မိုးလေ၀သနှင့်ဇလဗေဒ ညွှန်ကြားရေးမှုးဦးစီးဋ္ဌာနမှ ညွှန်ကြားရေးမှုးချုပ် ဦးထွန်းလွင်။

ဦးထွန်းလွင်ဟာ(၁၉၄၈) ခုနှစ်၊ ဇန္န၀ါရီ (၁၇) ရက်နေ့ က စစ်ကိုင်းတိုင်း၊ ငါန်းဇွန်းမြို့ နယ်၊ ကုလားကျေးရွာမှာ မွေးဖွားခဲ့သူ ဖြစ်ပါတယ်။ အမေရိကန် တက္ကသိုလ်တစ်ခုမှာ မိုးလေ၀သဆိုင်ရာ ပါရဂူဘွဲ့ စာတမ်းတင်ခဲ့ဖူးတယ်လို့  သိရှိရပါတယ်။ မြန်မာရုပ်မြင်သံကြား ပေါ်ထွန်းလာပြီး (၁၉၈၀ ခုနှစ်များ) နောက်ပိုင်းကာလမှာ မိုးလေ၀သ လစဉ် ခန့်မှန်းသူအဖြစ် မြန်မာပြည်သူတွေက မျက်မှန်းတန်းမိခဲ့ကြပါတယ်။ (၂၀၀၃) ခုနှစ်မှာ နအဖကနေ စက်မှုထူးချွန် ဒုတိယဆင့် ချီးမြှင့်ခဲ့တာ ခံခဲ့ရပါတယ်။ (၂၀၀၆) ခုနှစ်မှာ နိုင်ငံတကာမိုးလေ၀သနှင့် ဇလဗေဒအသင်းကြီး၏ အမြဲတမ်း အသင်းသား ဖြစ်ခဲ့ပါတယ်။ (၂၀၀၇) နှစ်မှာ အာရှ သဘာဝဘေးဒဏ်ကာကွယ်ရေးနှင့် ပြင်ဆင်ရေး ကောင်စီရဲ့  ဥက္ကဌအဖြစ် တာဝန်ထမ်းဆောင်ခဲ့ပါတယ်။ ယခုဆိုရင် နေပြည်တော် မိုးလေ၀သဌာနရဲ့  ညွန်ကြားရေးမှူးချုပ်အဖြစ် ဆောင်ရွက်လျက်ရှိနေပါတယ်။ ဦးထွန်းလွင်ဟာ ရန်ကုန်မြို့ သုဝဏ္ဏ ဘော်စင်နဲ့ ရေနံ့သာလမ်းကြားက သံသုမာလမ်းမှာ နေထိုင်ခဲ့ပါတယ်။

ဦးထွန်းလွင်ဟာ မန္တလေးတက္ကသိုလ်ကနေ ရူပဗေဒနဲ့  ဘွဲ့ ရခဲ့ပါတယ်။ မိုးလေ၀သပညာရပ်ကို အမေရိကန် ဖလော်ရီဒါပြည်နယ်တက္ကသိုလ်မှာ လေ့လာသင်ယူလိုက်စားခဲ့ပြီး၊ နအဖရဲ့  မြောက်စားမှုကြောင့် နေပြည်တော် မိုးလေ၀သဌာနရဲ့  ညွန်ကြားရေးမှူးချုပ်အဖြစ် တာဝန်ထမ်းဆောင်နေပြီး၊ နာဂစ်မုန်တိုင်းဖြစ်ပွားပြီးနောက်ပိုင်းမှာ နအဖရဲ က ပေးအပ်ချီးမြင့်ခဲ့တဲ့ ဂုဏ်ထူးဆောင် ဒေါက်တာဘွဲ့ ကို ရရှိခဲ့ပါတယ်။

