Burma ( The Power of People): မြန်မာတို့ ရဲ့  မိခင်ကြီး လူထုဒေါ်အမာ အထိမ်းအမှတ် အမှတ်တရ ပန်းပုကျောက်စာတိုင်။

၂၀၀၈ ခုနှစ်၊ ဧပြီလ (၇) ရက်နေ့ မှာ ကွယ်လွန်ခဲ့တဲ့ မြန်မာတို့ ရဲ့  မိခင်ကြီး လူထုဒေါ်အမာ အထိမ်းအမှတ်အဖြစ် အမှတ်တရ ပန်းပုကျောက်စာတိုင်ကို ပြင်ဦးလွင်မြို့  “စိမ်းလန်းအေး” မှာ ယခုလ အောက်တိုဘာလ (၄) ရက်နေ့  အလုံးစုံ အောင်မြင်စွာ ဖန်တီးထုလုပ် တည်ဆောက်ခဲ့ကြပါတယ်။

မြန်မာတို့ ရဲ့  မိခင်ကြီး လူထုဒေါ်အမာ အထိမ်းအမှတ် အမှတ်တရ ပန်းပုကျောက်စာတိုင် စိုက်ထူတည်ဆောက်ရတဲ့ အကြောင်းရင်းကတော့ အမေ လူထုဒေါ်အမာဟာ အဖိုးဆရာကြီး သခင်ကိုယ်တော်မှိုင်း ဈာပနနဲ့  အုတ်ဂူအတွက် လူထုဦးလေးလှတို့ နဲ့ အတူ ရှေ့ တန်းက ပါဝင်ဆောင်ရွက်ခဲ့သူ၊ သိပ္ပံမောင်ဝ၊ လယ်တီဦးကောဝိဒ (ပုပ္ပားဦးကျော်ရင်) တို့  ကမ္ဗည်း ကျောက်စာအုတ်ဂူအတွက်လည်း ဦးစီးဆောင်ရွက်ခဲ့သူ၊ အမရပူရ တောင်လေးလုံးကျောင်းတိုက်မှာ ထာဝရ တည်ရှိနေတဲ့ စာပေအနုပညာရှင် အမှတ်တရ ကျောက်စာတိုင်တွေ အားလုံးအတွက်လည်း ဦးဆောင်ပါဝင်ခဲ့သူ၊ အမိမြန်မာနိုင်ငံတော်ကြီးရဲ့  လွတ်လပ်ရေး၊ ဒီမိုကရေစီရေး၊ ငြိမ်းချမ်းရေးနဲ့  ရိုးရာဓလေ့ စာပေယဉ်ကျေးမှုတွေကို တစ်သက်တာ မဆုတ်မနစ် ထမ်းရွက်ခဲ့သူ လူထုက ချစ်မြတ်နိုးတဲ့ အမေ လူထုဒေါ်အမာကို အထူးဂုဏ်ပြုတဲ့အနေနဲ့  “အမှတ်တရ ပန်းပုကျောက်စာတိုင်” ကို တည်ဆောက် ဂုဏ်ပြုမှတ်တမ်းတင်တာ ဖြစ်ပါတယ်။

မိခင်ကြီး လူထုဒေါ်အမာ အထိမ်းအမှတ် အမှတ်တရ ပန်းပုကျောက်စာတိုင်ကို ဟံသာဝတီ ဦးဝင်းတင်ရဲ့  အမေ လူထုဒေါ်အမာ ကဗျာသရုပ်ဖေါ်ပုံဒီဇိုင်းကို ဆရာကြီး ဦးအေးမြင့် (မြန်မာရိုးရာဒီဇိုင်း) က မေတ္တာဖြင့် ကူညီရေးဆွဲပေးသော မြန်မာမှုဒီဇိုင်းကို အခြေခံပြီး ဆရာ စူးမြင့်သိန်း (အလင်းတံခါး၊ ပန်းချီပန်းပုသင်တန်းကျောင်း၊ မန္တလေး) က မော်ဒန်အနုပညာ ရသအမြင်ဖြင့် ဖန်တီးထုလုပ်ခဲ့တာ ဖြစ်ပါတယ်။ အမှတ်တရ ပန်းပုကျောက်စာတိုင်ဟာ အမြင့်ပေ ၉ ပေ ၉ လက္မနှင့် အောက်ခြေ ၁ ပေ ၃ လက္မ၊ စုစုပေါင်း ၁၁ ပေ ၁ လက္မ အမြင့် ရှိပါတယ်။

မိခင်ကြီး လူထုဒေါ်အမာ အထိမ်းအမှတ် အမှတ်တရ ပန်းပုကျောက်စာတိုင် သဘောအညွှန်းကတော့

- လူထုဒေါ်အမာ ရေးသားထုတ်ဝေခဲ့တဲ့ သတင်းစာ၊ ဂျာနယ်၊ စာအုပ်များကို အထပ်လိုက် အထပ်လိုက် ဆင့်၍ ဆင့်၍ “ခြေတစ်လှမ်း ကျမ်းတစ်စောင်” စာသားကို တိုင်လုံးနှင့် ပုံဖေါ်ထားပါတယ်။

- စာအုပ်တိုင်အပေါ်မှာ မြင့်မိုရ်တောင်ထက်ဝန်းကျင်တွင် မြစ်များ ကျောက်တောင်များ ဖွဲ့ စည်းထားပါတယ်။

