အာဇာနည်ကျောင်းသားခေါင်းဆောင် ဆလိုင်းတင်မောင်ဦး၏ (၃၆) နှစ်မြောက် နှစ်ပတ်လည် အခမ်းအနား။

အာဇာနည်ကျောင်းသားခေါင်းဆောင် ဆလိုင်းတင်မောင်ဦး၏ (၃၆) နှစ်မြောက် နှစ်ပတ်လည် အခမ်းအနား။

စစ်အာဏာရှင်၏ ကြိုးပေးသတ်ဖြတ်ခြင်းကို ခံခဲ့ရသော အာဇာနည်ကျောင်းသားခေါင်းဆောင် "ဆလိုင်း တင်မောင်ဦး" ကျဆုံးခြင်း (၃၆) နှစ်မြောက် အောက်မေ့ဖွယ်အခမ်းအနားကို နိုင်ငံရေးအင်းအားစုများ ဖြစ်သော ၇၄၊ ၇၅၊ ၇၆ ကျောင်းသားလှုပ်ရှားမှုခေါင်းဆောင်များက ဦးဆောင်ကာ ရန်ကုန်မြို့၊ ဗဟန်းမြို့နယ်၊ တော်ဝင်နှင်းဆီ (သီရိခန်းမ) ၌ အစီအစဉ် (၁၄) ရပ်ဖြင့် ၂၆-၆-၂၀၁၂ နေ့ နံနက် (၁၀း ၀၀) နာရီမှ (၁၂း၀၀) နာရီထိ ကျင်းပခဲ့ကြောင်း သိရှိရပါသည်။

ယင်းအဆိုပါ အခမ်းအနားသို့ အမျိုးသားဒီမိုကရေစီအဖွဲ့ချုပ် နာယကကြီး ဘဘ၀င်းတင်နှင့် NLD လူငယ်များ၊ မင်္ဂလာတောင်ညွှန့်မြို့နယ် လွှတ်တော်အမတ် မဖြူဖြူသင်း၊ ၈၈-ကျောင်းသားခေါင်း ဆောင် ကိုမင်းကိုနိုင်၊ ဗကကကော်မတီဥက္ကဋ္ဌကျောင်းသားခေါင်း ကိုကျော်ဘိုဘို၊ ဗကသကော်မတီဖြစ်မြောက်ရေး ကျောင်းသားခေါင်းဆောင် ကိုဒီငြိမ်းလင်း စသောကျောင်းသားလူငယ်များနှင့် ၆၂၊ ၇၄၊ ၇၅၊ ၇၆ ကျောင်းသားလှုပ်ရှားမှုခေါင်းဆောင်များ၊ မီဒီယာများ အယောက် (၂၀၀) ကျော် တက်ရောက်ကြောင်း သိရှိရပါသည်။

ထိုအခမ်းအနားတွင် စစ်အာဏာရှင်၏ ကြိုးပေးသတ်ဖြတ်ခြင်းကို ခံခဲ့ရသော အာဇာနည်ကျောင်းသားခေါင်းဆောင် "ဆလိုင်း တင်မောင်ဦး" ကျဆုံးခြင်း (၃၆) နှစ်မြောက်အထိမ်းအမှတ် ကြေညာချက်ကိုလည်း အောက်ပါအတိုင်း ဆလိုင်းတင်မောင်ဦး၏ ညီဖြစ်သူ ဆလိုင်းဦးမြဒင်က ဖတ်ကြားထုတ်ပြန်ခဲ့ပါသည်။