ဦးထွန်းလွင်ဟာ နာဂစ်မုန်တိုင်း မဖြစ်ပွားခင်ကာလနဲ့  ဖြစ်ပွားပြီးခါစကာလမှာ မိုးလေ၀သနဲ့ ဇလဗေဒဦးစီးဌာနရဲ့  တာဝန်အရှိဆုံးပုဂ္ဂိုလ်ဖြစ်ပြီး၊ ကမ္ဘာကျော်ထိတ်လန့် တုန်လှုပ်ခဲ့ရတဲ့ မြန်မာပြည်နာဂစ်မုန်တိုင်းဘေးဒဏ်နဲ့  ပတ်သက်ပြီး တာဝန်ရှိမှုကို ပထမဦးဆုံး ဖြေရှင်းခဲ့ရသူ ဖြစ်ပါတယ်။ ဒီလိုဖြေရှင်းတဲ့နေရာမှာ မေးခွန်းပေါင်းမြောက်မြားစွာ မေးမြန်းချက်တွေကို ဆင်ဝှေ့ ရန်ရှောင်အဖြေတွေနဲ့  ဖြေကြားခဲ့ပြီး၊ မိမိတာဝန်ကင်းရှင်းကြောင်းကို အရင်ဆုံး ဖေါ်ပြလိုတဲ့အနေနဲ့  အထက်က တာဝန်ရှိသူ ၀န်ကြီးအပါအ၀င် နအဖခေါင်းဆောင်တွေဘက်ကို အပြစ်ပုံချတဲ့ အပြောတွေနဲ့  ဖြေရှင်းခဲ့ပါတယ်။

ပြည်သူတွေအနေနဲ့ ဦးထွန်းလွင်ရဲ့  ဆင်ခြေပေးအကြောင်းပြချက်တွေကို လက်ခံမိသယောင်ယောင် ဖြစ်ခဲ့ပေမယ့်၊ နောက်ပိုင်း အချိန်ကာလတွေမှာ ဦးထွန်းလွင်ရဲ့ ပြောဆိုချက်တွေအပေါ်ကြည့်ပြီး ပြည်သူ့ အပေါ်အပြစ်ပြန်ပုံချလာတဲ့ စကားတွေကြားရတဲ့ အခါမှာ ဦးထွန်းလွင်ကို နအဖဘက် သိသိသာသာကြီးလိုက်သူအနေနဲ့  ရုပ်လုံးပေါ်လာပါတော့တယ်။

ဦးထွန်းလွင်ဟာ နောက်ပိုင်းမှာ နာဂစ်မုန်တိုင်းဘေးနဲ့  ပတ်သက်ပြီး နအဖရဲ့  ညံ့ဖျင်းမှုနဲ့  တာဝန်မဲ့မှုကိုတော့ မဝေဖန်ရဲတော့ဘဲ၊ နအဖရဲ့ တာဝန်ကင်းမဲ့မှုကိုရော မိမိရဲ့  တာဝန်ရှိခဲ့မှုကိုရော ဖုံးကွယ်ပြီး ပြည်သူလူထုဘက်ကို အပြစ်ပြော စော်ကားလာတဲ့စကားတွေက ပိုပိုလာပါတယ်။

ဦးထွန်းလွင် အရင်က ဘာတွေ ပြောခဲ့သလည်း၊ အခု ဘာတွေထပ်ပြောနေသလည်းဆိုတာ၊ နာဂစ်မုန်တိုင်းဖြစ်ပြီးခါစ အချိန်ကာလကနေ အခုအချိန်ကာလအတွင်းမှာ ဦးထွန်းလွင် ပြောစကားတွေ ဘယ်လိုပြောင်းလဲလာသလည်းဆိုတာ သိဖို့ လိုနေပါပြီ။

ဦးထွန်းလွင်ရဲ့  အပြော (၁) ။


နာဂစ်မုန်တိုင်းမတိုက်ခတ်ခင်က မိုးလေ၀သသတင်းထုတ်ပြန်ရာတွင် မုန်တိုင်းဒီရေများတက်မည်ဖြစ်ကြောင်း ကြိုတင်ကြေညာခဲ့သော်လည်း ဒေသခံ အများစု၏ အာရုံစူးစိုက်သတိပြုမှုများ မရရှိခဲ့သဖြင့် အပျက်အစီး၊ အသေအဆုံး များပြားခဲ့ခြင်းကြောင့် မုန်တိုင်းဒီရေ အစား ယခုထက်ပို၍ ကြောက်မက်ဖွယ် ကောင်းသော စကားလုံးဖော်ထုတ်ပေးရန် သြဂုတ်လ ၉ရက်နေ့က ကျင်းပသော (ပင်လယ်ပြင်မှ လူသတ်သမားနာဂစ်) ဟောပြောပွဲမှာ အဲ့ဒီလို ဦးထွန်းလွင်က ပြောကြားခဲ့ပါတယ်။

