အချိန်လေး ပေးပေးမလား။

အချိန်လေး ပေးပေးမလား။


အလုပ်များတဲ့လူတစ်ယောက်ပေါ့ ၊ အလုပ်တွေများလွန်းလို့ စိတ်မော ၊
လူမောလည်းဖြစ်နေပြီ။ သူအိမ်ပြန် ရောက်တဲ့ အခါ သူ့ရဲ့ ငါးနှစ်သား လေးက
တံခါးဝမှာ စောင့်နေတယ်။

"ဖေဖေ . . . ဖေ့ဖေ့ကို သားတစ်ခု မေးလို့ရမလား ဟင် . . . " "မေးပေါ့ကွာ ၊
မေး . . . မေး . . . "

"ဖေဖေ အလုပ်လုပ်တဲ့အခါ တစ်နာရီကို ပိုက်ဆံ ဘယ်လောက် ရလဲဟင် . . ."
အဖေ လုပ်တဲ့ သူက သားရဲ့မေးခွန်းကြောင့် စိတ်တိုသွားတယ် ..။

"ဟကောင်ရ ၊ အဲဒါ မင်းအလုပ်မဟုတ်ဘူး ၊ ဘာကိစ္စငါ့ကို ဒါတွေလာမေးနေရတာလဲ ။
အလုပ်ပင်ပန်းလို့စိတ်တိုနေရတဲ့အထဲ။ မင်းနော် …"

"သားသိချင်လို့ပါ ဖေဖေရယ် ၊ သားကို ဆူချင်လည်းဆူ ၊ ရိုက်ချင်လည်း
ရိုက်ပါ။ ဒါပေမယ့် ဖေဖေ တစ်နာရီ အလုပ်လုပ်ရင် ပိုက်ဆံ
ဘယ်လောက်ရသလဲဆိုတာတော့ သားကို ပြောပြပေးပါနော် . . .။"

ငါးနှစ်သားလေးက မျက်နှာငယ်လေးနဲ့ ခခယယ တောင်းပန်နေပြန်တယ်။

"အေး.. မင်းသိပ်သိချင်တယ်ဆိုရင်တော့ ပြောပြရတာပေါ့ကွာ။ ငါ တစ်နာရီ
အလုပ်လုပ်ရင် ဒေါ်လာ ၂၀ ရတယ်ကွ ။ ကဲ… ကျေနပ်ပြီ လား… "

"အဲသလောက်တောင်မှလား" လို့ သားလေးက ပြောပြီး ခေါင်းငိုက်စိုက် ကျသွားတယ်…။
ဒါပေမယ့် ချက်ချင်ပဲ ပြန်မော့ပြီး သူ့အဖေကို မေးလိုက်ပြန်တယ်။

"ဖေဖေ ၊ သားကို ကိုးဒေါ်လာလောက် ချေးပါလားဟင်…."

အဖေလုပ်တဲ့သူရဲ့ ဒေါသက ငယ်ထိပ်ကို ရောက်သွားတယ်။

"ဘာကွ…. ငါ ပိုက်ဆံဘယ်လောက်ရလဲဆိုတာ မင်းသိချင်တာ ငါ့ဆီက ပိုက်ဆံချေးပြီး
ပေါက်တက်ကရ ကစားစရာတွေ ၊ အဓိပ္ပါယ်မရှိတဲ့ ပစ္စည်းတွေဝယ်ဖို့ကိုးကွ ၊ ငါက
အကောင်းမှတ်လို့။ သွားစမ်းကွာ။ အိပ်ယာထဲ သွားအိပ်ချေတော့။ ငါ့
မျက်စိအောက်က ထွက်သွားစမ်း ။ မဟုတ်ရင် မင်းကို ငါဆော်မိတော့မယ်။
ငါ့မှာတော့ တစ်နေ့တစ်နေ့ ပင်ပင်ပန်းပန်း လုပ်ကိုင်ရှာဖွေ ရုန်းကန်နေရတယ်။
မင်းက အလိုက်ကန်းဆိုးမသိ။ ငါ့ကို သက် သက်မယ့် လာဦးနှောက်စားနေတယ်။
သွားစမ်း… သွား "

အဖေလုပ်တဲ့သူက အဲဒီလိုလည်း ငေါက်လိုက်ရော သားလေးလည်း သူ့အိပ်ခန်းလေးထဲ
အသာဝင်သွားပြီး တံခါးလေး ပိတ်လိုက် ပါတော့တယ်။