ယနေ့ ၂၀၁၂ ခု ဇွန်လ ၂၆ ရက်နေ့သည် ကျောင်းသားခေါင်းဆောင် ဆလိုင်းတင်မောင်ဦး မတရားကွပ်မျက်ခံရသည့် ၃၆ နှစ်မြောက် နှစ်ပတ်လည် ဖြစ်ပါသည်။ ၃၆ နှစ်တိုင်ခဲ့ပြီဖြစ်သော်လည်း ကျွန်ုပ်တို့မိသားစု၏ နှလုံးသားများမှာ ကြေကွဲနေဆဲဖြစ်ပြီး ချစ်လှစွာသော အကို၊ ချစ်လှစွာသော သားကို သတိရစိတ်ဖြင့် ၀မ်းနည်းပူးဆွေးနေပါသည်။ အထူးသဖြင့် ကွပ်မျက်သတ်ဖြတ်ခံရသည့် နှစ်ပတ်လည်ဖြစ်သော ယနေ့တွင် သူ၏အကျဉ်းခန်းလေးထဲ၌ နောက်ဆုံးအချိန်များကို မည်ကဲ့သို့ ဖြတ်သန်းခဲ့မည်၊ မည်ကဲ့သို့ခံစားနေခဲ့မည်၊ မည်သည့်အကြောင်းအရာတို့ကို စဉ်းစားနေခဲ့မည်ကို ကျွန်ုပ်တို့ တွေးကြည့်မိပါသည်။ ဆလိုင်းတင်မောင်ဦးသည် သူ၏ မိဘမောင်ဘွားများကိုသာ ချစ်မြတ်နိုးတတ်သည့် ပုဂ္ဂိုလ်မျိုး မဟုတ်ဘဲ မြန်မာနိုင်ငံမှ စစ်အာဏာရှင်များ၏ အုပ်စိုးမှုအောက် ဖိနှိပ်ခံနေရသူ ပြည်သူပြည်သားအားလုံးကိုလည်း အလွန်တရာ ချစ်မြတ်နိုးသူ ဖြစ်ပေသည်။

စစ်အစိုးရသည် သူ့လုပ်ရပ်အတွက် သူ၏ အပြစ်မဲ့ မိဘများကို ဖမ်းဆီးထားခြင်းကြောင့် သူနှလုံးသားမှာ ကြေကွဲနေပါလိမ့်မည်။ သေဒဏ်မပေးမီနေ့ဖြစ်သည့် ၁၉၇၆ ခု ဇွန်လ ၂၅ ရက်၊ သောကြာနေ့တွင် စစ်အစိုးရက သူ့ကို မိဘနှစ်ဦးနှင့် ခဏတာမျှ တလှည့်စီ ပေးတွေ့ခဲ့သည်။ ဆလိုင်းတင်မောင်ဦး၏ လုပ်ရပ်များအတွက် တာဝန်ရှိသည်ဟု အစိုးရက ယူဆသဖြင့် မိဘနှစ်ပါးစလုံးကိုလည်း ထောင်ထဲ ထည့်ထားချိန် ဖြစ်ပါသည်။ သူ့ကို နောက်တနေ့တွင် ကြိုးပေးကွပ်မျက်မည်ကို မိဘများက မသိခဲ့ကြ၊ သို့ရာတွင် ဆလိုင်းတင်မောင်ဦးကမူ မိမိကို သတ်တော့မည်ကို သိနေခဲ့သည်။ သူ၏ ချစ်လှစွာသော အမေနှင့် အဖေကို နောက်ဆုံးတွေ့ရခြင်းဖြစ်ကြောင်း သိနေခဲ့သည်။ သို့ဖြစ်စေကာမူ သူ ကွပ်မျက်ခံရတော့မည်ဖြစ်ကြောင်း ချစ်လှစွာသော မိဘများကို ပြောမထွက်ခဲ့ပေ။ သူ့ကြောင့် အပြစ်မရှိသည့် မိဘများကို စစ်အစိုးရက ထောင်ဒဏ်ငါးနှစ်ချခဲ့သည်ကို သူတွေ့ခဲ့သည်။ ထိုနေ့က မိဘများ၏ မျက်နှာကို မြင်ရချိန်၌ မည်မျှအထိ နာကြင်ကြေကွဲစွာခံစားရမည်ကို ကျွန်ုပ်တို့ မှန်းဆကြည့်နိုင်စွမ်း မရှိပါ။ ဤကား စစ်အာဏာရှင်တို့၏ ရက်စက်ကြမ်းကြုတ်မှုကို ပြနေခြင်း ဖြစ်ပေသည်။ ၄င်းတို့သည် ဆလိုင်းတင်မောင်ဦးကို သတ်ရုံသာ သတ်သည်မဟုတ်ဘဲ မသေခင် နာကြင်ကြေကွဲအောင်လည်း ခံစားသွားစေချင်ကြပါသည်။