ဆက်လက်ပြီးတော့ ဟောပြောပွဲတက်ရောက်လာသော အတတ်ပညာရှင်များနဲ့  နာမည်ကျော်စာရေးဆရာများအနေနဲ့  အမည်ကို ကြားလိုက်သည်နှင့် လူများလန့်သွားနိုင်မယ့် ကြောက်မက်ဖွယ်ကောင်းသည့် စကားလုံးရှိလျှင် ပေးကြပါဟု အဲ့ဒီဟောပြောပွဲမှာ ဦးထွန်းလွင် ပန်ကြားသလိုလိုနဲ့  ထပ်ပြောပါတယ်။

ဦးထွန်းလွင်ဟာ ဒီနေရာမှာ ပြည်သူလူထုကို အထင်သေးတဲ့ စော်ကားတဲ့အပြောမျိုး စတင်ပြောဆိုလာခဲ့ပါတယ်။ ဦးထွန်းလွင်ပြောတာကတော့ မိုးလေ၀သပညာရပ်ဆိုင်ရာ အခေါ်အဝေါ်ကို လူထုက နားမလည်ခြင်းဟာ ပြဿနာတစ်ရပ်ဖြစ်ကြောင်း၊ မုန်တိုင်းဒီရေတွင် ဒီရေဟူသောစကားလုံး ပါရှိနေတာကြောင့် လူအများစုက နားမလည်ဘဲ ပန်းပန်လျက်ပါ ဇာတ်ကားထဲမှ ဆရာဇော်ဂျီ၏ ဗေဒါလမ်းကဗျာကို အသုံးပြုထားသည့် တေးသီချင်းပါ ဒီရေမျိုးဟု မှတ်ယူယှဉ်တွေးသည့်အခါ ကြောက်မက်ဖွယ် မကောင်းသည့်အပြင် ချစ်စဖွယ်ဖြစ်နေကြောင်း ပြောဆိုခဲ့ပါတယ်။

မုန်တိုင်းဒီရေကို ပြည်သူလူထုက မသိလို့  နာဂစ်မုန်တိုင်းမှာ အသေအပျောက် အပျက်အစီးများခဲ့တာ မဟုတ်ရပါဖူး။ တာဝန်မဲ့လွန်းလှတဲ့ ညံ့ဖျင်းလှတဲ့ နအဖခေါင်းဆောင်ကြီးတွေကြောင့်ဆိုတာကို မြန်မာပြည်သူတွေမပြောနဲ့  နိုင်ငံတကာက ပြည်သူတွေပါ သိကြပါတယ်။ ဦးထွန်းလွင် အနေနဲ့  မိမိရာထူးနေရာ ပြုတ်မှာစိုးပြီး ပေါက်ကရလျှောက်ပြောနေတာ ပညာမဲ့ရာ ကျလွန်းပါတယ်။ မုန်တိုင်းဒီရေဆိုတဲ့ စကားလုံးနဲ့  ဘာမှ မဆိုင်ပါဖူး။ ဒီထက်ကြောက်အောင် ထွင်တဲ့စကားလုံးဖြစ်နေပါစေ မုန်တိုင်းဘေးအန္တရယ်ကို သတင်းတိတိကျကျ မှန်မှန်ကန်ကန်နဲ့ ကြိုတင်အသိမပေးခဲ့လို့ ၊ ဘေးအန္တရာယ်မကျရောက်ခင် နေရာပြောင်းရွှေ့ ချထားပေးတာတွေ မလုပ်ခဲ့လို့ ၊ ဖြစ်ပွားနေချိန်မှာ ကယ်ဆယ်ရေးလုပ်ငန်းတွေ ဆောင်ရွက်ပေးတာတွေ မလုပ်ပေးခဲ့လို့  ပိုမိုသေကြေပျက်စီးခဲ့တာကို အမှန်အတိုင်း ပညာရှင်ပီသရင် ၀န်ခံရဲရပါမယ်။

