နှစ် (၂၀) ပြည့်မြောက် ရှစ်လေးလုံးအရေးတော်ပုံကြီး အထိမ်းအမှတ် ကျင်းပခြင်း (မလေးရှားနိုင်ငံ)။

၈.၈.၀၈ နေ့တွင် ကျရောက်သော ရှစ်လေးလုံး ဒီမိုကရေစီအရေးတော်ပုံ၏ အနှစ် (၂၀) ပြည့် အခမ်းအနား အား အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ) မလေးရှား ဌာနခွဲရုံးခန်းနှင့် ဂျိုဟိုး နယ်မြေ မေမြန်မာ စတိုး တို့တွင် ယနေ့နံနက် (၁၀:၀၀) အချိန်၌ တပြိုင်နက်ကျင်းပပြုလုပ်ကြပါသည်။



(သတင်းအပြည့်အစုံဖတ်ရန်အတွက် ပို့ စ်အား အကျယ်ချဲ့ ကြည့်နိုင်ပါသည်)။



အခမ်းအနားသို့ အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ) မလေးရှား မှ ဥက္ကဌ ဦးကျော်ကျော် နှင့် အလုပ်အမှုဆောင်များ နယ်မြေအသီးသီးမှ အဖွဲ့ဝင်များ ဖိတ်ကြားထားသူများ တက်ရောက်ကြပါသည်။ အခမ်းအနားအစီအစဉ်အဖြစ် ရှစ်လေးလုံးအရေတော်ပုံ၌ အသက်စွန့်ပေးလှူသွားကြသော ဒီမိုကရေစီသူရဲကောင်း ရဟန်း ၊ ရှင် ၊ လူ ၊ ကျောင်းသား ၊ ပြည်သူအပေါင်းတို့အား ရည်စူး၍ သံဃာတော်အရှင်သူမြတ်များအား နေ့ဆွမ်း ဆပ်ကပ်လှူဒါန်းကာ ဒီမိုကရေစီသူရဲကောင်းများ ကောင်းရာသုဂတိရောက်စေကြောင်းနှင့် မိမိတို့၏တရားမျှတ သော ဒီမိုကရေစီတိုက်ပွဲ အောင်မြင်စေကြောင်း ဆုတောင်းမေတ္တာပို့သကာ ရေစက်ချအမျှ ပေးဝေပါသည်။

အဆိုပါအခမ်းအနား၌ ရှစ်လေးလုံးအရေးတော်ပုံအတွင်း ဖြစ်ပျက်ခဲ့သော သမိုင်းပုံရိပ်များအား ဆောင်းပါး ပန်းချီ ၊ ကာတွန်း ၊ ကဗျာ ၊ ဓါတ်ပုံများနှင့် ပြသထားပြီး စစ်အစိုးရ၏ မတရားဖမ်းဆီးခံထားရသော ဦးတင်ဦး ၊ ဦးဝင်းတင် ၊ ဒေါ်အောင်ဆန်းစုကြည် အပါအ၀င် ရှစ်လေးလုံးကျောင်းသားခေါင်းဆောင်များ ၊ အခြားအဖမ်းဆီးခံ ထားရသောတော်လှန်ရေးရဲဘော်များ နှင့် ရဟန်းတော်များ၏ဓါတ်ပုံများကိုလည်း တနေကုန်ခင်းကျင်း ပြသထား ပါသည်။ ဂျိုဟုိုနယ်မြေရှိ မေမြန်မာစတိုး မှ ပြပွဲအား ၎င်းနယ်မြေ၌ လာရောက်အလုပ်လုပ်ကိုင်လျှက်ရှိသော မြန်မာနိုင်ငံသားများ လေ့လာနိုင်ရန်အတွက် နောက်နှစ်ရက်ခန့် ဆက်လက်ပြသထားမည်ဟု နယ်မြေတာဝန်ခံ ကိုသိန်းအောင် မှ ပြောကြားပါသည်။

ထို့နောက် အခမ်းအနားအစီအစဉ်အား နေ့လည် (၁:၀၀) နာရီအချိန်တွင်အောင်မြင်စွာဖြင့်ရုပ်သိမ်းလိုက်ပါ သည်။