အစိုးရသတင်းများ၊ Internet Website တို့မှ လွှတ်တော် ကိုယ်စားလှယ်များအပေါ် ဝေဖန်တိုက်ခိုက်နေမှုများနှင့် ပတ်သက်၍။

အစိုးရသတင်းများ၊ Internet Website တို့မှ လွှတ်တော် ကိုယ်စားလှယ်များအပေါ် ဝေဖန်တိုက်ခိုက်နေမှုများနှင့် ပတ်သက်၍။

အမေး၊

ရှမ်းပြည်နယ် အရှေ့ပိုင်း၊ ကျိုင်းတုံ မဲဆန္ဒနယ်မှ ပြည်သူ့ လွှတ်တော်ကိုယ်စားလှယ် ဦးစတီဖန်ဖြစ်ပါတယ်။

ကျွန်တော် မေးမြန်းမှာက အစိုးရသတင်းများ၊ Internet Website တို့မှ လွှတ်တော် ကိုယ်စားလှယ်များအပေါ် ဝေဖန်တိုက်ခိုက်နေမှုများနှင့် ပတ်သက်၍ လွှတ်တော်မှ တုံ့ပြန်ဆောင်ရွက် နေမှုများနှင့် ပတ်သက်၍ ဆက်စပ်နေသည့် မေးခွန်းများ မေးမှာဖြစ် ပါတယ်ခင်ဗျား။

လေးစားအပ်ပါသော ဥက္ကဋ္ဌကြီးခင်ဗျား။

တတိယမေးခွန်းအဖြစ် မေးမြန်းလိုသည်မှာ ပြည်ထောင်စု လွှတ်တော်ကို ပြည်သူ သန်း ၆၀ အတွက် ကိုယ်စားပြုထားသည့် ပြည်သူ့လွှတ်တော် ကိုယ်စားလှယ်ဖြင့် ဖွဲ့စည်းထားခြင်းဖြစ်ပါသည်။ ယခုအချိန်အခါတွင် လွှတ်တော်များနှင့် လွှတ်တော် ကိုယ်စားလှယ်များ၏ ဂုဏ်သိက္ခာ ကျဆင်းအောင် နည်းမျိုးစုံဖြင့် တိုက်ခိုက်နေခြင်းကို ပြည်သူလူထုကို စော်ကား တိုက်ခိုက်နေခြင်း ဖြစ်ကြောင်း သိရှိပါသလား။

သိရှိပါက ယင်းကဲ့သို့ ဆောင်ရွက်နေမှုများ အပေါ် လွှတ်တော်က မည်ကဲ့သို့ သဘောထားသည်ကို သိရှိလိုပါသည်။ ယခုအချိန်သည် မြန်မာနိုင်ငံ ကို ဒီမိုကရေစီနိုင်ငံတော်အဖြစ် တည်ဆောက်နေသည့်ကာလဖြစ်ပါသည်။ ထိုသို့ တည်ဆောက်နေ သည့်အခါ ဒီမိုကရေစီကျင့်စဉ်ြဖင့် မှန်ကန်စွာ အကောင်အထည်ဖော်တည်ဆောက်သွားရန် လိုအပ်ပါ သည်။ အမှန်တကယ် တည်ဆောက်မည်ဆိုပါက လွှတ်တော်များ၏ ကဏ္ဍကို ပီပြင်စွာ ဆောင်ရွက် နိုင်ပါမှ ဒီမိုကရေစီစနစ်ပီပြင်စွာဖြစ်ထွန်းမည်ဖြစ်ပါသည်။ ထိုသို့ဆောင်ရွက် နိုင်ရေး အတွက် လွှတ်တော်က မည်ကဲ့သို့ သဘောထားရှိသည်ကို သိရှိလိုပါသည်ခင်ဗျား။ အားလုံးကို ကျေးဇူး တင်ပါတယ်။