နာရစ်မုန်တိုင်း ဖြစ်ပြီးခါစက မိမိအနေနဲ့  တာဝန်ကျေကြောင်းသိအောင် ပြောလိုတာနဲ့  နအဖဘက်ကို အပြစ်ပုံချပြီး ပြည်သူကို ပြောခဲ့တဲ့ ဦးထွန်းလွင်ရဲ့  စကားတွေ ပြန်မှတ်မိမှာပါ။ မိုးလေ၀သဌာနက မုန်တိုင်းဘေးအန္တရယ်ရှိတာကို သိလို့  ပြည်သူတွေကို သတိပေးဖို့  ပြောခဲ့တာ အထက်က ၀န်ကြီးတစ်ယောက်က ခွင့်မပြုခဲ့ လို့  သတိပေးချက်ကို ကြိုတင်မထုတ်ပြန်ခဲ့ရဖူးဆိုတာပါ။ ဦးထွန်းလွင်တို့  အဲ့ဒီအချိန်က ကိုယ့်အပြစ်ဖြစ်မှာစိုးလို့  ရှောင်ကာပြီး လွှဲချပြောဆိုခဲ့တဲာ့စကားက အခုကျတော့ ရာထူးနေရာ ပြုတ်မှာစိုးလို့  အပြောလေးတွေ တစ်မျိုးပြောင်းပြီး ဦးထွန်းလွင်ရဲ့  ကျေးဇူးရှင်ကြီးတွေဘက် လှည့်မပြောရဲတော့ဘဲ၊ ပြည်သူတွေဘက် လှည့်အပြစ်တင်ပြောတာကတော့ ဦးထွန်းလွင်အနေနဲ့  ပြည်သူ့ ဝန်ထမ်းတစ်ဦးမပီသဘဲ ကျေးဇူးရှင်အစစ် ပြည်သူကို စော်ကားတာပါဘဲ။

ဦးထွန်းလွင်တို့  မိုးလေ၀သနှင့်ဇလဗေဒ ညွှန်ကြားရေးမှုးဦးစီးဋ္ဌာနက တာဝန်ရှိသူတစ်ဦးကဘဲ ပွင့်ပွင့်လင်းလင်း မှန်မှန်ကန်ကန်ထုတ်ဖေါ် ၀န်ခံခဲ့တာ ဦးထွန်းလွင် သိပါတယ်။ အဲ့ဒီ တာဝန်ရှိသူ ၀န်ခံပြောဆိုခဲ့တာက - မြန်မာနိုင်ငံမှာ မုန်တိုင်းတိုင်းတာတဲ့ ရေဒါတပ်ဆင်နိုင်ခြင်း မရှိသေးကြောင်းနဲ့  သက်ဆိုင်ရာအဖွဲ့ အစည်းများကို အကူအညီများ တောင်းခံထားဆဲဖြစ်ကြောင်း ပြောခဲ့တာပါ။ ဒီအချက်ကို ကြည့်ရင် ဦးထွန်းလွင်ရဲ့  မိုးလေ၀သနဲ့  ဇလဗေဒဌာနမှာ မုန်တိုင်းတိုင်းတဲ့ ရေဒါ မရှိလို့  ပြည်သူတွေကို နာဂစ်မုန်တိုင်းဘေးအတွက် ကြိုတင်သတိပေးနိုင်စွမ်း မရှိခဲ့ဖူးဆိုတာ ပေါ်လွင်နေပါတယ်။ တိုင်းပြည်တိုးတက်ရေးအတွက် ဆောင်ရွက်နေပါတယ်ဆိုတဲ့ ဦးထွန်းလွင်ရဲ့  နအဖခေါင်းဆောင်ကြီးတွေကို ဦးထွန်းလွင် ဒီကိစ္စနဲ့  ပတ်သက်ပြီး ဘာပြောရဲပါသလည်း။ မိမိနေရာမြဲဖို့ အတွက် မပြောရဲဖူးဆိုရင် ပြည်သူက နားလည်ခွင့်လွှတ်ပေးနိုင်ပေမယ့် ပြည်သူဘက်ကို ပြန်ပြီး အပြစ်ပြောတာတော့ နားလည်ခွင့်လွှတ်ရခက်ပါတယ်။ စေတနာနဲ့  ဂရုဏာဒေါသောနဲ့ ပြောတဲ့ လေသံနဲ့  ပြောတဲ့အချက်နဲ့  ပြည်သူကို အထင်သေးအပြစ်ပြောတဲ့ ပုံစံက ကွာခြား သိသာပါတယ်။ ဦးထွန်းလွင်ပြောတဲ့ အပြစ်ပြောချက်နဲ့  စောစောက ဖေါ်ပြခဲ့တဲ့ ဦးလွန်းလွင်ရဲ့ ဌာနက တာဝန်ရှိသူတစ်ဦး ပြောတဲ့ ပုံစံခြင်း ကွာလွန်းပါတယ်။