- ဒေါင်းအမှတ်အသားတို့ ဖြင့် အထက်သို့  တိုးဝှေ့ ဟန်ညွှန်းထားပါတယ်။

- နေမင်းအသွင် ဒိုးယိုပေါက် အ၀ိုင်းပုံသဏ္ဍန် ပါရှိပါတယ်။

- ကနုတ်ပန်း ကျောက်တောင်များကြားက ငြိမ်းချမ်းရေး ချိုးငှက် တိုးထွက် ပျံသန်းဟန် ပါရှိပါတယ်။

- နေမင်းရဲ့  အောက်ဘက်မှာ ဟံသာဝတီ ဦးဝင်းတင်၏ ကဗျာစာသား လက်ရေးမှုကို ထည့်သွင်းရေးသားထားပါတယ်။ ဟံသာဝတီ ဦးဝင်းတင်ရဲ့  ကဗျာကတော့ “လူထုဒေါ်အမာ (၁၉၁၅ - ၂၀၀၈) - ခြေတစ်လှမ်း ကျမ်းတစ်စောင်၊ နှစ်တစ်ထောင် ခရီးပြင်း၊ ရွှေဒေါင်းတောင် စိန်ကလောင်နဲ့  တောင်ကိုဖြိုမည့် မြစ်တစ်စင်း” ဖြစ်ပါတယ်။

- ၄င်း ကဗျာစာသားကို ဆရာ လူထုဦးစိန်ဝင်း အင်္ဂလိပ်ဘာသာပြန် ရေးသွင်းထည့်ရှိထားပါတယ်။

- ၄င်း ကဗျာများကို ကျောက်စာ (ရှေးမြန်မာသင်ပုန်း) ပေါ်မှာ ရေးထိုးထားတာ ပါရှိပါတယ်။

- ကျောက်စာသင်ပုန်းအထက် တစ်နေရာမှာ ကလောင်တံပါအောင် ဖွဲ့ စည်းရေးထိုးထားပါတယ်။

- အမှတ်တရာ ရုပ်ထုကျောက်စာတိုင်ဟာ နေထွက်ရာ အရှေ့ အရပ်ကို ဦးတည်ထားရှိထားပါတယ်။

မိခင်ကြီး လူထုဒေါ်အမာ အထိမ်းအမှတ် အမှတ်တရ ပန်းပုကျောက်စာတိုင် အကောင်အထည်ဖေါ်ဖို့  စတင်ဆွေးနွေးဖြစ်ကြတာကတော့ အမေလူထု ဒေါ်အမာရဲ့  ဈာပန ကျင်းပတဲ့နေ့ ဖြစ်တဲ့ ၂၀၀၈ ခုနှစ်၊ ဧပြီလ (၉) ရက်နေ့ မှာ ဦးမျိုးထွဋ် (ပြည်သူ့ ရဲဘော်)၊ ကိုလေး (အင်းဝဂုဏ်ရည်)၊ ဒေါ်ခင်ခင်ဝင်း (ကလျာ)၊ ဦးနီတွတ် (သမိုင်းပါမောက္ခ)၊ ကိုမော်လင်း၊ ဒေါက်တာကျော်ကျော်မင်းနဲ့  ကိုကျော်သီဟတို့  အမေလူထု ဒေါ်အမာရဲ့  အရိုးပြာကို ဧရာဝတီမြစ်ထဲ မျှောစဉ် စတင်ဆွေးနွေးစကားပြောကြရာကနေ၊ အမေ လူထုဒေါ်အမာရဲ့  မိသားစုဝင်များနဲ့  စကားပြောဆိုရာကနေ စတင်ခဲ့တာ ဖြစ်ပါတယ်။

ယခုလို မိခင်ကြီး လူထုဒေါ်အမာ အထိမ်းအမှတ် အမှတ်တရ ပန်းပုကျောက်စာတိုင် ပေါ်ပေါက် တည်ဆောက်ခဲ့တာကို ၀မ်းမြောက်ဝမ်းသာ ဖြစ်ရသလို၊ ကွယ်လွန်ရှာပြီးဖြစ်သော အမေ လူထုဒေါ်အမာအတွက်လည်း ပိုမိုဂုဏ်ယူရသလို အမေ လူထုဒေါ်အမာကို ချစ်မြတ်နိုးကြသော မြန်မာပြည်သူလူထုအတွက်လည်း လွမ်းဆွတ်အောင်းမေ့မှု ဖြစ်ရပါတယ်။ မိခင်ကြီး လူထုဒေါ်အမာ အထိမ်းအမှတ် အမှတ်တရ ပန်းပုကျောက်စာတိုင် ဖြစ်မြောက်အောင်မြင်ရေးအတွက် အစမှအဆုံး အစွမ်းကုန် ကြိုးစား ဆောင်ရွက်ပေးခဲ့ကြသောသူများအားလုံးကိုလည်း ချီးကျူးလေးစား ကျေးဇူးအထူးတင်ရမှာ ဖြစ်ပါတယ်။ မိခင်ကြီး လူထုဒေါ်အမာ အထိမ်းအမှတ် အမှတ်တရ ပန်းပုကျောက်စာတိုင်ရဲ့  သမိုင်းမှတ်တိုင်မော်ကွန်း ထာဝရ တည်ပါစေသောဝ်။

(ကိုမင်းကျော်သက်နဲ့  ကိုမင်းရာတို့ ၏ ရေးသားဖေါ်ပြချက်အား ပြန်လည်ရေးသား ဖေါ်ပြခြင်း ဖြစ်ပါတယ်။ ပေးပို့ လာသော မိတ်ဆွေအားလည်း အထူးကျေးဇူးတင်ရှိပါတယ်။ လေးစားလျက် - နစ်နေမန်း) ။