ဆလိုင်းတင်မောင်ဦးသည် အလွန်မှ ကျန်းမာသန်စွမ်း၍ အားကစားလိုက်စားသူ ဖြစ်ပါသည်။ ပါးကွက်သားများက ကြိုးစင်မှ ဒေါက်ကို ဖြုတ်လိုက်သည့်အခါ ဆလိုင်းတင်မောင်ဦးးမှာ သန်မာလှသဖြင့် အလွယ်တကူ မသေခဲ့ပေ၊ ကြိုးတန်းလန်းဖြင့် ရှိနေချိန်တွင် အသက်ကို အတင်းလုရှူနေခဲ့သည်၊ အလွယ်တကူ မသေနိုင်သည်ကို အာဏာပိုင်တို့ တွေ့သည်အခါ သွေးအေးသည့် လူသတ်ကောင်တစ်ဦးက ဆလိုင်းတင်မောင်ဦး ပခုံးပေါ်တက်၍ ထပ်တလဲလဲ ဆောင့်ချကာ ပိုမိုဒဏ်ရာပြင်းစေပြီး သေချာပေါက် အသက်ထွက်အောင် လုပ်ခဲ့သည်၊ ဤသည်မှာ ဆလိုင်းတင်မောင်ဦး၏ ဘ၀ အဆုံးသတ်သွားရသည့် လူမဆန်လှသောနည်းပင် ဖြစ်ပါသည်။ ဤသည်မှာ တက္ကသိုလ်ကျောင်းသားတဦးကို သတ်ရန် အာဏာရှင်ကြီး လိုလားသည့် လူမဆန်လှသောနည်းပင် ဖြစ်သည်။

ဆလိုင်းတင်မောင်ဦးမှာ တက္ကသိုလ်ကျောင်းသားတစ်ဦးမျှသာ ဖြစ်ပါသည်၊ သူသည် အသက်ရှင်နေစဉ်က မိမိပြည်သူများဖြစ်သည့် မြန်မာပြည်သူတို့အတွက် ပိုမိုကောင်းမွန်သော အနာဂတ် မြင်ချင်သည့် သူ့ ဆန္ဒကို ဖော်ထုတ်ပြခဲ့ပါသည်။ ဤသည်မှာ ရာဇ၀တ်မှု မဟုတ်၊ သူ့ကို ကွပ်မျက်သတ်ဖြတ်ခြင်းသည်သာ ရာဇ၀တ်မှု ဖြစ်ပါသည်။ အသက် ၂၄ နှစ်သာ ရှိသေးသည့် တက္ကသိုလ်ကျောင်းသားငယ်တစ်ဦးအဖြစ် သူသည် နှလုံးသားဝယ် ယုံကြည်ချက် ခိုင်မြဲစွာဖြင့် သေခြင်းကို သတ္တိရှိရှိရင်ဆိုင်ခဲ့ပါသည်။ ကြိုးစဉ်ပေါ်မှ သူ၏ နောက်ဆုံးစကားများမှာ "မင်းတို့ ငါ့ခန္ဓာကိုယ်ကို သတ်လို့ ရချင်ရမယ်၊ ဒါပေမယ့် မင်းတို့ င့ါယုံကြည်ချက်တွေ ငါရပ်တည်ချက်တွေကို ဘယ်တော့မှ သတ်လို့ရမှာ မဟုတ်ဘူး၊ ငါ ဘယ်တော့မှ စစ်ဖိနပ်အောက်ကို ဒူးမထောက်ဘူးကွ' ဟူ၍ ဖြစ်ပါသည်။ အာဏာရှင်အုပ်စိုးရှိနေသရွေ့ ပြည်သူတို့သည် မတရားမှုများကို ခံနေရမည်ဟု သူ ယုံကြည်နေခဲ့ပါသည်။ ယင်းအမှန်တရား၊ ယင်းယုံကြည်ချက်ကို သူ့နှလုံးသားအတွင်းဝယ် ထာဝစဉ် စွဲမြဲထားပါသည်။