အဲ့ဒီ တာဝန်ရှိသူ ပြောတာဆိုရင် - မိုးလေ၀သ နှင့်ဇလဗေဒညွှန်ကြားမှုဦးစီးဌာနအနေနဲ့  မြန်မာနိုင်ငံသို့ မုန်တိုင်း ၀င်ရောက်လာခဲ့ပါက ကြိုတင်သတိပေးချက်တစ်ခုတည်းဖြင့် လူပေါင်းများစွာ၏ အသက်ကို မကယ်တင်နိုင်ကြောင်း မှန်မှန်ကန်ကန် ပြောဆိုခဲ့တာကြည့်ရင် နအဖအလိုကျကာကွယ်ပြီးပြောနေတဲ့ ဦးထွန်းလွင်နဲ့  အတော့်ကို ကွာပါတယ်။ ဒီတော့ကာ ဦးထွန်းလွင်ပြောတဲ့ ပြည်သူတွေက ဒီရေဆိုတာကို နားမလည် မသိလို့  ဒီထက်ကြောက်အောင် စကားလုံးပြောင်းချင်ရင် မုန်တိုင်းဒီရေဆိုတာကနေ နအဖဒီရေလို့  ပြောင်းလိုက်ပါ။

ဦးထွန်းလွင်ရဲ့  အပြော (၂) ။


ဦးထွန်းလွင်ဟာ နအဖက ချီးမြှင့်လိုက်တဲ့ ဂုဏ်ထူးဆောင် ဒေါက်တာဘွဲ့ ကြီးကို ရပြီးကာစမှာဘဲ ဒေါက်တာဦးထွန်းလွင်ဖြစ်တာနဲ့ အညီ ပညာသားပါပါ ပြောလိုက်တာကတော့ မုန်တိုင်းဖြစ်ပေါ်နိုင်ခြင်း ရှိမရှိကို မိမိတို့ပတ်ဝန်းကျင်ရှိ ရောဂါသည်များအခြေအနေကို ကြည့်ခြင်းဖြင့် သိရှိနိုင်ကြောင်းဆိုပြီး ပြောလိုက်တာ ဖြစ်ပါတယ်။

လိပ်ခေါင်းရောဂါ၊ ဒူလာရောဂါနှင့် ပန်းနာရင်ကျပ်ရောဂါခံစားနေရသူတွေဟာ မုန်တိုင်းဖြစ်ပေါ်လာနိုင်တဲ့ အခြေအနေတွင်ရှိရင် ပြောင်းလဲလာသော ရာသီဥတုကို ခံနိုင်စွမ်းမရှိဘဲ အပူရှိန်မြင့်တက်ခြင်း၊ ရေငွေ့များလာခြင်းနဲ့ဖိအားကျသွားခြင်းဆိုတဲ့ အချက်သုံးချက်ကို ခံစားလိုက်ရတာကြောင့် လူနာဟာ ခံနိုင်ရည်မရှိဘူး။ အဲ့ဒီရောဂါရှိတဲ့သူတွေဆိုရင် ပိုသိသာတယ်။ ဒါတွေဟာ ဘာကိရိယာမှ မပါဘဲ
ကိုယ့်အသိနဲ့ကိုယ်သိနိုင်ပါတယ်လို့  ပြောခဲ့တာပါဘဲ။

