“အရေးကြီးပြီ” ဆိုတဲ့သီချင်းကို အရေးမကြီးသလို အပျော်သက်သက်လုပ်ပြီး သီဆိုလိုက်ကြတဲ့သူတွေ ရှစ်လေးလုံးသမိုင်းကို စော်ကားလိုက်တာဘဲ။

“အရေးကြီးပြီ” ဆိုတဲ့သီချင်းကို အရေးမကြီးသလို အပျော်သက်သက်လုပ်ပြီး သီဆိုလိုက်ကြတဲ့သူတွေ ရှစ်လေးလုံးသမိုင်းကို စော်ကားလိုက်တာဘဲ။

“အရေးကြီးပြီ” ဆိုတဲ့သီချင်းဟာ ၁၉၈၈ ခုနှစ် ရှစ်လေးလုံး ဒီမိုကရေစီအရေးတော်ပုံကြီးအတွင်းမှာ အာဏာရှင်ရန်သူရဲ့  သေနတ်တွေ ချိန်ထားတဲ့ကြားက ဆန္ဒပြ ကျောင်းသားကျောင်းသူ ရဟန်းရှင်လူပြည်သူလူထုဟာ အားမန်အပြည့် ခံယူချက်အပြည့် မတရားမှုကို အံတုတဲ့ စိတ်နဲ့  ဆိုခဲ့ကြတဲ့ သီချင်းတစ်ပုဒ်ပါ။ ထို့ အတူ ၁၉၈၈ ခုနှစ်နောက်ပိုင်း နယ်စပ်ဒေသအသီးသီနဲ့  နိုင်ငံတကာကို ရောက်နေကြတဲ့ ၈၈ မျိုးဆက်ကျောင်းသားကျောင်းသူများနဲ့  ဒီမိုကရေစီအင်အားစုများဟာ နိုင်ငံရေး တော်လှန်ရေးလှုပ်ရှားမှုပွဲတိုင်းမှာ အာဏာရှင်စနစ်ကို ဆက်လက်တိုက်ပွဲဝင်ရင်း ဒီသီချင်းကို စိတ်ဓါတ်အပြည့်နဲ့  ဆိုနေဆဲပါ။

ဒီသီချင်း “အရေးကြီးပြီ” ဆိုတဲ့သီချင်းကို ပေါ့ပျက်ပျက် တန်ဖိုးမထားဘဲ အပျော်သဘောမျိုးသီဆိုခဲ့တာ ဘယ်သောအခါမှ မတွေ့ ရှိခဲ့ရပါဖူး။ ထို့ အတူ ဒီမိုကရေစီရရှိရေးတိုက်ပွဲ အာဏာရှင်စနစ်ပြုတ်ကျရေးတိုက်ပွဲအတွင်းမှာ ကျဆုံးခဲ့ကြတဲ့ အာဇာနည် ရဟန်းရှင်လူ ကျောင်းသားပြည်သူအပေါင်းကိုလည်း သစ္စာပြုပြီး သီဆိုခဲ့ကြတဲ့ သီချင်းဖြစ်ပါတယ်။ သီချင်းစာသားကို ကြည့်ပါ၊ သီချင်း သံပြိုင်သီဆိုသူတွေဟာ ရင်ထဲ နှလုံးသားထဲကနေ ခံစားမှုအပြည့်နဲ့  အလေးအနက်ထားပြီး သီဆိုလေ့ရှိကြတဲ့ သီချင်းပါ။

အရေးကြီးပြီ ညီနောင်အပေါင်းတို့ 

သွေးစည်းကာ ညီစေညီကြဖို့ 

ငါတို့  ရဲ့  သမိုင်းတစ်ခေတ်ကို ငါတို့  သွေးနဲ့  ရေးခဲ့ပြီ

သွေး …. သစ္စာလည်း ပြုခဲ့ပြီ။

နိုင်ငံတော်အတွက်ဆို အသက်ဆိုလည်း ဘာမထီ

သေပစေ ခွပ်ဒေါင်းသွေးမို့  ရဲရဲ ရှေ့ ကို ချီ

လွတ်လပ်ခွင့်နဲ့  ငြိမ်းချမ်းရေးအတွက်ရည်

အဆုံးသတ် တိုက်ပွဲ ငါတို့  နွဲရမည် …

ယခုတော့ ဒီသီချင်းကို မြန်မာပြည်တွင်းမှာ အာဏာရှင်တွေရဲ့  မြှောက်ပေးမှုအောက်မှ အလေးအနက်မထား တန်ဖိုးမဲ့ စွာနဲ့  အပျော်အပျက်လို သီဆိုမှုကို ကြည့်မိတော့ သီဆိုသူတွေအနေနဲ့  ရှစ်လေးလုံးသမိုင်းကို စော်ကားနေတယ်လို့  ပြောဆိုရမှာပါဘဲ။

ဒီ “အရေးကြီးပြီ” ဆိုတဲ့သီချင်းကို အလေးအနက်မထား ပေါ့ပျက်ပျက်နဲ့  အပျော်သဘောလို အာဏာရှင် မြှောက်ပေးတိုင်းေ-ွးတက်အောင် သီဆိုကပြနေတဲ့သူတွေ သီဆိုပုံနဲ့ ၊ ရှစ်လေးလုံး ငွေရတုကို နိုင်ငံတကာရောက် ရှစ်လေးလုံးမျိုးဆက်သစ် ကလေးငယ်လေးတွေ အဖြူအစိမ်း ကျောင်းသူကျောင်းသားဝတ်စုံလေးတွေ ၀တ် တိုက်ပွဲဝင် ခွပ်ဒေါင်းပုံ နဖူးစည်းလေးတွေကို စည်းပြီး ဒီ “အရေးကြီးပြီ” ဆိုတဲ့သီချင်းကို လေးလေးနက်နက် သီဆိုနေတဲ့ ပုံ နှစ်ခုကို နှိုင်းယှဉ်ကြည့်ကြပါ။

ရှစ်လေးလုံးသမိုင်းဆိုတာ ကျောင်းသူကျောင်းသားလေးတွေ ရဟန်းသံဃာတွေ ပြည်သူလူထုတွေ သွေးမြေကျပြီးမှ ရင်းနှီးပေးဆပ်ခဲ့ရတဲ့ သမိုင်းဆိုတာ သဘောပေါက်နားလည်ကြပါ။ အထူးသဖြင့် ၁၉၈၈ ခုနှစ်မှာ ကြီးပြင်းခဲ့ကြတဲ့ ရှစ်လေးလုံးအရေးတော်ပုံကြီးမှာ ဒို့ အရေးလေးဘဲ အော်ခဲ့သည်ဖြစ်စေ ပါဝင်ခဲ့ကြတဲ့သူတွေ ရှစ်လေးလုံးသမိုင်းကို မစော်ကားကြဖို့  သတိပေးလိုက်ရပါတယ်။