မျိုးဆက်သစ်လူငယ်များအစည်းအရုံး (Generation Wave) အဖွဲ့ဝင် ကိုသီဟ၀င်းတင်ရဲ့ပေးစာ ဖြစ်ပါတယ်။

မျိုးဆက်သစ်လူငယ်များအစည်းအရုံး (Generation Wave) အဖွဲ့ဝင် ကိုသီဟ၀င်းတင်ရဲ့ပေးစာ ဖြစ်ပါတယ်။

၂၀၀၈ ခုနှစ်၊ မတ်လ (၁၂) ရက်နေ့မှာ ကိုဇေယျာသော် အပါအ၀င် အဖွဲ့ဝင် (၅) ဦးနဲ့ အတူ အဖမ်းဆီးခံခဲ့ရတဲ့ ကိုသီဟ၀င်းတင်ဟာလည်း ထောင်ဒဏ် (၅) နှစ် မတရားချမှတ် ခံလိုက်ရပြီး၊ မကြာသေးခင်ရက်ပိုင်းကဘဲ ညောင်ဦးထောင်သို့ ပြောင်းရွှေ့အကျဉ်းချ ခံလိုက်ရတာ ဖြစ်ပါတယ်။

ရှေ့ က လမ်းပြချီတက်ခဲ့သူတွေနဲ့ ယခု အကျဉ်းကျနေတဲ့ GW အဖွဲ့ဝင်များရဲ့ကျေးဇူးကို ကျန်တဲ့အဖွဲ့ဝင်တွေကလည်း ကျေပွန်အောင် ပေးဆပ်သွားမှာဖြစ်တဲ့အကြောင်း ကတိသစ္စာ ပြုအပ်ပါတယ်။

မျိုးဆက်သစ်လူငယ်များအစည်းအရုံး (Generation Wave)။

ကိုသီဟ၀င်းတင်ရဲ့ပေးစာ -

"စစ်အစိုးရက မတရားရက်ရက်စက်စက် ဖိနှိပ်နေလျက်နဲ့ ဘာလို့ တော်လှန်နေကြတာလဲ? ဘာလို့ နိုင်ငံရေးလုပ်ကြတာလဲ? လို့ ကျနော်တို့ကို မေးကြတဲ့သူတွေ အများကြီး ရှိပါတယ်။

အဖြေကတော့ ကျနော်တို့ ကျေးဇူးဆပ်နေကြတာပါ။ ကျနော်တို့ပေါ်မှာ ကျေးဇူးပြုခဲ့ကြဖူးတဲ့ တိုင်းသူပြည်သားတွေရဲ့ကျေးဇူး၊ နောင်တော်အာဇာနည်တွေရဲ့ ကျေးဇူးတွေကို ဆပ်နေကြတာပါ။ သူတို့တွေဟာ သူတို့ရဲ့ခေတ်ကာလအလိုက် တိုင်းပြည်ကို ဖွံ့ဖြိုးတိုးတက်အောင် အေးချမ်းစည်ပင်အောင်၊ နောက်ဆုံး အာဏာရူးငတုံးငမိုက်တွေကြောင့် (တိုင်းပြည်ကျွန်ဖြစ်ခဲ့ တုန်းကလည်း) ကျွန်ဘ၀က လွတ်အောင် စွမ်းဆောင်ခဲ့ကြ ပြီးပါပြီ။ သူတို့တွေ ခေတ်ရဲ့တာဝန် သမိုင်းတာဝန် ကျေခဲ့ပြီးကြပါပြီ၊ အရင်လူတွေရဲ့ကျေးဇူးကို ဆပ်ပြီးတဲ့အပြင် နောင်လာမယ့် သူတွေအတွက်လည်း ကျေးဇူးကျွေးကို ချပေးခဲ့ပါပြီ။

ကျနော်တို့ဒီကျေးဇူးကြွေးတွေကို ကြေအောင်ဆပ်ေ နရပါတယ်။ ကျနော်တို့ခေတ်မှာ ကျနော်တို့ တိုင်းပြည်ကောင်းစားဖို့ လိုပါတယ်။ ပြည်သူတွေဘ၀ ဖွံ့ဖြိုးတိုးတက်ဖို့ လိုပါတယ်။

ဒါ ကျနော်တို့ရဲ့ တာဝန်ပါ။ ကျနော်တို့ ဆပ်ရမယ့် ကျေးဇူးကျွေးတွေပါ။ ကိုယ့်တာဝန်ကိုယ် သိကြပါ။ ကိုယ့်အကြွေးကို ဆပ်ကြပါ။ တိုင်းပြည်ကောင်းစားဖို့ လိုပါပြီ"

သီဟ၀င်းတင်။