ဝမ်းနည်းစရာကောင်းသည်မှာ ဆလိုင်းတင်မောင်ဦး ကျဆုံးပြီးနောက် ၃၆ နှစ်ကြာခဲ့သော်လည်း စစ်အစိုးရ၏ အာဏာရှင်အုပ်စိုးမှု မြန်မာနိုင်ငံတွင် ဆက်လက်တည်ရှိနေခြင်းပင် ဖြစ်ပါသည်။ ဆလိုင်းတင်မောင်ဦးအကြောင်း စဉ်းစားမိ၍ ကျွန်ုပ်တို့နှလုံးသားများ ၀မ်းနည်းကြေကွဲနေရချိန်တွင် စစ်အစိုးရလက်အောက်၌ နည်းမျိုးစုံဖြင့် ဒုက္ခရောက်ခဲ့ကြသူများ မိသားစုများအတွက်လည်း ကျွန်ုပ်တို့ နှလုံးသားများ ခံစားရပါသည်။

၁၉၆၂ ခု ဂျူလိုင် ၇ ရက်နေ့တွင် ကျောင်းသားသမဂ္ဂအဆောက်ဦးကို ဒိုင်း နမိုက်ဖြင့် ဖြိုခွဲခဲ့သည်၊ ၁၉၇၄ ခုနှစ်တွင် အထွေထွေအလုပ်သမားသပိတ်ကြီးပေါ်ပေါက်ခဲ့ပြီး အလုပ်သမားများက မိမိတို့ မိသားစုများအတွက် ဆီဆန်တောင်းသည်ကို ကျည်ဆံများပေးကာ ရက်ရက်စက်စက် သတ်ဖြတ်ပစ်ခဲ့သည်။ ၁၉၇၄ ခုတွင် ဦးသန့်အရေးတော်ပုံဖြစ်ခဲ့ရာ ကျောင်းသားများ ၊ အရပ်သားများ၊ သံဃာများကို အကြမ်းဖက် သတ်ဖြတ်ခဲ့သည်၊ ၁၉၇၅ ခုတွင် အထွေထွေအလုပ်သမားသပိတ်ကြီး၏ နှစ်ပတ်လည်သပိတ် ပေါ်ခဲ့သည်၊ ၁၉၇၆ ခု မတ်လတွင် သခင်ကိုယ်တော်မှိုင်းရာပြည့် ချီတတ်ပွဲဖြစ်ခဲ့သည်၊ ၁၉၈၈ တွင်မူ ၈၈၈၈-လေးလုံးအရေးတော်ပုံကြီး ဖြစ်ပေါ်ပြီး ပြည်သူလူထု ထောင်နှင့်ချီ်၍ သတ်ဖြတ်ခံရသည်။ ၂၀၀၃ မေလတွင် ဒီပဲရင်းလူသတ်ပွဲ ဖြစ်ခဲ့သည်၊ ၂၀၀၇ ခုတွင် ရွှေဝါရောင် သံဃာ့အရေးတော်ပုံ ဖြစ်ခဲ့သည်၊ ဤအရေးတော်ပုံများအားလုံးတွင် မရေမတွက်နိုင်သည့် ဒုက္ခရောက်သူများရှိခဲ့သလို တိုင်းရင်းသားနယ်မြေများတွင် တောက်လျှောက် တောက်လောင်နေသော ပြည်တွင်းစစ်ကြောင့် ယခုအချိန်၌ပင် ဒုက္ခရောက်လာသူများလည်း ရှိသည်၊ အထူးသဖြင့် ကချင်ပြည်နယ်တွင်းမှ စစ်ပွဲကြောင့် ဒုက္ခရောက်သူ များလာသည်။ အမျိုးသမီးများ မုဒိန်းကျင့်ခံရသည်၊ အိုးအိမ်များ၊ သို့မဟုတ် ရွာလုံးကျွတ် လုယက်ခံရ မီးရှို့ခံရသည်၊ မိသားစုဝင်များ အဓမ္မလုပ်အားပေးခိုင်းခံရပြီး မိမိချစ်ရသူများနှင့် ထာဝရ ခွဲခွါသွားရသည်။ ဤရာဇ၀တ်မှုများကို ကျူးလွန်သူတို့ အပြစ်မခံရဘဲ ကင်းလွတ်ခွင့်ရနေသည်မှာ လုံးဝလက်မခံနိုင်စရာ ဖြစ်ပါသည်။ ယင်းကင်းလွတ်ခွင့်ကို ၂၀၀၈ အခြေခံဥပဒေပုဒ်မ ၄၄၅ တွင် တွေ့ရသည်။ နောင်တ တရားမရသည့် အဆိုပါ ရာဇ၀တ်ကောင်များမှာ လွတ်လွတ်လပ်လပ် သွားလာနေကြပြီး ပြစ်ဒဏ်ကင်းလွတ်ခွင့်ကို ခံစားနေကြပါသည်။ ပြစ်ဒဏ်ကင်းလွတ်ခွင့်ဥပဒေကို ဖျက်သိမ်းပြီး ခံရသူအားလုံး တရားမျှတမှုကို လွတ်လပ်စွာ ရယူနိုင်သင့်ပါသည်။ မြန်မာစစ်အစိုးရ ကျူးလွန်ခဲ့သည့် အော့ နှလုံးနာဖွယ် ရာဇ၀တ်မှုအားလုံးကို စေ့စေ့စပ်စပ် စစ်ဆေးသင့်ပါသည်။ သို့မဟုတ်ပါက မြန်မာနိုင်ငံတွင် တရားဥပဒေအာဏာ ပိုင်စိုးသည်ဟု မည်သို့ပြောနိုင်မည်နည်း၊ မြန်မာနိုင်ငံမှ လက်ရှိအစိုးရသည် မကြာသေးမီက ကမ္ဘာတလွှားမှ အာဏာရှင်များ မည်သို့ဖြစ်သွားသည်ကို လေ့လာသင့်သည်၊ ထို့အပြင် လစ်ဗျားနိုင်ငံမှ မိုဟာမာ ဂါဒါဖီ၊ ကမ္ဘောဒီးယားနိုင်ငံမှ ကိုင်ဂုက်အိဗ်၊ လိုင်ဘေးရီးယားနိုင်ငံမှ ချားလ်စ်တေလာ၊ ယူဂိုဆလားဗီးယားမှ မီလိုဆီဗစ်၊ အီဂျစ်နိုင်ငံမှ ဟော့စ်နီမူဘာရက်တို့ကဲ့သို့ လူသားမျိုးနွယ်ကို ဆန့် ကျင်သည့် ရာဇ၀တ်မှုများ ကျူးလွန်ခဲ့သည့် အာဏာရှင်များကိုလည်း လေ့လာသင့်သည်။