ဒေါက်တာ ဦးထွန်းလွင်တစ်ယောက် အကြားအမြင်ဆရာလိုလို၊ တိုင်းရင်းဆေးဆရာလိုလို ဖြစ်သွားပါလား။ နာဂစ်မုန်တိုင်းဖြစ်ချိန်တုန်းက မိုးလေ၀သဦးစီးမှာ အဲ့ဒီရောဂါဝေဒနာသည်တွေ မရှိနေလို့  ဦးထွန်းလွင်တို့  ပြည်သူကို နာဂစ်မုန်တိုင်းလာမယ်ဆိုတာ အချိန်မှီ ကြိုမပြောနိုင်ခဲ့တာကိုး။ ကိုဇာဂနာတို့အဖွဲ့ရဲ့ ပြက်လုံးတစ်ခုကိုဖြစ်တဲ့ မိုးလေ၀သဦးစီးဌာနမှရေကန်ထဲတွင် မွေးထားသော ဖား (၅) ကောင် အော်သောကြောင့် မိုးရွာရန် ၅၀% တဲ့ဆိုတဲ့ ပြက်လုံးလို ဖြစ်နေပါတယ်။ အဆိုပါ ရောဂါဝေဒနာသည်တွေ များများ မခံနိုင်လေ မုန်တိုင်းပိုဖြစ်နိုင်လေလို့  နအဖရဲ့ သတင်းစာတွေထဲမှာ စစ်တမ်းကောက်ယူပြီး ထည့်ပေးရင် ဦးထွန်းလွင်တောင် အလုပ်လက်မဲ့ ဖြစ်သွားနိုင်ပါတယ်။

နအဖက ချီးမြင့်လိုက်လို့  ရတဲ့ ဒေါက်တာဘွဲ့ ကြီးနဲ့  ထိုက်တန်အောင် အတွေးအခေါ်ပြောင်ပြောင်မြောက်မြောက်နဲ့  ပြောလိုက်တာမို့  ပြည်သူတွေအတွက် နောင်ကြုံတွေ့ နိုင်မယ့် ဘေးအန္တရယ်တွေအတွက် အထူးသတိထားစရာပါဘဲ။

ဦးထွန်းလွင်ရဲ့  အပြော (၃) ။


ဦးထွန်းလွင်က မကြာသေးခင်က ထပ်ပြောပါသေးတယ်။

ပြည်ပမိုးလေ၀သခန့်မှန်းချက်တွေကို မယုံပါနဲ့တဲ့။ ကိုယ့်နိုင်ငံက မိုးလေ၀သပညာရှင်တွေရဲ့စကားကို ယုံပါတဲ့၊ ကိုယ့်နိုင်ငံရဲ့မိုးလေ၀သကို ကိုယ့်လူမျိုးအသိဆုံးပါဘဲတဲ့၊ ပြည်ပသတင်းတွေကို မဖတ်နဲ့ မဟုတ်ဘူး၊ ဖတ်ပါ ဒါပေမယ့် ကိုယ့်နိုင်ငံရဲ့မိုးလေ၀သခန့်မှန်းချက်ကိုဘဲ ယုံပါတဲ့။

ပြည်တွင်းမိုးလေ၀သခန့် မှန်းချက်နဲ့  ပြည်တွင်းမိုးလေ၀သပညာရှင်တွေရဲ့  တစ်လွှဲတစ်ချော်ပြောဆိုမှုတွေကြောင့် နာဂစ်မုန်တိုင်းအတွင်းက သေကြေပျက်စီးခဲ့ကြရတဲ့သူတွေက အသက်နဲ့ ရင်းပြီး သက်သေပြသခဲ့ပြီးပါပြီ။

ပြည်တွင်းက အခြားမိုးလေ၀သပညာရှင်တွေ မပြောနဲ့  မိုးလေ၀သနဲ့  ဇလဗေဒ ဦးစီးဌာနရဲ့  တာဝန်ခံ ညွန်ကြားရေးမှူးချူပ်လုပ်နေတဲ့ ဦးထွန်းလွင်ကိုယ်တိုင်က အထက်က ဖေါ်ပြခဲ့သလို အပြောမျိုးတွေ ပြောနေတော့ ဘယ်ပြည်သူကများ အသက်ကိုပုံအပ်ပြိး ယုံကြည်ရမှာလည်း။