အဖြေ။

ဒေါက်တာစိုးရင် (အတွင်းရေးမှူး၊ လွှတ်တော်အခွင့်အရေး ကော်မတီ) ။

လေးစားအပ်ပါသော ပြည်သူ့လွှတ်တော် ဥက္ကဋ္ဌကြီးနှင့် လွှတ်တော်ကိုယ်စားလှယ်များ၊ ဖိတ်ကြားထားသော ဧည့်သည်တော်များအား မင်္ဂလာပါလို့ နှုတ်ခွန်းဆက်သအပ်ပါတယ်။ ကျွန်တော်ကတော့ ပြည်သူ့ လွှတ်တော် အခွင့်အရေးကော်မတီ အတွင်းရေးမှူး ဒေါက်တာစိုးရင်ဖြစ်ပါတယ်။ ကျွန်တော့်အနေနဲ့ ကျိုင်းတုံ မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးစတီဖန်ရဲ့ မေးခွန်းများကို ပြည်သူ့လွှတ်တော် အခွင့်အရေး ကော်မတီကိုယ်စား ဖြေကြားမှာဖြစ်ပါတယ်။

တတိယမေးခွန်းဖြစ်တဲ့ လွှတ်တော်များနှင့် လွှတ်တော်ကိုယ်စားလှယ်များ၏ ဂုဏ်သိက္ခာ ကျဆင်းအောင် နည်းမျိုးစုံဖြင့်တိုက်ခိုက်နေခြင်းသည် ပြည်သူလူထုကို စော်ကားတိုက်ခိုက်နေခြင်း ဖြစ်ကြောင်း သိရှိပါသလား။ သိရှိပါက ယင်းကဲ့သို့ ဆောင်ရွက်မြေမှုများအပေါ် လွှတ်တော်က မည်ကဲ့သို့ သဘောထားသည်ဆိုတဲ့ မေးခွန်းကို ဖြေကြားပါမယ်။

ဥက္ကဋ္ဌကြီးခင်ဗျား။

ယခုအခါမှာ လွှတ်တော်မှ ဥပဒေနှင့်အညီဆောင်ရွက်နေတဲ့ လုပ်ငန်းတွေရဲ့ အဖြစ်မှန်အချက်အလက်တွေပေါ်မှာ ထင်ရောင်ထင်မှားဖြစ်နေစေနိုင်တဲ့ ဝေဖန်သုံးသပ်မှုတွေ လွှတ်တော်များနှင့် လွှတ်တော်ကိုယ်စားလှယ် များရဲ့ ဂုဏ်သိက္ခာကို ကျဆင်းစေတဲ့ ဖော်ပြချက်တွေ ဝေဖန်သုံးသပ်မှုတွေ လွှတ်တော်ကိုယ်စားလှယ် များက ပြည်ထောင်စုအဆင့် ပုဂ္ဂိုလ်တွေခံစားရသလို ခံစားခွင့်တွေ လိုချင်နေတဲ့ ပုံစံမျိုးတွေနဲ့ နိုင်ငံပိုင် သတင်းစာများ၊ သတင်းမီဒီယာများ၊ Internet Website များက တစ်ဖက်သတ်ဝေဖန်တိုက်ခိုက်မှု တွေကို ပြည်ထောင်စုလွှတ်တော်တစ်ရပ်လုံးနှင့် လွှတ်တော်ကိုယ်စားလှယ်များ အားလုံးက သိရှိနား လည်သဘောပေါက်လျက်ရှိပါကြောင်း လွှတ်တော်အခွင့်အရေး ကော်မတီကိုယ်စား ဖြေကြားအပ်ပါ တယ်။