အရပ်သားအစိုးရဆိုသည့်အထဲတွင်၎င်း၊ နိုင်ငံရေးသမားများ သို့မဟုတ် နိုင်ငံရေးပါတီများထဲတွင်၎င်း၊ တစုံတယောက်ကမှ အဆိုပါ ဒုက္ခခံရသူများအပေါ် သို့မဟုတ် ဒုက္ခခံရသူများ၏ အခွင့်အရေးများအပေါ် လုံလုံလောက်လောက် အလေးထားမနေခြင်းကို တွေ့ရသည်မှာ ၀မ်းနည်းစရာကောင်းသည်။ ရင်ကြားစေ့ရေးဖြစ်စဉ်ဆိုသည့်အရာကလည်း ကျူးလွန်ခံရသူတို့၏ အခွင့်အရေးများကို အသိအမှတ်ပြုရေးဟူသော အဓိက ပြဿနာရပ်အပေါ်တွင် အသံတိတ်နေကြပါသည်။ ကျူးလွန်ခံရသူများနှင့် ၄င်းတို့၏ အခွင့်အရေးများကို နိုင်ငံတော်က အရင်ဦးစွာ တရားဝင်အသိမှတ်မပြုဘဲနှင့် စစ်မှန်သည့် အမျိုးသားပြန်လည်သင့်မြတ်ရေး မရနိုင်ဟု ကျွန်ုပ်တို့ ယူဆပါသည်။ ထို့နောက်တွင် ရွံရှာဖွယ်ရာဇ၀တ်မှုများကို ကျူးလွန်ခဲ့သူများအနေဖြင့် ထိုပြစ်မှုများအတွက် တာဝန်ခံစေရမည် ဖြစ်ပါသည်။ သို့မှသာ အလားတူ ရာဇ၀တ်မှုများကို နောက်ထပ်ဘယ်တော့မှ မကျူးလွန်ဘဲနေကြမည် ဖြစ်ပါသည်။ ယင်းနောက် တရားစီရင်ရေး၊ တပ်မတော်၊ ရဲနှင့် အခြားလုံခြုံရေးတပ်ဖွဲ့များကဲ့သို့ နိုင်ငံတော်အဖွဲ့အစည်းများကို ထိရောက်စွာ အသွင်ပြောင်းလဲပစ်ရမည် ဖြစ်သည်။ ဤသို့ဖြင့် ၄င်းဌာနများသည် စစ်အာဏာရှင်အဆက်ဆက်အတွက် ဖိနှိပ်ရေးကရိယာများဖြစ်နေမည့်အစား လူ့အခွင့်အရေး၊ တရားမျှတမှု၊ လွတ်လပ်မှုနှင့် ငြိ်မ်းချမ်းမှုတို့ကို ဆောင်းကျဉ်းပေးသည့် ယန္တရားများ ဖြစ်လာပေမည်။ အဆိုပါ ခြေလှမ်းများကို မဆောင်ရွက်လျှင် ဒုက္ခခံခဲ့ရသူများအတွက် ကုစားမှုဖြစ်စဉ်မှာ ဘယ်တော့မှ ပြည့်စုံပြီးမြောက်မည် မဟုတ်ပေ။