နောက် မိုးလေ၀သနဲ့  ဇလဗေဒပိုင်းဆိုင်ရာ ကြိုတင်သိရှိနိုင်လောက်အောင် ခောတ်မှီစက်ကိရိယာပစ္စည်းတွေ မရှိတဲ့ ဦးထွန်းလွင်တို့  ဌာနရဲ့  ထုတ်ပြန်ကြေညာချက်တွေကို ဘယ်လောက် စိတ်ချလက်ချ ခိုင်ခိုင်မာမာ ယုံကြည်အားကိုးရမှာလည်း။

နိုင်ငံတကာက နေရာဒေသတစ်ခုရဲ့ အသေးစိတ်နေရာတွေမှာ ဖြစ်ပေါ်နိုင်မယ့် မိုးလေ၀သခန့် မှန်းချက်တွေ တိုင်းထွာတွေ့ ရှိချက်တွေကို နာရီပိုင်း မိနစ်ပိုင်းနဲ့ အမျှ ပြောင်းလဲဖြစ်ပေါ်နေတဲ့ မိုးလေ၀သအခြေအနေကို စာနဲ့ ရော အသံနဲ့ ရော ရုပ်ပုံအရှင်နဲ့ ရော အဆက်မပြတ် ထုတ်လွင့်ပြောဆိုပြနိုင်တဲ့အခြေအနေနဲ့  ဦးထွန်းလွင်တို့  မိုးလေ၀သကြေညာချက်ကို ဘေးအန္တရာယ်ကျရောက်နိုင်တဲ့ နေရာဒေသက ပြည်သူတွေ သေသွားတာတောင် သိတောင်မသိလိုက်ရဖူးဆိုတဲ့ အခြေအနေကို လက်တွေ့ နှိုင်းယှဉ်ကြည့်ပါဦး။

ပြည်သူတွေလည်း သေကုန်ကြတာ မနည်းပါဖူး။ ပြည်သူတွေ နောက်တစ်ခါ ထပ်သေကုန်အောင် စကားလုံးလေးတွေနဲ့ တော့ ထပ်မပြောဖို့  ဦးထွန်းလွင်တို့ ကို သတိပေးလိုပါတယ်။

နအဖနဲ့  ဦးထွန်းလွင် အပြန်အလှန် ဘော်လီဘောပုတ်သလို ပြောဆိုနေတာက ကြားထဲက ပြည်သူက လက်တွေ့ မှာ ဒုက္ခရောက်ကြရပါတယ်။ နအဖက နာဂစ်မုန်တိုင်းမှာ သူတို့ အတွက် တရားခံအဖြစ်ကနေ လွတ်အောင်၊ ဦးထွန်းလွင်ကို ဂုဏ်ထူးဆောင်ဒေါက်တာဘွဲ့ ပေးပြီး သူတို့ ဘက်ကို အပြစ်ပုံမချခိုင်းဘဲ ပြည်သူတွေ အသုံးမကျ ညံ့လို့ ဖြစ်ရတာလို့  ပြောခိုင်းပါတယ်။

ဦးထွန်းလွင်ကလည်း နအဖကို အချက်ကောင်းကိုင်ပြောလို့ ရတော့ ချော့ပြီးပေးလာတဲ့ ဂုဏ်ထူးဆောင် ဒေါက်တာဘွဲ့ ကို နာဂစ်မုတ်တိုင်းအတွင်း သေသွားခဲ့ကြတဲ့ ပြည်သူတွေမျက်နှာကိုမှ မထောက် ပြောင်မျက်နှာထားနဲ့  အရှက်ကင်းစွာနဲ့  လက်ခံယူပြီး၊ နအဖအလိုကျ ပြည်သူတွေကို အပြစ်ပြောနဲ့  လုပ်နေပါတယ်။