အဖေကလည်း ကုလားထိုင်တစ်လုံးပေါ်မှာ ထိုင်ချလိုက်ပြီး စဉ်းစားကြည့်တဲ့အခါ
ပိုလို့တောင် ဒေါသဖြစ်လာတယ်။ တစ်နာရီသာသာ လောက် ကြာတဲ့အခါမှာတော့
ဖအေလုပ်တဲ့သူ စိတ်နည်းနည်းငြိမ်သွားတယ်။ သည်အခါမှာတော့ သားလေးအပေါ်
သိပ်တင်းမာ လွန်းရာကျသွားပြီလား ၊ လွန်များသွားလားလို့ တွေးမိလာပြန်တယ်။
သည်ကောင်လေးက အင်မတန်ပိုက်ဆံတောင်းခဲတဲ့ ကလေး။ တစ်ခါမှလည်း ဖအေဆီကနေ
ပိုက်ဆံမတောင်းဖူးပါဘူး၊ အခုမှ ကိုး ဒေါ်လာလောက် ခဏချေးပါလားလို့ပြောတာ။
သူ့မှာ တစ်ကယ်လိုချင်တာလေးတစ်ခုခု ရှိနေလို့များလားမှ မသိ။
အဲဒီအတွေးတွေနဲ့ သားငယ်ရဲ့ အိပ်ခန်းကို ဖအေက လိုက်သွားတယ်။

အခန်ထဲရောက်တဲ့အခါ
"သားသား အိပ်ပြီလားကွ" လို့လည်း မေးလိုက်တယ်။
"မအိပ်သေးပါဘူး ဖေဖေ ၊ သား နိုးနေပါတယ်" လို့ ကလေးက ပြန်ဖြေတယ်။
"အေးကွာ . . . စောစောက ဖေဖေ သားကို နည်းနည်းစိတ်တိုမိသွားတယ်။ တစ်နေ့လုံး
အလုပ်ပင်ပန်းတာတွေ ၊ မောတာတွေကို သားအပေါ်မှာ
အထုပ်ဖြည်လိုက်မိသလိုဖြစ်သွားတယ် သားရယ်။ ရော့…. ရော့ ၊ သားလိုချင်တဲ့
ကိုးဒေါ်လာ"

သားလုပ်တဲ့သူက ငေါက်ကနဲ ထထိုင်လိုက်သလို သူ့မျက်နှာလေးကလည်း ချက်ချင်းပဲ
ဝင်းပသွားပါတော့တယ်။ြ

ပြီးတော့ ခေါင်းအုံးအောက်ကို လက်နှိုက်လိုက်ပြန်တယ်။

သားရဲ့ခေါင်းအုံးအောက်က ထွက်လာတာကတော့ တွန့်ကြေနေတဲ့ ငွေ စက္ကူတွေပါ။
သားဆီမှာ ပိုက်ဆံတွေလည်း တွေ့လိုက်ရရော ဖအေ့ဒေါသတွေလည်း အလိုလို
ပြန်ထွက်လာတယ်။ ဒီကောင်ဘာလဲ ၊ သူ့မှာ ပိုက်ဆံတွေ ရှိရက်သားနဲ့ ဘာလို့
ကိုးဒေါ်လာ ထပ်တောင်းတာလဲလို့ တွေးနေတုန်းမှာ သားလေးက ပိုက်ဆံလေးတွေကို ရေ
နေတယ်။ သေချာရေပြီးတဲ့အခါ သားက ဖအေကို မော့ကြည်တယ်။

ဖအေလုပ်သူက "မင်းမှာ ပိုက်ဆံရှိရဲ့သားနဲ့ ဘာလို့ ထပ်တောင်းရတာလဲကွ . . .
" လို့ ငေါက်ပြန်တယ်။

"သားမှာရှိတာနဲ့ မလောက်လို့ ထပ်တောင်းတာပါ ဖေဖေ ။ အခုတော့ ပြည့်ပါပြီ။
ဟော့ဒီမှာ ဒေါ်လာ ၂၀ ပါ ဖေဖေ ၊ ဖေဖေ့ အချိန်ထဲ က တစ်နာရီလောက်ကို သားကို
ရောင်းပါလားဟင် . . ."

လူကြီးမင်းရဲ့ ဒေါ်လာ၂၀ တန် အချိန်လေးကိုလည်း ကိုယ်
ချစ်တဲ့သူတွေကို အချိန်ပေး ပေးပါလားဗျာ …. ။

(ရေးသားဖေါ်ပြသူ - sai woon sie) ။


(ကျွန်တော်ချစ်သော ပြည်သူတွေအတွက်)။