အရပ်ဝတ်အရေခြုံထားသော စစ်အစိုးရသည် စစ်မှန်သည့် အမျိုးသားပြန်လည်သင့်မြတ်ရေး ထူထောင်လိုသည့် နိုင်ငံရေးဆန္ဒကို သက်သေပြလိုပါက ကျူးလွန်ခံရသူများအတွက် အထက်ဖော်ပြပါ အဆင့်သုံးဆင့် ကုစားရေးဖြစ်စဉ် အဆင်ပြေချောမွေ့စေရန်အတွက် အနိမ့်ဆုံးအားဖြင့် အောက်ဖော်ပြပါ လုပ်ငန်းများကို လုပ်ငန်းပေါင်းများစွာအနက်မှ စတင် အကောင်ထည်ဖော်ရန် ကျွန်ုပ်တို့က တောင်းဆိုလိုက်ပါသည်။

၁။ ၁၉၆၂ ခု ဂျူလိုင် ရ -၇က်နေ့၌ အစုလိုက် အပြုံလိုက် အသတ်ခံရသော ကျောင်းသားများ အပါအ၀င် ဆိုးယုတ်လှသော ရာဇ၀တ်မှုများ ကျူးလွန်ခံရသူအားလုံးအတွက် မှတ်တမ်းတင်သည့်ဖြစ်စဉ်ကို အစိုးရက အမြန်ဆုံး စတင်မည်ဖြစ်ကြောင်း ယခု တရားဝင်ကြေငြာရန်။

၂။ အသက်စွန့်လှူခဲ့ကြသော ကျောင်းသားခေါင်းဆောင်များအတွက် အမှတ်တရ မှတ်တမ်းများကို အတ္ထုပ္ပတ္တိအကျဉ်းချုပ်များနှင့်အတူ မကြာမီ စတင်တည်ဆောက်ရမည့် ကျောင်းသားသမဂ္ဂ အဆောက်ဦးအသစ်ထဲတွင် ထားရှိရန်။

၃။ ကျောင်းသားသမဂ္ဂများကို တပြည်လုံး အနှံ့ လွတ်လပ်စွာ ထူထောင်လှုပ်ရှားခွင့်ပြုရန်နှင့် ဤအတွက် ပြင်ဆင်ဖို့လိုအပ်သည့် ဥပဒေအားလုံးကို ပြင်ဆင်ရန်။

- ဆလိုင်းတင်မောင်ဦး၏မိသားစု (ကနေဒါနိုင်ငံ)
- ဆက်သွယ်ရန်
- အမည်- မလှမြိုင် (မိုင်ပိုပို)
- ဖုံး - ၁+ (၇၇၈)၂၁၇-၉၈၄၆

(သတင်း ဓါတ်ပုံ - လင်းဆက်)။