ဥက္ကဋ္ဌကြီးခင်ဗျား။

ဒီလို ရေးသားဖော်ပြနေကြတာဟာ ပြည်သူများနှင့်လွှတ်တော်များအကြား ပြည်သူများနှင့် လွှတ်တော်ကိုယ်စားလှယ်များအကြား အထင်အမြင်လွဲများမှုတွေ ပေါ်ပေါက်စေဖို့ ရည်ရွယ်ချက်ထားပြီး ရေးသားဖော်ပြတိုက်ခိုက်နေကြတာဖြစ်ပါတယ်။ လွှတ်တော်များရဲ့ကဏ္ဍဟာ ဒီမိုကရေစီနိုင်ငံတော်သစ်ရဲ့ အဓိကမဏ္ဍိုင်ကြီးတစ်ခုဖြစ်ပါတယ်။ လွှတ်တော်များရဲ့ ဂုဏ်သိက္ခာကို ကျဆင်းအောင်ဆောင်ရွက်နေခြင်းဟာ ဒီမိုကရေစီနိုင်ငံတော်သစ်ရဲ့ ဂုဏ်သိက္ခာကို ကျဆင်းအောင် ဆောင်ရွက်နေခြင်း ဖြစ်ကြောင်း လွှတ်တော် ကိုယ်စားလှယ်များ အားလုံးက သဘောထား ထားရှိပါကြောင်း တင်ပြလိုပါတယ်။ ကျွန်တော်တို့ လွှတ်တော် များဟာ ပြည်သူသန်း ၆၀ ကို ကိုယ်စားပြုတဲ့ လွှတ်တော်များဖြစ်ပါတယ်။ ဒါကြောင့် ပြည်ထောင်စု လွှတ်တော်ရဲ့ ဂုဏ်သိက္ခာကို ကျဆင်းအောင် နည်းမျိုးစုံနှင့် တိုက်ခိုက်နေခြင်းသည် ပြည်သူလူထုကို စော်ကား တိုက်ခိုက် နေခြင်းဖြစ်ကြောင်း လွှတ်တော်က သဘောထားပါကြောင်း တင်ပြလိုပါတယ်။ လွှတ်တော်နည်းတူ သန်း ၆၀ သော ပြည်သူအပေါင်းတို့ကလည်း နားလည် သဘောပေါက် နေကြတာဖြစ်ပါတယ်။ ဒါကြောင့် ဒီလိုဆောင်ရွက်မှုများ အတွက် ပြည်သူ သန်း ၆၀ ရဲ့ ဒဏ်ခတ်ခြင်းကို ခံကြရမှာဖြစ်ကြောင်း လွှတ်တော်ရဲ့ သဘောထားကို တင်ပြအပ်ပါတယ်။

တုန့် ပြန်ချက်။

(၁)။ အစိုးရသတင်းများ၊ Internet Website တို့မှ လွှတ်တော် ကိုယ်စားလှယ်များအပေါ် ဝေဖန်တိုက်ခိုက်နေမှုများနှင့် ပတ်သက်၍ ဆိုရာမှာ - အစိုးရထိန်းချူပ်ထားသော တစ်ဖက်သတ် ဖေါ်ပြနေသည့် နိုင်ငံတော်ပိုင် သတင်းစာဟုဆိုသည့် ကြေးမုံ မြန်မာ့အလင်း မြန်မာတိုင်းမ်သတင်းစာများနှင့်တစ်ကွ မြန်မာရုပ်မြင်သံကြား အစိုးရဘက်တော်သား အုပ်စုလိုက် သတင်းအမှားများ ဖြန့် နေသော အင်တာနက်စာမျက်နှာများသည် မှန်ကန်မှု ရှိပါရဲ့ လား။ မမှန်မကန် မှားယွင်းစွာ ဖေါ်ပြနေသော အဆိုပါ အစိုးရသတင်းဟုဆိုသည့် သတင်းများကို ဝေဖန်မှုပြုခြင်းသည် အမှန်တရားအတွက် ထောက်ပြခြင်းဟု သတ်မှတ်ပါမည်လား (သို့ ) အမှားများကို ထောက်ပြချင်းအား တိုက်ခိုက်ခြင်းဟု စွပ်စွဲပါမည်လား။

