာလားတော့သူတို့ပဲသိမှာပါ။ မြန်မာနိုင်ငံ ဝန်ထမ်းစနစ် ရဲ့အားနည်းချက် များစွာထဲ က အချို့ပါ။ အောက်ခြေဝန်ထမ်းများ၏လုပ်ပိုင်ခွင့်အလွန်နည်းပါးခြင်း၊ ထို့အတွက် ကြောင့်အားအားရှိ အထက်သို့တင်ပြရဦးမယ် အထက်သို့တင်ပြရဦးမယ်ဆို ပြီး အထက်အောက်ဆက်သွယ်မှူအလွန်တရာ ကြန့်ကြာနေခြင်းကြောင့်လိုအပ်ချက်များ တောင်းဆိုချက်များကိုဖြည့်ဆည်းနိုင်မှုများမှာ အလွန်နှေးကွေး နေခြင်းတို့ပါ။

ဇာတ်လမ်းဆက်ရရင် လွန်ခဲ့သောကြာသပတေးနေ့ညဘက်က ထိုသင်တန်းမှူးကထပ် ရောက်လာပြီ တော့ ထုံးစံအတိုင်း ဘာလိုအပ်တာရှိလဲ မေးပြန်ပါတယ်။ ဒီအခါမှာတော့ကျွန်တော်တို့သင်တန်းသားက ထိုသင်တန်းမှူးကို ထပြီး လွန်ခဲ့သောသုံးပတ်ကတည်းကတောင်းဆိုထားသော ပန်ကာမှာ အရေးယူဆောင် ရွက်ပေးခြင်းမရှိသောကြောင့် သုံးပတ်အတွင်း အခြား သင်တန်းသားများပါ ခေါင်းကိုက်အော့အန် မှုများခံစားရကြောင်းကို ဒေါသသံ အနည်းငယ်ဖြင့် 'ခင်ဗျား၊ကျုပ်' ဟူသော အသုံးအနှုန်းသုံးကာပြောလိုက်မိပါတယ်။ သူကမကျေနပ်တာရှိရင် သူ့နာမည်နဲ့ စာတင်လိုက်ပါတဲ့ အဲ့ဒီလိုမပြောပါနဲ့တဲ့။ သင်တန်းသားကလည်း အများပြည်သူသိကြတဲ့အတိုင်း စာတင်လဲ အရေးယူမှာမှမဟုတ်တာ။ မတင်ဘူး ဆိုပြီးပြောပါတယ်။ ထိုသင်တန်းမှူးထွက်သွားပြီးနောက် ဤကိစ္စမှာဤမျှနှင့်မပြီးသွားပါ။

နောက်နေ့ နေ့လည်ခင်းတွင် ထိုသင်တန်းသားနှင့်အတူအခြားသင်တန်းသား ခေါင်းဆောင်အချို့ကိုမနေ့ကကိစ္စနှင့်ပက်သက်ပြီး ခေါ်မေးပါတယ်။ သင်တန်းသားကို ထိုအကြောင်းအရာအချို့မေးပြီး နောက်ဆုံး၌ ဘာပြောချင်သေးလဲမေးတော့ သင်တန်းသားက ပန်ကာများပြန်ကောင်းဖို့သာလိုအပ်ကြောင်းပြောပါတယ်။ ထို့နောက်သင်တန်းသားခေါင်းဆောင် အားမေးပါတယ်။ ထိုအခါ ခေါင်းဆောင်ကအမှန်အတိုင်းပင် ယင်းပန်ကာကိစ္စမှာ ဖြစ်သင့်နေတာ ကြာပြီဖြစ်ကြောင်း ထိုသင်တန်းသားပြောသည်မှာ မှန်ကန်ကြောင်းထောက်ခံပါတယ်။ အခြားသင်တန်းသားများအားလုံးလဲ ထိုအတိုင်ပင်တူညီစွာ ထွက်ဆိုကြပါတယ်။ ပြီးနောက်ပြန်ခိုင်းလိုက်ပြီး ဆုံးဖြတ်ချက် ကိုစောင့်ခိုင်းပါတယ်။ ည ၇ နာရီ ကြတော့အမိန့်ထွက်လာပါတယ်။ RTH တဲ့။ ညတွင်းခြင်း ပြန်ရန်ပြင်ခိုင်းပါတယ်။ သင်တန်းပြီးဖို့ ၁၄ပတ်မှာ ၃ ပတ်အလိုမှာပါ။

