.JPG)
မြန်မာကို အားပေးမှာလား ဒါမှ မဟုတ် …
မြန်မာကို အားပေးမှာလား ဒါမှ မဟုတ် …
ဘောလုံးကွင်းတစ်ကွင်းလုံး၊ မြန်မာပြည်တစ်ဝှန်းလုံး၊ အင်တာနက် စာမျက်နှာ ဖေ့စ်ဘွတ် ယူကျူတစ်ခွင်လုံး တကမ္ဘာလုံး နားအူမတတ် ကြားရ အားရရတဲ့ “မြန်မာဟေ့ မြန်မာဟေ့” အားရပါးရ ကြွေးကြော်သံ၊ “တရားမျှတ လွတ်လပ်ခြင်းနဲ့မသွေ ...
တို့ပြည် တို့မြေ၊ များလူခပ်သိမ်း ငြိမ်းချမ်းစေဖို့
ခွင့်တူညီမျှ ၀ါဒဖြူစင်တဲ့ပြည် တို့ပြည် တို့မြေ” အစချီပြီး
(ကမ္ဘာမကျေ မြန်မာပြည်
တို့ဘိုးဘွားအမွေစစ်မို့ ချစ်မြတ်နိုးပေ)2
ပြည်ထောင်စုကို အသက်ပေးလို့ တို့ကာကွယ်မလေ
ဒါတုိ့ပြည် ဒါတို့မြေ တို့ပိုင်နက်မြေ
တို့ပြည် တို့မြေ အကျိုးကို ညီညာစွာ တို့တစ်တွေ
ထမ်းဆောင်ပါစို့လေ တို့တာဝန်ပေ အဖိုးတန်မြေ” ဆိုတဲ့ နိုင်ငံတော်သီချင်းကို လူမျိုးဂုဏ် တိုင်းပြည်ဂုဏ် မြင့်မားစွာနဲ့  သံပြိုင်သီဆိုခဲ့ကြတာ ရင်ထဲ နှလုံးသားထဲ သွေးထဲသားထဲ ကြက်သီးတဖြင်းဖြင်း ထရုံမက လက်သီးလက်မောင်းပါ တန်းရသည်အထိ ကမ္ဘာမှာ မြန်မာဟေ့ ဆိုတာကို ၀င့်ဝင့်ကြွားကြွား သွေးနားထင် ရောက်ခဲ့ရပါတယ်။
ဒီလိုမျိုး တိုင်းပြည်ရဲ့  ဂုဏ်သိက္ခာ လူမျိုးရဲ့  ဂုဏ်သိက္ခာကို စွမ်းစွမ်းတမာန် ကြိုးစားပေးခဲ့ကြတဲ့ မြန်မာအမျိုးသမီးဘောလုံးအသင်းကိုလည်း အထူးကျေးဇူးတင်ရှိသလို လေးစားဂုဏ်ပြုရပါတယ်။ ယနေ့  မကြာခင်ကလေးကမှ ယှဉ်ပြိုင်ခဲ့တဲ့ ဘောလုံးပြိုင်ပွဲမှာ အနိုင်ဂိုး (၆) ဂိုးကို အရည်အချင်းရှိရှိ အဆင့်အတန်းရှိရှိ ရယူပေးနိုင်တဲ့အတွက် ယခုလို လှိုက်လှိုက်လှဲလှဲ ပြောကြားဂုဏ်ပြုခြင်း ဖြစ်ပါတယ်။ လေးစားဖွယ် ဂုဏ်ပြုဖွယ် ချီးကျူးဖွယ်ကောင်းလွန်းလှတဲ့ မြန်မာအမျိုးသမီးဘောလုံးအသင်းရဲ့  အောင်ပွဲများကိုလည်း ဆက်လက်မြင်တွေ့ ချင်ပါတယ်။
အနာဂါတ်မှာ အားကြိုးမာန်တက် အားကစားစိတ်ဓါတ်အပြည့်နဲ့ ယှဉ်ပြိုင်မယ့် မြန်မာအမျိုးသမီးအသင်းရဲ့  ယှဉ်ပြိုင်ပွဲတွေအတွက် -
မြန်မာအမျိုးသမီးဘောလုံးအသင်းရဲ့  တိုင်းပြည်ဂုဏ်ဆောင်တဲ့ အားကြိုးမာန်တက် စွမ်းဆောင်မှုတွေနဲ့ အတူ အနိုင်မခံ အရှုံးမပေး အားကစားစိတ်ဓါတ်အပြည့်နဲ့  ယှဉ်ပြိုင်မှု အနိုင်ရမှုကို သမ္မတကြီး သိန်းစိန်ရော ချီးကျူးစကား ပြောမှာလား၊ သိန်းချီတဲ့ ဆုငွေတွေကို ကမ္ဘောဇနဲ့  ကြည်း ရေ လေတွေကရော ဆုချီးမြှင့်မှာလား၊ ဇော်ဇော်တို့ ကရော အားပါးတရ လက်ခုပ်တီးကြမှာလား၊ ဘောလုံးကွင်းထဲမှာ ဂုဏ်ပြုစကားတွေကို ပြောကြမှာလား၊ ပြန်ကြားရေးဝက်ဆိုဒ်ကရော ထောပနာပြုတာတွေ ရေးသားမှာလား၊ မျိုးချစ်စိတ်ဓါတ်တွေ အင်မတန်ပြင်းပြနေပြတဲ့ ကိုယ်တော်တွေကလည်း ဘောစောင့်ဥပဒေထုတ်လိုစိတ် ဖြစ်ပေါ်မှာလား၊ အမျိုး (အာဏာရှင်မျိုး) ထိရင် မချိအောင် နာတတ်ကြတဲ့ အဖေမတူ မအေကွဲ ဒူးမနာသားများကရော အနိုင်ရရေး ဘောမြှောက်ကာ ကာကွယ်ပေးကြမှာလား၊ ငွေရှင်ကြေးရှင် ဘုံးတံခိုးရှင်များကလည်း ငွေထုတ်ကြီးများကို ဘယ်ဘက်ကိုများ ရွေးချယ်ပေး အဲ … သာတဲ့ဘက်ကို ပစ်ပေါက်ပေးကြမှာလည်းဆိုတာ အမျိုးချစ်တဲ့ စိတ်နဲ့ ပြောပြော မေးကြည့်ပါရစေ။
နေပြည်တော်မှာ အချိန်ကာလတစ်ခုတွင် မြန်မာအမျိုးသမီးဘောလုံးအသင်းနဲ့  တရုတ်အမျိုးသမီးဘောလုံးအသင်းတို့  ဗိုလ်လုပွဲ ပထမနေရာကို အကြိတ်အနယ် ယှဉ်ပြိုင်မှာ ဖြစ်တဲ့အတွက် သိရှိလွန်လွန်းလို့  မေးရခြင်း ဖြစ်ပါတော့တယ်။
No comments:
Post a Comment