(၂)။ လွှတ်တော်ကိုယ်စားလှယ်များအပေါ်ပြောဆိုနေမှုများနှင့် ပတ်သက်၍ လွှတ်တော်ကိုယ်စားလှယ်ဆိုသည်မှာ မိမိတို့ သက်ဆိုင်ရာနေရာဒေသမှ ပြည်သူလူထု၏ ရွေးကောက်မှုအပေါ် အခြေခံ၍ တင်မြှောက်ရွေးချယ်ခံမှုမှစကာ မဲဆန္ဒနယ်မြေအခြေခံ ပြည်သူလူထုအတွက်အပါအ၀င် တိုင်းပြည်နှင့် လူမျိုးတစ်ရပ်လုံးအကျိုးအတွက် ကိုယ်စားပြု ပြောဆိုဆောင်ရွက်ရသည့် တစ်နည်းပြောရလျှင် ပြည်သူလူထုမှ ပြောဆိုလိုလားသည့်ဆန္ဒများကို ပြည်သူလူထုမှ ခိုင်းစေတာဝန်ပေးအပ်သည့်အတိုင်း တစ်သွေမသိမ်း ဆောင်ရွက်ပေးရမည့်သူများ ဖြစ်သည်။ ထိုသို့ သော ဆောင်ရွက်မှုမရှိ ကြိုးပမ်းမှုမရှိဘဲ ပြည်သူလူထုလခစား၍ “မပြုတ် မရှုပ် မလုပ်” ဘဲ လွှတ်တော်ထဲတွင် ထိုင်ရုံမျှ ထိုင် ငိုက်မြည်းနေရုံသမက မိမိအကျိုးစီးပွားအတွက် နေရာမြဲအောင် အမှန်ဖေါ်ထုတ်ဖို့  ဝေးစွ အမှားများအား သိသိကြီးဖြင့် ငြိမ်နေ ထောက်ခံနေသည့် လွှတ်တော်ကိုယ်စားလှယ်များအပေါ် ဝေန်ဖန်မှုပြုခြင်းသည် အမှန်တရားအတွက် ထောက်ပြခြင်းဟု သတ်မှတ်ပါမည်လား (သို့ ) အမှားများကို ထောက်ပြချင်းအား တိုက်ခိုက်ခြင်းဟု စွပ်စွဲပါမည်လား။

(၃)။ ပြည်ထောင်စု လွှတ်တော်ကို ပြည်သူ သန်း (၆၀) အတွက် ကိုယ်စားပြုထားသည့် ပြည်သူ့လွှတ်တော် ကိုယ်စားလှယ်ဖြင့် ဖွဲ့စည်းထားခြင်းဖြစ်သည်။ လွှတ်တော်များနှင့် လွှတ်တော် ကိုယ်စားလှယ်များ၏ ဂုဏ်သိက္ခာ ကျဆင်းအောင် နည်းမျိုးစုံဖြင့် တိုက်ခိုက်နေခြင်းကို ပြည်သူလူထုကို စော်ကား တိုက်ခိုက်နေခြင်း ဖြစ်ကြောင်း သိရှိပါသလားဟု ဆိုရာတွင် - လက်ရှိ လွှတ်တော် ပေါ်ပေါက်ခဲ့သည့် သန္ဓေမမှန် အခြေမခိုင် မျိုးမမှန်သည့် လွှတ်တော်ဖြစ်သည်ကို ပြည်သူလူထု သန်း (၆၀) က ပြန်ပြောစေချင်လျှင် အဆိုပါ လွှတ်တော်အတွင်းသို့  ပြည်သူလူထု မည်သူမဆိုကို ဆန္ဒအမှန်အတိုင်း အများပြည်သူမျက်မြင် ရှေ့ မှောက် ပြောဆိုခိုင်းရဲပါသလား။

သို့ ဖြစ်၍ မမှန်ကန်သော လွှတ်တော်များနှင့် လွှတ်တော် ကိုယ်စားလှယ်များအား ဝေဖန်ပြုခြင်းသည် စစ်မှန်သော ဒီမိုကရေစီနိုင်ငံတိုင်းတွင် နိုင်ငံသားတစ်ဦးချင်းစီတိုင်း ပြောဆိုနိုင်သော နိုင်ငံသားတစ်ဦး၏ အခွင့်အရေးဖြစ်သည်။ ဤသို့  လွှတ်တော်များနှင့် လွှတ်တော် ကိုယ်စားလှယ်များအား ဝေဖန်မှုပြုခြင်းအား ပြည်သူလူထုကို စော်ကား တိုက်ခိုက်နေခြင်း ဖြစ်ကြောင်းဟု လိုရာဆွဲပြောပြီး ပြည်သူလူထုနှင့် ရန်တိုက်ခြင်းသည် ပြည်သူလူထုမှ ပြည်သူလူထုကိုယ်စားပြုစေလိုသူများ မဟုတ်မမှန် လုပ်ဆောင်နေမှုကို ပြည်သူလူထုမှပင်လျှင် ပြောဆိုနေခြင်း ဖြစ်သည်ကို ငပြူးမှ ငပြဲလုပ်နေခြင်းပင် ဖြစ်သည်။