သင်တန်းစည်းမျဉ်းထဲတွင် သင်တန်းသားများကြီးလေးသောအပြစ်ကျူးလွန်လျှင်တောင်မှ ပါချုပ်မှ ပြင်းထန်စွာကတိပေးခြင်း ဆိုသောအဆင့်ပါပါတယ်။ ယခုဖြစ်ရပ်က သင်တန်းမှူးကို အမှန်တရားတစ်ခုကို 'ခင်ဗျား ကျုပ်' သုံး ပြီး ပြောမိရုံမျှဖြင့် မိုက်မိုက်ရိုင်းရိုင်း ဆဲ့သည့်စကားတစ်လုံးမျှမပါဘဲကို ချလိုက်တဲ့အပြစ်က မလွန်လွန်ဘူးလား။ ထိုကြောင့် မည်သည့်ခေါင်းစဉ်ဖြင့် ထုတ်ရကြောင်းမေးသော်လဲ ဘာတစ်ခွန်းမျှ ပြန်မပြောကြပါ။ အကြောင်းပြချက်မရှိသင်တန်းမှထုတ်ပယ်လိုက် ပုံပါ။ သေဒဏ် ချမှတ်ခံရသောအကျဉ်းသားပင် အယူခံဝင်ခွင့်ရှိသေးတာပဲ။

ထို့ကြောင့် ပါချုပ်နှင့်တွေ့ခွင့်တောင်းတော့ လုံးဝပေးမတွေ့ပါ။ ပါချုပ် ဖုန်းနံပါတ် သို့ ရုံးဖုန်းနံပါတ် တောင်းသော်လည်း လုံးဝမပေးပါ။ သင်တန်းသား၏မိဘများပင်လိုက်လာပြီး ပါချုပ်နှင့်တွေ့ ခွင့်ပေး ရန်တောင်းဆိုတော့လဲ လုံးဝ မဆောင်ရွက်ပေးပါ။ ကျွန်တော်တို့အမြင်မှာတော့ ဤကိစ္စမှာပါချုပ်ထိပင်မရောက်ဘဲ personal သက်သက်ဖြင့် သူတို့ပဲ ဆောင်ရွက်လိုက်ပုံပါ။ သူနှင့်ပြဿနာတက်သော လုပ်ဆောင်ရန်ပျက်ကွက်သည့် ထိုသင်တန်းမှူးကိုတော့ အရေးယူကြောင်းလုံးဝမကြားမိပါ။ နောင် အစိုးရဝန်ထမ်း လုပ်နေစဉ်အတွင်း ဤကဲ့သို အကြောင်းပြချက်မရှိဘဲ အထုတ်ခံရဖို့ရှိလား စိုးရိမ်စရာပါပဲ။

အထက်နှင့်အောက် ပြဿနာဖြစ်တိုင်း ဘယ်သူမှားမှား အောက်ကလူပဲ ခံရတာ မြန်မာနိုင်ငံ ဝန်ထမ်း စနစ်မှာ ထုံးစံပဲလား။ ဒီရာထူးလေးမပြုတ်ဖို့အတွက် မပြောရဲ မဆိုရဲ အထက်က လူတွေကိုပြောသမျှကို အောက်ကလူတွေက ပြန်ပြောခွင့်မရှိဘဲ 'ခိုင်းတာလုပ်၊ ကျွေးရာစား၊ ထားရာနေ'ရတာ Democracy တဲ့လား။ အာဏာရှင်စနစ်ရဲ့ အကျွင်းအကျန် တွေ ကြောင့် 'တရားမျှတ လွတ်လပ်ခြင်းနဲ့မသွေ' 'ခွင့်တူညီမျှ ဝါဒဖြူစင်တဲ့မြေ' လို့ နိုင်ငံတော်သီချင်းဆို လိုက်တိုင်း နာကျည်းနေရ အံကြိတ် နေရမှာ ကျွန်တော်တို့ရဲ့ဘဝ တွေပဲလား.....

(ဖောင်ကြီးတက္ကသိုလ်အရာထမ်းလောင်းသင်တန်း အမှတ်စဉ် ၄၁၊ ၂၄.၇.၂၀၁၅ နေ့ မှ ဖြစ်စဉ်)။