နောက်ပြီး - မုန်တိုင်းရှိမယ်၊ ရေကြီးမယ်၊ ငလျင်လှုပ်မယ် သတိထားကြဆိုတာလောက်နဲ့  သတင်းစာထဲထည့်၊ ရေဒီယိုတွေ တီဗွီတွေထဲကနေ ကြေညာနေတာလောက်နဲ့  တာဝန်ကျေပွန်ပြီလို့  မထင်နေပါနဲ့ ။ ဦးထွန်းလွင် ပြောတာလောက်ကတော့ ကမ္ဘာ့မိုးလေ၀သသတင်းနဲ့  မိုးလေ၀သပညာရပ်ကို လူတိုင်း လေ့လာပြီး ပြောလို့ ရပါတယ်ဆိုတာ သဘောပေါက်ဖို့  လိုပါတယ်။

အဓိကလိုအပ်ချက်က သဘာဝဘေးအန္တရယ်တွေကြုံလာရင် ဘေးအန္တရာယ်ကနေ ထိခိုက်ဒဏ်ရာ မရအောင် ဘယ်လိုဆောင်ရွက်မလည်း၊ ကယ်ဆယ်ရေးလုပ်ငန်းတွေလုပ်ဖို့ ကို ဘယ်လိုပြင်ဆင်ထားကြမလည်း ဘယ်လို လေ့ကျင့်ပေးထားမလည်းဆိုတာကို အချိန်နဲ့ အမျှ ပြည်သူတစ်ဦးချင်းစီတိုင်း သိနေတတ်နေအောင် လုပ်ပေးဖို့ လိုတာပါ။

နာဂစ်မုန်တိုင်းက သဘ၀ဘေးအန္တရယ်ဆိုပေမယ့် ကြိုတင်သိရှိနိုင်၊ ကြိုတင် ကယ်ဆယ်ရေးလုပ်ငန်းတွေ တတ်နိုင်သလောက် လုပ်နိုင်တဲ့ကိစ္စတစ်ခုမို့ လို့  နာဂစ်မုန်တိုင်းကြောင့် ပြည်သူတွေ ပိုမိုဒုက္ခရောက် သေကြပျက်စီးခဲ့ကြရတဲ့ အဖြစ်ဆိုးမှာ နအဖခေါင်းဆောင်ကြီးတွေတင်မကဘူး ဦးထွန်းလွင်ပါ တာဝန်ရှိသူ တစ်ဦးဖြစ်တယ်ဆိုတာ မမေ့ ဖို့ လိုပါတယ်။ တစ်နေ့ တစ်ချိန်ကျရင် တာဝန်ယူဖြေရှင်းဖို့ သာ ပြင်ဆင်ထားပါ။ ယခုလို ပြည်သူတွေဘက်ကို လှည့်ပြီး အပြစ်ပြော စော်ကားနေတာတွေကိုလည်း မြန်မြန်ရပ်ဆိုင်းဖို့  သတိပေးလိုက်ပါတယ်။

နအဖအလိုကျပြောနေတာတွေထက် မိမိဟာ ပညာရှင်တစ်ဦး ပီပီသသနဲ့  ပြည်သူ့ ဘက်ကရပ်တည်ပြီး ပြည်သူ့ ကို မှန်မှန်ကန်ကန် အလုပ်အကျွေးပြုဖို့ ပါ။ ဦးထွန်းလွင် သင်ယူတတ်မြောက်ခဲ့တဲ့ ပညာရပ်နဲ့  ဆိုရင် နအဖလက်အောက်မှာ နအဖအလိုကျ မိမိသင်ယူခဲ့ရတဲ့ ပညာကို အထိခိုက်ခံပြီး၊ အဲ့ဒီလို အပြောတွေကြောင့် ပြည်သူတွေ အမုန်းခံရတဲ့ဘ၀မျိုး မဖြစ်သင့်ဖူးဆိုတာကို ဦးထွန်းလွင် အမြင်မှန်စွာ သိဖို့ လိုနေပါတယ်။

ဦးထွန်းလွင်ဆီ ဆက်သွယ်လိုသူများရှိရင် -

U Tun Lwin
Director General
Department of Meteorology and Hydrology, Myanmar
Email: dg.dmh@mptmail.net.mm ဖြစ်ပါတယ်။