(၄)။ အဆိုပါ မေးခွန်းများကို ပြန်လည်ဖြေကြားသည့် ဒေါက်တာစိုးရင် (အတွင်းရေးမှူး၊ လွှတ်တော်အခွင့်အရေး ကော်မတီ) ဆိုသူသည် ကြားထဲမှ ငနွား ခါးဝင်နာနေခြင်းသာ ဖြစ်ပေသည်။ အဘယ့်ကြောင့်ဆိုသော် ဤမေးခွန်းများသည် ပြည်သူ့ လွှတ်တော်ဥက္ကဋ္ဌဆိုသူကြီးများနှင့် ပြည်သူ့ လွှတ်တော်အတွင်းရှိ ပြည်သူ့ ကိုယ်စားလှယ်ဟု အမည်ခံထားသူအားလုံးအား တစ်ဦးချင်းစီသဘောထား သိရှိရန် မေးမြန်းသော မေးခွန်းများဖြစ်သည့်အတွက် ဒေါက်တာစိုးရင်အနေဖြင့်လည်း တစ်ဦးတည်း ဖြေကြားရန်မလိုသလို၊ ပြည်သူ့လွှတ်တော် အခွင့်အရေး ကော်မတီကသာ (သို့ ) ကော်မီတီကိုယ်စား ဖြေကြားရန် တာဝန်မရှိပေ။

(၅)။ အဆိုးများ ရှိနေသည်ကို အဆိုးမမြင်သူသည် မျက်စိရှိလျက်နှင့် ကန်းနေသူပင်ဖြစ်သည်။ အဆိုများဖြစ်နေသည်ကို မသုံးသပ်နိုင်သူသည် ကိုယ်ပိုင်ဦးနှောဏ်ရှိလျှက်နှင့် ဦးနှောဏ်သေနေသူပင် ဖြစ်သည်။ အဆိုးများအကြေင်း ကြားနေလျှက်နှင့် မကြားချင်ယောင်ဆောင်နေသူသည် နားပါလျက်နှင့် ထိုင်းနေသူပင်ဖြစ်သည်။ အဆိုးများပြောဆိုနေသည်ကို သိလျက်နှင့် နှုတ်ငုံပိတ်နေသူသည် ပါးစပ်ပါလျှက်နှင့် အ နေသူပင်ဖြစ်သည်။ အဆိုးများအကြောင်း မြင်တွေ့  ကြားသိလျှက်နှင့် အကောင်းအတွက် ကြိုးစားပြုပြင်မဆောင်ရွက်သည့်အပြင် အဆိုးများ အားများစေရန်အတွက် ပံ့ပိုးပေးနေသူများသည် အမှန်တရားသစ္စာအတွက် သူရဲဘောကြောင် လူသားမပီသသူများပင် ဖြစ်ပေသည်။

သို့ ဖြစ်၍ အစိုးရသတင်းများ၊ လွှတ်တော် ကိုယ်စားလှယ်များမှ မမှန်လျှင် မမှန်သောအဖြစ်များ တွေ့ သိမြင်တွေ့ ကြားနေရပါက အင်တာနက်စာမျက်နှာများ၌တင်သာမက ပြည်သူလူထုအကြား ဝေဖန်သုံးသပ်ထောက်ပြမှုများ ဆက်လက်ပေါ်ပေါက်နေဦးမည်သာ ဖြစ်သည်။

အဆိုးများ မြင်တွေ့ သိရှိနေဦးသမျှ အဆိုပါ အဆိုးများကို မြင်နေဦးမည်၊ ဝေဖန်သုံးသပ်ထောက်ပြစရာများ ရှိနေဦးသမျှ ဝေဖန်းထောက်ပြမှုများ ရှိနေဦးမည်၊ တိုင်းပြည်နှင့် ပြည်သူလူထုအကျိုးစီးပွားကို စော်ကားဖျက်ဆီးနေကြသူများ ရှိနေဦးသမျှ ပြည်သူလူထုထဲမှ ဆန့် ကျင်တိုက်ခိုက်သူများ ရှိနေဦးမည် ဖြစ်သည်ကို သိစေအပ်ပါသည်။